କଟକ ସହରରେ ଆରମ୍ଭ ହେଲା ସେରୋ ସର୍ଭେ : କରୋନା ସଂକ୍ରମିତ ହୋଇଥିବା ଅଂଚଳରୁ କରାଯାଉଛି ସାମ୍ପଲ ସଂଗ୍ରହ; ଆସନ୍ତା ୫ ତାରିଖ ଯାଏଁ ଚାଲିବ ସର୍ଭେ
ଶରୀରରେ କେତେ ହୋଇଛି ଆଂଟିବଡି ବିକଶିତ, ସର୍ଭେରୁ ହେବ ସ୍ପଷ୍ଟ
କନକ ବ୍ୟୁରୋ : ଆଜିଠାରୁ କଟକରେ ସେରୋ ସର୍ଭେ ଆରମ୍ଭ ହେବ । ଏଥିପାଇଁ ସିଏମସି ପକ୍ଷରୁ ଏକ ଟିମ ଗଠନ କରାଯାଇଛି । ପ୍ରଥମ ପର୍ଯ୍ୟାୟରେ କଟକର ୨୫ଟି ୱାର୍ଡରେ ଏହି ସର୍ଭେ ହେବ । ପ୍ରତି ୱାର୍ଡରୁ ୭୦ଜଣଙ୍କ ସାମ୍ପୁଲ ସଂଗ୍ରହ କରାଯାଇ ସର୍ଭେ କରାଯିବ । ଯେଉଁମାନେ ସାମ୍ପଲ ଦେବେ ସେମାନଙ୍କ ନାଁକୁ ଗୋପନୀୟ ରଖାଯିବ । ଏହି ସର୍ଭେ ୫ ତାରିଖ ଯାଏଁ ଚାଲିବ ।
Kanak News is now on WhatsApp
Join and get latest news updates delivered to you via WhatsApp
ସିଏମସି ପକ୍ଷରୁ ଗଠନ କରାଯାଇଥିବା ଟିମରେ ସ୍ୱାସ୍ଥ୍ୟକର୍ମୀ, ସାନିଟାରୀ ଟିମ, ସ୍ୱାସ୍ଥ୍ୟ ବିଶେଷଜ୍ଞ ଓ ଅନ୍ୟ ଅଧିକାରୀ ସାମିଲ ହୋଇଛନ୍ତି । ସେରୋ ସର୍ଭେ ଦ୍ୱାରା ରୋଗ ପ୍ରତିଷେଧକ ଶକ୍ତି କେତେ ବଢିଥାଏ ତାହା ଜଣାପଡିଥାଏ । ପୂର୍ବରୁ ଭୁବନେଶ୍ୱରରେ ସେରୋ ସର୍ଭେ କରାଯାଇଥିଲା । ଏଥିରେ ସହରରେ ୫୦ ପ୍ରତିଶତ ଲୋକଙ୍କ ଦେହରେ ଆଂଟିବଡି ଥିବା ଦେଖାଯାଇଥିଲା ।