କରୋନା : ଆସନ୍ତାକାଲିଠାରୁ ଆରମ୍ଭ ହୋଇପାରେ ‘କୋଭାକ୍ସିନ’ର ଦ୍ଵିତୀୟ ପର୍ଯ୍ୟାୟ ପରୀକ୍ଷଣ

କନକ ବ୍ୟୁରୋ :  କରୋନା ଭୂତାଣୁ ରୋକିବା ପାଇଁ ‘ଭାରତ ବାୟୋଟେକ୍’ ଦ୍ୱାରା ପ୍ରସ୍ତୁତ ସ୍ୱଦେଶୀ ‘କୋଭାକ୍ସିନ’ ପରୀକ୍ଷଣର ଦ୍ୱିତୀୟ ପର୍ଯ୍ୟାୟକୁ ଔଷଧ ନିୟନ୍ତ୍ରକ(ଡ୍ରଗ ରେଗୁଲେଟରି) ଅନୁମୋଦନ କରିଛନ୍ତି। ସୂଚନାନୁସାରେ, ଦ୍ୱିତୀୟ ପର୍ଯ୍ୟାୟ ପାଇଁ ଟିକା ସମ୍ପୂର୍ଣ୍ଣ ପ୍ରସ୍ତୁତ। ଦ୍ୱିତୀୟ ପର୍ଯ୍ୟାୟରେ, ସେପ୍ଟେମ୍ବର ୭ ରୁ ‘କୋଭାକ୍ସିନ’ ଟିକା ପରୀକ୍ଷା ଆରମ୍ଭ ହୋଇପାରେ। ପ୍ରଥମ ପର୍ଯ୍ୟାୟରେ ଦେଶର ବିଭିନ୍ନ ସ୍ଥାନରେ ଇଣ୍ଡିଆ ବାୟୋଟେକ୍ ଟିକା ପରୀକ୍ଷା କରାଯାଇଛି।

ସ୍ୱାସ୍ଥ୍ୟ ସେବା ମହାନିର୍ଦ୍ଦେଶକ ତାଙ୍କ ବିବୃତ୍ତିରେ କହିଛନ୍ତି ଯେ ‘ସେପ୍ଟେମ୍ବର ୩ ରେ ସ୍ୱାସ୍ଥ୍ୟ ବିଶେଷଜ୍ଞଙ୍କ ମଧ୍ୟରେ ଭାରତ ବାୟୋଟେକ୍ ଟିକାକୁ ନେଇ ଏକ ଭିଡିଓ କନଫରେନ୍ସିଂ ହୋଇଥିଲା, ଯେଉଁଥିରେ ଟିକାକୁ ଦ୍ୱିତୀୟ ପର୍ଯ୍ୟାୟକୁ ପଠାଇବାକୁ ସହମତି ପ୍ରକାଶ ପାଇଥିଲା। ବର୍ତ୍ତମାନ ଦ୍ୱିତୀୟ ପର୍ଯ୍ୟାୟରେ ୩୮୦ ସ୍ୱେଚ୍ଛାସେବୀଙ୍କ ଉପରେ ଏହି ଟିକା ପରୀକ୍ଷା କରାଯିବ।

ଟୀକାକରଣର ପରେ ଆସନ୍ତା ୪ ଦିନ ପାଇଁ ସମସ୍ତ ସ୍ୱେଚ୍ଛାସେବୀଙ୍କ ସ୍ୱାସ୍ଥ୍ୟ ପରୀକ୍ଷା କରାଯିବ। ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସରେ ଟ୍ରାଏଲର ମୁଖ୍ୟ ଅନୁସନ୍ଧାନକାରୀ ଡକ୍ଟର ଇ.ଭେଙ୍କଟ ରାଓ କହିଛନ୍ତି ଯେ ଖୁବ ଶୀଘ୍ର ଦ୍ଵିତୀୟ ପର୍ଯ୍ୟାୟ ପରୀକ୍ଷଣ ଆରମ୍ଭ ହେବାକୁ ଥିବାବେଳେ ପ୍ରଥମ ପର୍ଯ୍ୟାୟର ପ୍ରକ୍ରିୟା ମଧ୍ୟ ଚାଲିଛି | ସୂଚନା ଥାଉ କି ଭାରତରେ ଏପର୍ଯ୍ୟନ୍ତ ୪୧ ଲକ୍ଷରୁ ଅଧିକ ଲୋକ କରୋନା ଦ୍ୱାରା ଆକ୍ରାନ୍ତ ହୋଇଛନ୍ତି।