ସରିଲା ରାଜ୍ୟସଭା ନିର୍ବାଚନ। ମହାରାଷ୍ଟ୍ର, ହରିଆଣାରେ ବିଜେପି ମାରିଲା ବାଜି। କଂଗ୍ରେସକୁ ଚେକ ଦେଲେ ଦଳୀୟ ବିଧାୟକ।
କନକ ବ୍ୟୁରୋ: ରାଜ୍ୟସଭାର ୫୭ଟି ଆସନ ପାଇଁ ଭିନ୍ନ ଭିନ୍ନ ରାଜନୈତିକ ଦଳର ଦକ୍ଷ ନେତା ଚର୍ଚ୍ଚାରେ ରହିଛନ୍ତି । ୧୦ ଜୁନ୍ରେ ନିର୍ବାଚନ ହୋଇଥିବାବେଳେ ଏହା ପୂର୍ବରୁ ଅଧିକାଂଶ ଆସନ ପାଇଁ ପ୍ରାର୍ଥୀଙ୍କୁ ସାଂସଦଭାବେ ବଛା ସରିଛି । ପୂର୍ବରୁ ବିନା କୌଣସି ବିରୋଧରେ ୪୧ଟି ଆସନ ପାଇଁ ସାଂସଦଙ୍କ ନାମ ଘୋଷଣା ହୋଇସାରିଛି । ଏହି ଆସନ ପାଇଁ କୌଣସି ବିବାଦ ନଥିଲା । ଆଉ ପ୍ରାର୍ଥୀଙ୍କ ଚୟନ ଏକ ପ୍ରକାର ଧାର୍ଯ୍ୟ ରହିଥିଲା । ଫଳରେ ୧୦ ଜୁନ ନିର୍ବାଚନ ପୂର୍ବରୁ ଏହି ଆସନ ପାଇଁ ସାଂସଦଙ୍କ ନାମ ଘୋଷଣା କରାଯାଇଛି । ଆରଜେଡିର ମିସା ଭାରତୀ, କଂଗ୍ରେସର ରାଜୀବ ଶୁକ୍ଳା ଓ ପି. ଚିଦାମ୍ବରମ୍, ବିଜେପିର କବିତା ପାଟିଦାର ଓ ସୁମିତ୍ରା ବାଲ୍ମିକୀ, ଆରଏଲଡିର ଜୟନ୍ତ ଚୌଧୁରୀ, ସମାଜବାଦୀ ପାର୍ଟିର କପିଲ ଶିବଲ । ଏମାନେ ସେହି ଚର୍ଚ୍ଚିତ ଚେହେରା ଯାହାଙ୍କ ନାମ ରାଜ୍ୟସଭା ସାଂସଦ ଭାବେ ଘୋଷଣା କରାଯାଇଛି । ସେପଟେ ରାଜ୍ୟସଭା ପାଇଁ ନିର୍ବିରୋଧ ଭାବେ ନିର୍ବାଚିତ ହୋଇଥିବା ୪୧ଟି ସାଂସଦଙ୍କ ତାଲିକା ଯଦି ରାଜ୍ୟ ଅନୁସାରେ ଦେଖିବା ତାହାଲେ, ଏମାନଙ୍କ ମଧ୍ୟରେ
– ଉତର ପ୍ରଦେଶର ସମସ୍ତ ୧୧ଟି ଆସନ ପାଇଁ ସାଂସଦ ବିନା କୌଣସି ବିରୋଧରେ ନିର୍ବାଚିତ ହୋଇଛନ୍ତି
– ତାମିଲନାଡୁର ୬ଟି ଆସନ ପାଇଁ ସାଂସଦ ନିର୍ବାଚିତ
– ବିହାରର ୫ଟି ଆସନ ଓ ଆନ୍ଧ୍ରପ୍ରଦେଶର ୪ଟି ଆସନ ପାଇଁ ସାଂସଦ ନିର୍ବାଚିତ
