କନକ ବ୍ୟୁରୋ: ବିପର୍ଯ୍ୟୟ ବେଳେ ମଉଜ । ୨୦୨୦ ବନ୍ୟା ବେଳେ ୭ ଦିନରେ ୧୩୨୪ ଟି କେ-ଟୁ ଟେଣ୍ଡର । ଯାଜପୁର ଜିଲ୍ଲାର ଆରଡି ଡିଭିଜନରେ ବନ୍ୟା ଓ ବାତ୍ୟା ଆଳରେ ଖାଇଗଲେ କୋଟି କୋଟି ଟଙ୍କ । ମିଳିଥିବା ତଥ୍ୟାନୁସାରେ ୧୩୨୪ଟି କେ-ଟୁ (୧୦ ହଜାର ଟଙ୍କାରୁ କମ୍ ମୂଲ୍ୟର) କାର୍ଯ୍ୟକୁ ହାତ ଚିଠା ଜରିଆରେ ଏହି ଅର୍ଥକୁ ଚଳୁ କରିଛନ୍ତି ଯନ୍ତ୍ରୀ ଓ ଠିକାଦାର । ପୂର୍ବରୁ ମଧ୍ୟ ଏଭଳି ଅନେକ ଅଭିଯୋଗ ଆସିଥିବା ବେଳେ ଏହା ଉପରେ ବିଭାଗୀୟ ବିଭାଗୀୟ କାର୍ଯ୍ୟାନୁଷ୍ଠାନ ଶୂନ । ତେବେ ଜିଲ୍ଲାପାଳ କହିଛନ୍ତି ଖୁବ ଶୀଘ୍ର ତଦନ୍ତ କରାଯାଇ ନିଆଯିବ ଦୃଢ଼ କାର୍ଯ୍ୟାନୁଷ୍ଠାନ ।
Kanak News is now on WhatsApp
Join and get latest news updates delivered to you via WhatsApp
ବିଭାଗୀୟ କର୍ତୃପକ୍ଷ ଠିକାଦାରଙ୍କୁ ଖୁସି କରିବା ପାଇଁ ଗୋଟିଏ କାମକୁ ୨୦ରୁ ୨୫ ଭାଗ କରି ଗୋଟିଏ ଗୋଟିଏ ଲୋକ ହାତରେ ଟେକିଦିଆଯାଇଛି । ୨୦୨୦ରେ ଜିଲ୍ଲାରେ ହୋଇଥିବା ବଡ ବନ୍ୟା ସମୟରେ କେବଳ ରାସ୍ତା ମରାମତି ଆଳରେ ୧୩୨୬ କେ-ଟୁ ଜରିଆରେ କୋଟିଏରୁ ଅଧିକ ଟଙ୍କା ଆତ୍ମସାତ ହୋଇଥିବା ଅଭିଯୋଗ ଆସିଛି । ଏହି ଦୁର୍ନୀତିରେ ଦସ୍ତାବିଜ ଲାଗିଛି କନକ ନ୍ୟୁଜ ହାତରେ ।
ସେହିପରି ଫୋନି ବାତ୍ୟା ସମୟରେ ଗଛ ସଫେଇ ନାଁରେ ବି ଟଙ୍କା ହଡପ ହୋଇଛି । ୨୦୨୦ ବନ୍ୟାରେ ପ୍ରଭାବିତ ରାସ୍ତା ମରାମତି କରିବା ଆଳରେ ଆରଡି ବିଭାଗ ହାତ ଚିଠା ଜରିଆରେ ଠିକାଦାରଙ୍କୁ କାମ ବାଟିଂଛି । ନିର୍ଦ୍ଦିଷ୍ଟ ଠିକାଦାରଙ୍କୁ ଗୋଟିଏ କାମ ବାବଦକୁ ଭିନ୍ନଭିନ୍ନ ଭାବେ ଟଙ୍କା ମଂଜୁର କରାଯାଇଛି । ବନ୍ୟାର ପ୍ରଭାବ ପଡିନଥିବା ବ୍ଲକରେ ମଧ୍ୟ ମରାମତି ଆଳରେ ହରିଲୁଟ ହୋଇଛି ଟଙ୍କା ।
ଗତ ଏକସପ୍ତାହ ମଧ୍ୟରେ ଆମେ ୩ଟି ଜିଲ୍ଲାର ଚିତ୍ର ଆମେ ଆପଣଙ୍କୁ ଦେଖାଇଲୁଣି । ଯେଉଁଠି ଗୋଟିଏ କାମକୁ ଭାଗ ଭାଗ କରି ଜଣେ ଠିକାଦାରକୁ ଦିଆଯାଇଛି । ଆଉ ହରିଲୁଟ ହୋଇଛି କୋଟି କୋଟି ଟଙ୍କା । ଆଉ ସରକାର ଏହା ଉପରେ ନଜର ଦେବା ଜରୁରୀ ହୋଇପଡିଛି ।