କୃଷି ବିଲକୁ ନେଇ ଦ୍ୱନ୍ଦ୍ୱ ଦୂର କଲେ ପ୍ରଧାନମନ୍ତ୍ରୀ । କହିଲେ, ପୂର୍ବ ଭଳି ଜାରି ରହିବ ଏମଏସପି, ବନ୍ଦ ହେବନି ମଣ୍ଡି ବ୍ୟବସ୍ଥା । ବିରୋଧୀଙ୍କୁ ଟାର୍ଗେଟ୍ କରି କହିଲେ, ଚାଷୀଙ୍କୁ ଭ୍ରମିତ କରୁଛନ୍ତି ବିରୋଧୀ
କନକ ବ୍ୟୁରୋ : ଯେଉଁ କୃଷି ବିଲ୍କୁ ନେଇ ସଡ଼କରୁ ସଂସଦ ସବୁଠି ବିରୋଧୀ, କେନ୍ଦ୍ର ସରକାରଙ୍କୁ ଟାର୍ଗେଟ୍ କରୁଛନ୍ତି, ସେହି କୃଷି ବିଲ୍ ପ୍ରସଙ୍ଗରେ ପୁଣି ଥରେ ସ୍ପଷ୍ଟିକରଣ ରଖିଛନ୍ତି ପ୍ରଧାନମନ୍ତ୍ରୀ । ବିଶେଷ କରି ଏମ୍ଏମ୍ପି ବା ଚାଷୀ ଉତ୍ପାଦନର ସର୍ବନିମ୍ନ ସହାୟକ ମୂଲ୍ୟ ଏବଂ ଚାଷୀ ଉତ୍ପାଦନର ବିକ୍ରି ପ୍ରସଙ୍ଗରେ ପ୍ରଧାନମନ୍ତ୍ରୀ କହିଛନ୍ତି-‘ପୂର୍ବ ଭଳି ଜାରି ରହିବ ଏମ୍ଏସ୍ପି ବ୍ୟବସ୍ଥା’ । ‘ଚାଷୀ ଉତ୍ପାଦନର ବିକ୍ରି ବ୍ୟବସ୍ଥା ଜାରି ରହିବ’ ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ କେବଳ ସରକାରଙ୍କ ଆଭିମୁଖ୍ୟ ସ୍ପଷ୍ଟ କରିଛନ୍ତି ତାହା ନୁହେଁ, ବିରୋଧୀ କଂଗ୍ରେସକୁ କଡ଼ା ଭାଷାରେ ସାମାଲୋଚନା କରିଛନ୍ତି । କହିଛନ୍ତି- ଏମ୍ଏସ୍କୁ ନେଇ ଚାଷୀଙ୍କୁ ଭ୍ରମିତ କରାଯାଉଛି । ସ୍ୱାମୀନାଥନ୍ କମିଟିର ସୁପାରିଶଙ୍କୁ ଯେଉଁମାନେ ନିଜ ପାଦ ତଳେ ଚାପି ରହିଥିଲେ, ସେମାନେ ଆଜି ଚାଷୀଙ୍କୁ ଭ୍ରମିତ କରୁଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି ।
କୃଷି ବିଲ ସଂସଦର ଉଭୟ ଗୃହରେ ପାରିତ ହୋଇଥିବା ସତ୍ୱେ ଏହାକୁ ନେଇ ପ୍ରତିବାଦ ଥମୁନି । ଯୁବ କଂଗ୍ରେସ ସଭାପତିଙ୍କ ନେତୃତ୍ୱରେ କଂଗ୍ରେସର କର୍ମକର୍ତା ଭୁବନେଶ୍ୱର ମାଷ୍ଟରକ୍ୟାଂଟିନରେ ପ୍ରତିବାଦ କରିଛନ୍ତି । ଏହି ବିଲ୍ କୃଷକ ପରିବାର ପ୍ରତି କୁଠାରଘାତ ଏବଂ କିଛି ପୁଞ୍ଜିପତିଙ୍କ ସ୍ୱାର୍ଥରେ ଏଭଳି ବିଲ୍ ଅଣାଯାଇଥିବା ଅଭିଯୋଗ କରିଛି ଯୁବ କଂଗ୍ରେସ ।
ଏପଟେ କୃଷି ବିଲ୍କୁ ନେଇ ନେଇ ବିଜେଡି-ବିଜେପି ରାଜନୀତି କରୁଥିବା କହିଛନ୍ତି ପିସିସି ସଭାପତି । ବିଜେଡି- କଭି ଖୁସି, କଭି ଗମ୍ ରାଜନୀତି କରୁଥିବା ଅଭିଯୋଗ କରିଛନ୍ତି । ଏପଟେ ବିଜେପି କହିଛି- ବିଜେଡି ସହ ଆମର ପ୍ରେମ ସମ୍ପର୍କ ନାହିଁ । ସବୁ ବେଳେ ବିଜେଡି ସହ ଲଢ଼େଇ କରୁଛୁ ବୋଲି ପ୍ରଦୀପ ନାୟକ କହିଛନ୍ତି । ଏପଟେ ବିଲରେ ତର୍ଜମା ଆବଶ୍ୟକତା ରହିଛି ବୋଲି ବିଜେଡି ଦାବି କରିଛି ।
ଚାଷ ଓ ଚାଷୀଙ୍କ ସମ୍ପର୍କିତ ଏହି ୩ଟି ବିଲରେ ଗୋଟିଏ ଦେଶ ଗୋଟିଏ ବଜାର, ଚାଷୀ ଉତ୍ପାଦନର ସୁବ୍ୟବସ୍ଥିତ ବଜାର ବ୍ୟବସ୍ଥା ଏବଂ କଂଟ୍ରାକ୍ଟ ଫାର୍ମିଂ ବା ଠିକା ଚାଷ ଭଳି ବ୍ୟବସ୍ଥା ରହିଛି । ଯାହାକୁ ନେଇ ବିରୋଧୀ କଂଗ୍ରେସ ସମେତ ଏକାଧିକ ରାଜନୈତିକ ଦଳ ବିଲ୍କୁ ବିରୋଧ କରି ଆସୁଛନ୍ତି ।