ଦ୍ୱିତୀୟ ଥର କରୋନା ସଂକ୍ରମଣ ହେଲେ ଜଟିଳ ହେଉଛି ପରିସ୍ଥିତି । ପ୍ରକାଶ ପାଉଛି ଗୁରୁତର ଲକ୍ଷଣ : ମୁମ୍ୱାଇରେ ୪ ସ୍ୱାସ୍ଥ୍ୟକର୍ମୀଙ୍କୁ ଦ୍ୱିତୀୟ ଥର କରୋନା ସଂକ୍ରମଣ ହେବା ପରେ ଗବେଷଣାରୁ ଆସିଲା ରିପୋର୍ଟ
କନକ ବ୍ୟୁରୋ : କରୋନା ସଂକ୍ରମଣକୁ ନେଇ ଆସିଛି ଆଉ ଏକ ଚିନ୍ତାଜନକ ଖବର । ଦ୍ୱିତୀୟ ଥର କରୋନା ସଂକ୍ରମଣ ହେଲେ ଜଟିଳ ହୋଇପାରେ ସ୍ୱାସ୍ଥ୍ୟାବସ୍ଥା । ମୁମ୍ବାଇର ଚାରି ଜଣ ସ୍ୱାସ୍ଥ୍ୟକର୍ମୀଙ୍କୁ ଦ୍ୱିତୀୟଥର କରୋନା ସଂକ୍ରମଣ ହେବା ପରେ କିଛି ଏଭଳି ତଥ୍ୟ ସାମ୍ନାକୁ ଆସିଛି । ନେୟାର ହସ୍ପିଟାଲର ତିନିଜଣ ଡାକ୍ତରଙ୍କ ସହ ଜଣେ ସ୍ୱାସ୍ଥ୍ୟକର୍ମୀଙ୍କୁ ଦ୍ୱିତୀୟ ଥର କରୋନା ସଂକ୍ରମଣ ହୋଇଛି । ଆଉ ଏହାପରେ ତାଙ୍କ ଠାରେ ପୂର୍ବ ଅପେକ୍ଷା ଅଧିକ ଗୁରୁତର ଲକ୍ଷ୍ୟଣ ପ୍ରକାଶ ପାଇଛି । ଇନଷ୍ଟିଚ୍ୟୁଟ ଅଫ ଜେନୋମିସ ଇନଟିଗ୍ରେଟିଭ ବାୟୋଲୋଜି ଓ ଇଂଟରନ୍ୟାସନାଲ ସେଂଟର ଫର ଜେନେଟିକ ଇଞ୍ଜିନିୟରିଂ ଆଣ୍ଡ ବାୟୋଟେକନୋଲୋଜିର ଗବେଷଣାରୁ କିଛି ଏଭଳି ତଥ୍ୟ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଯେତେବେଳେ ଏହି ସ୍ୱାସ୍ଥ୍ୟକର୍ମୀ ମାନଙ୍କୁ ପ୍ରଥମଥର କରୋନା ସଂକ୍ରମଣ ହୋଇଥିଲା,ସେତେବେଳେ ତାଙ୍କ ଶରୀରରେ ସାମାନ୍ୟ ଲକ୍ଷ୍ୟଣ ପ୍ରକାଶ ପାଇଥିଲା । ହେଲେ ଦ୍ୱିତୀୟ ଥର ସଂକ୍ରମଣ ହେବା ପରେ ଗୁରୁତର ଲକ୍ଷ୍ୟଣ ପ୍ରକାଶ ପାଇଛି । ଅବଶ୍ୟ ସେମାନଙ୍କର ନିଶ୍ୱାସ ପ୍ରଶ୍ୱାସ ନେବାରେ ଅ୍ରସୁବିଧା ହୋଇନାହିଁ । ତେବେ ଏହି ଡାକ୍ତର ଓ ସ୍ୱାସ୍ଥ୍ୟକର୍ମୀ ମାନେ ଯୁବାବସ୍ଥାରେ ଥିବାରୁ ସେମାନଙ୍କ ଶ୍ୱାସତନ୍ତ୍ର ପ୍ରଭାବିତ ହୋଇନାହିଁ । ଆଇସିଜିଥବି ବା ଇଂଟରନ୍ୟାସନାଲ ସେଂଟର ଫର ଜେନେଟିକ ଇଞ୍ଜିନିୟରିଂ ଆଣ୍ଡ ବାୟୋଟେକନୋଲୋଜିର ବିଶେଷଜ୍ଞ ଡାକ୍ତର ସୁଜାଥା ସୁନୀଲ କହିଛନ୍ତି ବୟସ୍କ ଲୋକଙ୍କୁ ସଂକ୍ରମଣ ହେଲେ ସ୍ଥିତି ଅଧିକ ଜଟିଳ ହୋଇପାରେ ।