ଓମିକ୍ରନ ସଂକ୍ରମଣର ଭୟ ଭିତରେ ଆସିଛି ଭଲ ଖବର । ବିଶ୍ୱରେ କମୁଛି କରୋନା ସଂକ୍ରମଣ ହାର । 

କନକ ବ୍ୟୁରୋ : ଗତ ଡିସେମ୍ବର ୩୦ ତାରିଖରେ ବିଶ୍ୱରେ ସର୍ବକାଳୀନ ରେକର୍ଡ ୧୯ ଲକ୍ଷ ନୂଆ ଆକ୍ରାନ୍ତ ଚିହ୍ନଟ ହୋଇଥିଲେ । ଏହା ପରଠାରୁ ଲଗାତର ଦୈନିକ ସଂକ୍ରମଣ କମିବା ଦେଖିବାକୁ ମିଳିଛି । ଗତ ୨୪ ଘଣ୍ଟାରେ ବିଶ୍ୱରେ ୮ ଲକ୍ଷ ୪୭ ହଜାର କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଯାହା ସ୍ପଷ୍ଟ କରୁଛି ୟୁରୋପ ଏବଂ ଆଫ୍ରିକୀୟ ଦେଶ ଗୁଡିକରେ କରୋନାର ଦୈନିକ ଗ୍ରାଫ୍ ତଳକୁ ଖସୁଛି । ଏହା ପ୍ରମାଣ କରୁଛି ବିଶ୍ୱରେ ତଳକୁ ଖସୁଛି କରୋନା ସଂକ୍ରମଣର ଗ୍ରାଫ୍ ।

ବିଶ୍ୱରେ କମୁଛି କରୋନା ସଂକ୍ରମଣ ହାର । ୟୁୁରୋପ, ଆଫ୍ରିକାରେ ତଳ ମୁହାଁ କରୋନା ଗ୍ରାଫ । ଓମିକ୍ରନ ସଂକ୍ରମଣର ଭୟ ଭିତରେ ଆସିଛି ଆଶ୍ୱସ୍ତିକର ଖବର । ୟୁରୋପ ମହାଦେଶ ଏବଂ ଓମିକ୍ରନ ଚିହ୍ନଟ ହୋଇଥିବା ଦକ୍ଷିଣ ଆଫ୍ରିକାରେ ସଂକ୍ରମଣ ହାର କମିବାରେ ଲାଗିଛି । ଗତ ୪୮ ଘଂଟାର ୟୁରୋପ ଓ ଆଫ୍ରିକାରୁ ଆସିଥିବା ଦୈନିକ କରୋନା ତଥ୍ୟରେ ଏହା ତଳ ମୁହାଁ ହୋଇଥିବା ଜଣାପଡିଛି ।

- ୟୁରୋପୀୟ ଦେଶଗୁଡିକରେ କରୋନା ସଂକ୍ରମଣ ହ୍ରାସ ପାଉଛି

- ବ୍ରିଟେନରେ ୨୪ ଘଂଟାରେ ଚିହ୍ନଟ ହୋଇଛନ୍ତି ୧ ଲକ୍ଷ ୩୭ ହଜାର କରୋନା ଆକ୍ରାନ୍ତ

- ଫ୍ରାନ୍ସରେ ୫୮ ହଜାର ୪୩୨ କରୋନା ସଂକ୍ରମିତ ଚିହ୍ନଟ

- ଇଟାଲୀରେ ୬୧ ହଜାର ୪୬ ଜଣ କରୋନା ଆକ୍ରାନ୍ତ ଚିହ୍ନଟ

- ଆର୍ଜେଂଟିନାରେ ଦିନକରେ ୨୦ ହଜାର ୫୦୨ ଆକ୍ରାନ୍ତ ଚିହ୍ନଟ

- ତୁର୍କୀରେ ଦିନକରେ ମୋଟ୍ ୩୩ ହଜାର ୫୦୨ କରୋନା ସଂକ୍ରମିତ

ଓମିକ୍ରନ ଚିହ୍ନଟ ହୋଇଥିବା ଦକ୍ଷିଣ ଆଫ୍ରିକାରେ ସ୍ଥିତିରେ ସୁଧାର ଆସିଛି 

- ଓମିକ୍ରନର ଉତ୍ପତି ସ୍ଥଳ ଦକ୍ଷିଣ ଆଫ୍ରିକାରେ ମଧ୍ୟ ହ୍ରାସ ପାଉଛି କରୋନା

- ଦୁଇ ସପ୍ତାହ ହେଲା ଦକ୍ଷିଣ ଆଫ୍ରିକାରେ କରୋନା ସଂକ୍ରମଣ ତଳମୁହାଁ

- ଗୋଟିଏ ଦିନରେ ଦକ୍ଷିଣ ଆଫ୍ରିକାରେ ୪ ହଜାର ୩୫୭ ଆକ୍ରାନ୍ତ ଚିହ୍ନଟ 

ଭାରତରେ ଏବେ ସଂକ୍ରମଣ ବଢୁଥିବାରୁ ୟୁରୋପ ଓ ଆଫ୍ରିକାର ତାଜା ସ୍ଥିତି ବେଶ ଗୁରୁତ୍ୱପୂର୍ଣ୍ଣ । ହାର କହୁଛି ବିଦେଶରେ ପ୍ରଥମେ ସଂକ୍ରମଣ ଆସି ଶୀର୍ଷ ଛୁଇଁବା ପରେ କମ୍ ହେଲାଣି । ତେଣୁ ଭାରତରେ ଏହା ଖୁବଶୀଘ୍ର ପିକ୍ ଛୁଇଁ ହ୍ରାସ ହେବ ବୋଲି ଅନୁମାନ କରାଯାଉଛି ।