ନୂଆ କର୍ମଚାରୀଙ୍କ ପାଇଁ କେନ୍ଦ୍ର ସରକାରଙ୍କ ବଡ ଘୋଷଣା : ଆଗାମୀ ୨ବର୍ଷ ଯାଏଁ ନୂଆ କର୍ମଚାରୀଙ୍କ ପିଏଫ୍ ଦେବ କେନ୍ଦ୍ର; ପିଏଫର୍ ସମ୍ପୂର୍ଣ୍ଣ ୨୪ % ସବସିଡି ରୂପେ ଦେବେ
ସୀତାରମଣ କହିଲେ, ଦେଶରେ ସୁଧରୁଛି ଆର୍ଥିକ ସ୍ଥିତି
କନକ ବ୍ୟୁରୋ : ଦେଶର ଅର୍ଥନୀତିକୁ ସୁଦୃଢ କରିବାକୁ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ଷ୍ଟିମୁଲସ ପ୍ୟାକେଜ ଘୋଷଣା କରିଛନ୍ତି । ନିଯୁକ୍ତିକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ଆତ୍ମନିର୍ଭର ଭାରତ ରୋଜଗାର ଯୋଜନା ଘୋଷଣା କରିଛନ୍ତି । କୋଭିଡ କାଳରେ ନିଯୁକ୍ତି ସୁଯୋଗ ସୃଷ୍ଟି କରିବା ଉଦ୍ଦେଶ୍ୟରେ ଏହି ଘୋଷଣା ହୋଇଛି । ନୂଆ କର୍ମଚାରୀଙ୍କ ପାଇଁ କେନ୍ଦ୍ର ସରକାରଙ୍କ ବଡ ଘୋଷଣା କରିଛନ୍ତି । ଆଗାମୀ ୨ବର୍ଷ ଯାଏଁ ନୂଆ କର୍ମଚାରୀଙ୍କ ପିଏଫ୍ କେନ୍ଦ୍ର ଦେବ । ପିଏଫର୍ ସମ୍ପୂର୍ଣ୍ଣ ୨୪ % ସବସିଡି ରୂପେ ଦେବେ । ଏହା ୧ ଅକ୍ଟୋବର ୨୦୨୦ରୁ ଲାଗୁ କରିବାକୁ ନିଷ୍ପତ୍ତି । ହଜାରରୁ ଅଧିକ କର୍ମଚାରୀ ଥିବା ସଂସ୍ଥାରେ ନୂଆ ଚାକିରିଆଙ୍କୁ ମିଳିବ ପିଏଫ୍ । ନୂଆ କର୍ମଚାରୀଙ୍କ ୧୨% ପିଏଫ୍ ଦେବେ ସରକାର । ସରକରାଙ୍କ ଏ ନିଷ୍ପତ୍ତିରେ ପ୍ରାୟ ୯୫% ସଂସ୍ଥାର କର୍ମଚାରୀ ଲାଭ ପାଇବେ ।
Kanak News is now on WhatsApp
Join and get latest news updates delivered to you via WhatsApp
ଆଜି ଏହା ଘୋଷଣା କରି କେନ୍ଦ୍ରମନ୍ତ୍ରୀ ନିର୍ମଳା ସୀତାରମଣ କହିଛନ୍ତି, ଦେଶର ଆର୍ଥିକ ଅବସ୍ଥାରେ ଦ୍ରୁତଗତିରେ ସୁଧାର ଆସୁଛି । ଜିଏସଟି ସଂଗ୍ରହ ୧୦ ପ୍ରତିଶତ ବଢିଛି । ନିବେଶରେ ବି ଭଲ ପ୍ରଗତି ହୋଇଛି । ଅନ୍ତର୍ଜାତୀୟ ରେଟିଂ ସଂସ୍ଥା ମୁଡିଜ ବି ଦର୍ଶାଇଛି ଯେ, ଦେଶର ଜିଡିପିରେ ସୁଧାର ଆସିଛି । ବିଦେଶୀ ମୁଦ୍ର ଭଣ୍ଡାରରେ ବି ଭଲ ବୃଦ୍ଧି ଘଟିଛି । ବ୍ୟାଙ୍କ ଗୁଡିକର କ୍ରେଡିଟ ଗ୍ରୋଥ ବି ବଢିଛି ବୋଲି ସୀତାରମଣ କହିଛନ୍ତି ।