କନକ ବ୍ୟୁରୋ: ସାରା ବିଶ୍ୱକୁ ଆକ୍ତିଆର କରିସାରିଲାଣି ଭୟଙ୍କର କରୋନା ଭୂତାଣୁ । ୨ ବର୍ଷ ଧରି କରୋନାର କରୋଡା ମାଡରେ ଭାଙ୍ଗି ଯାଇଛି ବିଶ୍ୱର ଆର୍ଥିକ ମେରୁଦଣ୍ଡ । ଅଣନିଃଶ୍ୱାସୀ ହୋଇପଡିଛନ୍ତି ଲୋକେ । ଅକାଳରେ ଝରିପଡିଛି ଲକ୍ଷ ଲକ୍ଷ ଜୀବନ । ସର୍ବସ୍ୱାନ୍ତ ହୋଇଛନ୍ତି ଅନେକ । ହେଲେ ଏବେବି ଏପରି ଏକ ସ୍ଥାନ ଅଛି ଯେଉଁଠି ପହଞ୍ଚିପାରିନି ଭୟଙ୍କର କରୋନା ଭୂତାଣୁ । ଏଠି ପୂର୍ବ ପରି ଲୋକେ ନିର୍ଭୟରେ ଜୀବନ ବିତାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏକ ଅନ୍ତର୍ଜାତୀୟ ରିପୋର୍ଟ ମୁତାବକ, ଦୁନିଆଁର ସବୁଠୁ ସୁରକ୍ଷିତ ସ୍ଥାନ ହେଉଛି ଆଟଲାଣ୍ଟିକ୍ ମହାସାଗର ମଧ୍ୟରେ ଥିବା ସେଣ୍ଟ ହେଲେନା ଦ୍ୱୀପ । ଏଠାରେ ନାହିଁ କୌଣସି କଟକଣା । ନା ଅଛି ମାସ୍କ ପିନ୍ଧିବାର କଟକଣା ନା ସୋସିଆଲ ଡିଷ୍ଟାନ୍ସିଙ୍ଗ ନିୟମ । ଅତି ସହଜ ଆଉ ନିର୍ଭୟରେ ଚାଲିଛି ଜୀବନ । କିନ୍ତୁ ଏଠାରେ ବାରମ୍ବାର ହାତ ଧୋଇବାକୁ ଲୋକେ ଗୁରୁତ୍ୱ ଦେଉଛନ୍ତି । ଏହାସହ ଛିଙ୍କିବା ବା କାସିବା ସମୟରେ ମୁହଁକୁ ଘୋଡାଇବା ଉପରେ ଗୁରୁତ୍ୱ ଦେଇଥାନ୍ତି । ସାରା ବିଶ୍ୱକୁ କରୋନା ଅସ୍ତବ୍ୟସ୍ତ କରିପକାଇଥିବାବେଳେ ଏହି ସ୍ଥାନରେ ଏଯାଏଁ କିନ୍ତୁ ପହଞ୍ଚି ପାରିନି କରୋନା । ଏଠାରେ ଏଯାଏଁ ଗୋଟିଏ ବି କରୋନା ସଂକ୍ରମଣର ସୂଚନା ନାହିଁ ।
ଚାରିପଟେ ପାହାଡ ଓ ତା’ ମଧ୍ୟରେ ସବୁଜିମାର ବଳୟ ଭିତରେ ଥିବା ଏହି ଦ୍ୱୀପକୁୁ ପୂର୍ବପରି ପର୍ଯ୍ୟଟକ ବି ଆସୁଛନ୍ତି । ହେଲେ ଏଠାକୁ ଆସିବା ପୂର୍ବରୁ ସେମାନଙ୍କ କରୋନା ନେଗେଟିଭ୍ ରିପୋର୍ଟ ଜମା କରିବାକୁ ପଡୁଛି । ଆଟଲାଣ୍ଟିକ୍ ମହାସାଗର ମଝିରେ ଥିବା ଏହି ଦ୍ୱୀପର ସୁନ୍ଦରତା ଦେଖିବା ଭଳି । ୧୨୦ ବର୍ଗ କିଲୋମିଟରର ଏହି ଦ୍ୱୀପରେ ରହୁଛନ୍ତି ପାଖାପାଖି ୫୦୦୦ ଲୋକେ । କିଛି ମାତ୍ରାରେ କୃଷି କରିବା ସହ ମାଛ ଧରି ନିଜ ଗୁଜୁରାଣ ମେଣ୍ଟାଇଥାନ୍ତି ଏଠିକାର ଲୋକେ । ଏହି ଦ୍ୱୀପ ଆଲେକଜାଣ୍ଡାରଙ୍କ ପାଇଁ ପ୍ରସିଦ୍ଧି ଲାଭ କରିଛି । କୁହାଯାଏ ଜୀବନର ଶେଷ ସମୟ ଏହି ଦ୍ୱୀପରେ ହିଁ କଟାଇଥିଲେ । ଏଠାରେ ହିଁ ଆଲେକଜାଣ୍ଡାର ଶେଷ ନିଃଶ୍ୱାସ ତ୍ୟାଗ କରିଥିଲେ । ଏଠାରେ ତାଙ୍କର ଦୁଇଟି ସ୍ମୃତି ପୀଠ ମଧ୍ୟ ରହିଛି ।