ସ୍କ୍ରାମଜେଟ ଇଞ୍ଜିନ ଗର୍ଜନ କରି ଉପରକୁ ଉଠିଲା, ଭାରତୀୟଙ୍କ ଛାତି ଗର୍ବରେ ଫୁଲିଲା । ଆକାଶ ମାର୍ଗରେ ହିଁ ଯୁଦ୍ଧର କୌଶଳକୁ ପରିବର୍ତନ କରିବାର କ୍ଷମତା ରଖିଛି
କନକ ବ୍ୟୁରୋ : ଓଡ଼ିଶାର ଚାନ୍ଦିପୁରରେ ଥିବା ଏପିଜେ ଅବଦୁଲ କାଲାମ ହୁଇଲର ଦୀପରୁ ଯେତେବେଳେ ସ୍କ୍ରାମଜେଟ ଇଞ୍ଜିନ ଗର୍ଜନ କରି ଉପରକୁ ଉଠୁଥିଲା, ସେତେବେଳେ ଡିଫେନ୍ସ ରିସର୍ଚ ଡେଭଲପମେଂଟ ଅର୍ଗାନାଇଜେସନ ସହ ସବୁ ଭାରତୀୟଙ୍କ ଛାତି ଗର୍ବରେ ଫୁଲି ଉଠିଥିଲା । କାରଣ ଏହି ସଫଳତା ଏଭଳି ଏକ ମାଇଲଖୁଂଟ ଯାହା ଆକାଶ ମାର୍ଗରେ ଯୁଦ୍ଧର କୌଶଳକୁ ପରିବର୍ତନ କରିବାର କ୍ଷମତା ରଖିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ପରୀକ୍ଷା ସଫଳ ହେବାର ସବୁଠୁ ବଡ଼ ସଙ୍କେତ ହେଉଛି ବର୍ତମାନ ଭାରତ ସ୍କ୍ରାମଜେଟ ଇଞ୍ଜିନରେ ହାଇପର ସୋନିକ କ୍ଷେପଣାସ୍ତ୍ର ତିଆରି କରିପାରିବ । ଏଥିପାଇଁ ଅବଶ୍ୟ ୫ ବର୍ଷ ସମୟ ଲାଗିବ, କିନ୍ତୁ ଏଥିପାଇଁ ଆବଶ୍ୟକ ମୂଳ ଆଧାର ସଫଳ ହୋଇଛି । ଏହି କ୍ଷେପଣାସ୍ତ୍ର ଶବ୍ଦର ଗତିର ୬ ଗୁଣ ବେଗରେ ଅର୍ଥାତ୍ ଘଂଟାକୁ ୭ ହଜାର ୪ ଶହ କିଲୋମିଟର ବେଗରେ ଗତି କରିପାରିବ ।
ସାରା ବିଶ୍ୱରେ-ଆମେରିକା, ରୁଷିଆ ଓ ଚୀନ୍ ପରେ ଚତୁର୍ଥ ରାଷ୍ଟ୍ର ଭାବେ ଭାରତ ଏଭଳି ସ୍କ୍ରାମଜେଟ୍ ଇଂଜିନ ସହ ସୁପରସୋନିକ କ୍ଷେପଣାସ୍ତ୍ର ତିଆରି ପାଇଁ ଦକ୍ଷତା ହାସଲ କରିଛି । ଦୂରଗାମୀ କ୍ଷେପଣାସ୍ତ୍ର ତିଆରି ସହ ଏହି ଇଂଜିନ ଉପଗ୍ରହ ମଧ୍ୟ ପଠାଇପାରିବ ।