– ଓଡିଶା ୩ ସାଂସଦ ଓ ମଧ୍ୟପ୍ରଦେଶର ୩ ସାଂସଦ ନିର୍ବାଚିତ
– ଝାରଖଣ୍ଡ, ତେଲେଙ୍ଗାନା ଓ ପଂଜାବରେ ଦୁଇଟି ଲେଖାଏଁ ଆସନ ପାଇଁ ସାଂସଦ ନିର୍ବାଚିତ
– ଉତ୍ତରାଖଣ୍ଡର ଗୋଟିଏ ଆସନ ପାଇଁ ବିନା କୌଣସି ବିରୋଧରେ ସାଂସଦ ନିର୍ବାଚିତ ହୋଇଛନ୍ତି
Kanak News is now on WhatsApp
Join and get latest news updates delivered to you via WhatsApp
ଯଦି ସମସ୍ତ ନିର୍ବାଚିତ ଆସନ ଉପରେ ନଜର ପକାଇବା ତାହାଲେ ଏଥିରେ ସର୍ବାଧିକ ୧୪ଜଣ ପ୍ରାର୍ଥୀ ବିଜେପିର ନିର୍ବାଚିତ ହୋଇଛନ୍ତି । କଂଗ୍ରେସ ଓ ୱାଇଏସଆର କଂଗ୍ରେସର ୪ ଜଣ ଲେଖାଏଁ ପ୍ରାର୍ଥୀ, ତିନି ଜଣ ଲେଖାଏଁ ପ୍ରାର୍ଥୀ ବିଜେଡି ଓ ଡିଏମକେର ରହିଛନ୍ତି । ସେହିପରି ଟିଆରଏସ, ଅନ୍ନାଦ୍ରୁମୁଖ ଏବଂ ଆମ ଆଦମୀ ପାର୍ଟିର ୨ଜଣ ପ୍ରାର୍ଥୀ ରହିଥିବାବେଳେ ସମାଜବାଦୀ ପାର୍ଟି, ଆରଏଲଡି, ଜେଏମଏମ ଏବଂ ଜଣେ ନିର୍ଦଳୀୟ ପ୍ରାର୍ଥୀ ବିନା କୌଣସି ବିରୋଧରେ ସାଂସଦ ଭାବେ ବଛା ହୋଇଛନ୍ତି ।
ଦେଶର ୧୫ଟି ରାଜ୍ୟର ମୋଟ ୫୭ଟି ଆସନ ଖାଲି ହେଉଛି । ୧୦ ଜୁନ୍ ଶୁକ୍ରବାର ଏହି ଆସନ ପାଇଁ ନିର୍ବାଚନ ଶେଷ ହୋଇଛି । ତେବେ ହରିୟାଣା, ରାଜସ୍ଥାନ ଓ ମହାରାଷ୍ଟ୍ରରେ ରାଜ୍ୟସଭା ନିର୍ବାଚନକୁ ନେଇ ଦେଖିବାକୁ ମିଳିଛି ଜବରଦସ୍ତ ହଙ୍ଗାମା । ଶୁକ୍ରବାର ୪ଟି ରାଜ୍ୟର ୧୬ଟି ରାଜ୍ୟସଭା ଆସନ ପାଇଁ ନିର୍ବାଚନ ଶେଷ ହୋଇଛି । ମହାରାଷ୍ଟ୍ରର ୬ଟି ଆସନ, ରାଜସ୍ଥାନର ୪ଟି ଆସନ, କର୍ଣ୍ଣାଟକର ୪ଟି ଏବଂ ହରିୟାଣାର ୨ଟି ଆସନ ପାଇଁ ନିର୍ବାଚନ ହୋଇଛି । ଆଉ ଫଳାଫଳ ପୂର୍ବରୁ ହରିଆଣା ଓ ମହାରାଷ୍ଟ୍ରରେ ଜବରଦସ୍ତ ହଙ୍ଗାମା ଦେଖିବାକୁ ମିଳିଛି ।