ଭୁବନେଶ୍ୱର ପିଏନବି ଏଟିଏମ ଲୁଟ ଘଟଣାର ଅଭିଯୁକ୍ତ ଦେଖାଇଲା ଡେମୋ । ଲୁଟେରା କହିଲା ଲୁଟର ପୂରା କାହାଣୀ । ନାଳ ଭିତରେ ଫୋପାଡିଥିଲେ ଟଙ୍କା ବ୍ୟାଗ
କନକ ବ୍ୟୁରୋ : ନାଳ କଡରେ ଥିବା ଅଳିଆ ଗଦା ଘାଂଟୁଛି ପୁଲିସ । ତନ୍ନ ତନ୍ନ କରି ଯାଂଚ କରୁଛନ୍ତି ପୁଲିସ କର୍ମଚାରୀ । ଏଟିଏମ ଲୁଟେରାର ତଥ୍ୟ ଆଧାରରେ ଏହି ଅଂଚଳରେ ଟଙ୍କା ଭର୍ତି ବ୍ୟାଗ ଫିଙ୍ଗା ଯାଇଥିବା ଜଣାପଡିବା ପରେ ଆରମ୍ଭ ହୋଇଛି ତନାଘନା ।
Kanak News is now on WhatsApp
Join and get latest news updates delivered to you via WhatsApp
ଅକ୍ଟୋବର ୧୧ ତାରିଖରେ ଭୁବନେଶ୍ୱର ମାଗ୍ନେଟିକ୍ ଛକ ସ୍ଥିତ ପିଏନବି ଏଟିଏମରୁ ପ୍ରାୟ ୨୮ ଲକ୍ଷ ଟଙ୍କା ଲୁଟ୍ ଘଟଣାରେ ଧରା ପଡିଛନ୍ତି ୨ ଅପରାଧୀ । ଭାଇଜାକ୍ ପୋଲିସ ଗିରଫ କରିବା ପରେ ଏହି ଦୁଇ ଲୁଟେରାଙ୍କୁ ୩ ଦିନିଆ ଟ୍ରାଜିଂଟ ରିମାଣ୍ଡରେ ଆଣିଛି କମିଶନରେଟ୍ ପୁଲିସ । ଏହା ପରେ ଆରମ୍ଭ ହୋଇଛି ପୁରା ଲୁଟ୍ ଘଟଣାର ତନାଘନା । ଲୁଟ୍ ହୋଇଥିବା ଏଟିଏମ୍ରେ ପହଂଚି ଡେମୋ କରିଛନ୍ତି ଦୁଇ ଲୁଟେରା । ପୁରା ଲୁଟ୍ର ଚିତ୍ରକୁ ପୁଣି ଥରେ ପ୍ରଦର୍ଶିତ କରିଛନ୍ତି ଅପରାଧୀମାନେ ।
ପଞ୍ଜାବର ସମରଜିତ୍ ସିଂହ ଓ କେରଳର ଜଫର ସଦ୍ଦିକ ମିଳିତ ଭାବେ ଚାଲାଇଥିଲେ ଏହି ଲୁଟ୍ ସାମ୍ରାଜ୍ୟ । ଲୁଟ୍ କରିବା ପରେ ବିମାନ ଯୋଗେ ସାରା ଦେଶରେ ବୁଲିଥାନ୍ତି ଦୁଇ ଲୁଟେରା । କଲିକତାରୁ ଫ୍ଲାଇଟ୍ ଯୋଗେ ଭୁବନେଶ୍ୱରରେ ପହଁଚି ପରେ ଏକ ହୋଟେଲରେ ରହି ପ୍ରସ୍ତୁତ କରିଥିଲେ ଲୁଟର ନକ୍ସା । ସହର ସାରା ବୁଲି ପ୍ରସ୍ତୁତ କରିଥିଲେ ଏଟିଏମ ଉପରେ ରଖିଥିଲେ ନଜର ।
ଶେଷରେ ଅକ୍ଟୋବର ୧୦ ତାରିଖ ବିଳମ୍ବିତ ରାତିରେ ପିଏନବିର ଏଟିଏମରୁ ତାଡି ନେଇଥିଲେ ଲକ୍ଷ ଲକ୍ଷ ଟଙ୍କା । ଲୁଟ କରିବା ପରେ ଭୁବନେଶ୍ୱରରୁ ଫ୍ଲାଇଟ୍ ଯୋଗେ ସକାଳୁ ଦିଲ୍ଳୀ ବାହାରି ଯାଇଥିଲେ । ଦିଲ୍ଲୀରୁ ଟ୍ୟାକ୍ସିରେ ଚଣ୍ଡିଗଡରେ ପହଁଚିଥିଲେ ଲୁଟେରା । ସେଠାରୁ ଫ୍ଲାଇଟ ଯୋଗେ ବେଙ୍ଗାଲୁର ଓ ତାପରେ ଭାଇଜାଗରେ ପହଁଚି ଯାଇଥିଲେ । ସେଠାରେ ପୁଣି ଏକ ଏଟିଏମ ତାଡି ୯ ଲକ୍ଷ ଟଙ୍କା ଲୁଟ ଘଟଣାରେ ଭାଇଜାଗ ପୋଲିସ ହାତରେ ଗିରଫ ହୋଇଥିଲେ ଏହି ଦୁଇ ଲୁଟେରା ।
ଏପରକି ବାଙ୍ଗାଲୋରରେ ଏହି ଦୁଇ ଲୁଟେରାଙ୍କର ଏକ କର୍ପୋରେଟ ଅଫିସ ରହିଥିଲା । ଏଠାରେ ସେମାନେ ନିଜ ପରବର୍ତୀ ଯୋଜନା ପ୍ରସ୍ତୁତ କରୁଥିବା କୁହାଯାଉଛି । ଦୁଇ ଲୁଟେରାଙ୍କ ଠାରୁ ଅଧିକ ତଥ୍ୟ ଯୋଗାଡ କରିବାରେ ଲାଗିଛି କମିଶନରେଟ ପୁଲିସ ।