ଦୀପାବଳିରେ ଗରିବ ଖୋଜୁଛି ଧନ । ଧନବୃଦ୍ଧିର ବିଶ୍ୱାସ ନେଇ ସୁନାଗହଣା ଦୋକାନ ଆଗରେ ଲାଗୁଛି ଭିଡ଼ । ସେପଟେ ଦେଶରେ ବଢ଼ୁଛି ଅର୍ଥନୈତିକ ତାରତମ୍ୟ
କନକ ବ୍ୟୁରୋ : ଦେଶର ୧୦ ପ୍ରତିଶତ ଲୋକଙ୍କ ପାଖରେ ୭୭ ଭାଗ ଧନ ଠୁଳ ହୋଇଥିବା ବେଳେ ସୁନା ଦୋକାନରେ ଲମ୍ବା ଲାଇନ୍ ଲଗାଇ ଧନ ଖୋଜୁଛନ୍ତି ଗରିବ ଓ ମଧ୍ୟବିତ ପରିବାର । ଗୋଟିଏ ପଟେ ଧନ ବଢ଼ାଇବା ପାଇଁ ଲୋକଙ୍କ ବିଶ୍ୱାସ ଓ ଅନ୍ୟପଟେ ଦେଶରେ ଅର୍ଥନୈତିକ ତାରତମ୍ୟ । ଧନୀ ଅଧିକ ଧନୀ ହେଉଛି, ଗରିବ ଆହୁରି ଗରିବ ହେବାରେ ଲାଗିଛି । ଗତ ୩ ଦଶନ୍ଧୀ ଭିତରେ ଧନୀ-ଗରିବଙ୍କ ମଧ୍ୟରେ ପାର୍ଥକ୍ୟ ବଢ଼ିବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଅଳ୍ପ କିଛି ଲୋକଙ୍କ ନିକଟରେ ଦେଶର ତିନି ଚତୁର୍ଥାଂଶ ଧନ ରହିଥିବା ବେଳେ ଧନ ଖୋଜି ଖୋଜି ନୟାନ୍ତ ହୋଇ ଯାଉଛନ୍ତି ଗରିବ ଲୋକ । ହେଲେ ବଜାର ଅର୍ଥନୀତିରେ ପ୍ରତିଯୋଗିତା କରି ଆଗକୁ ବଢ଼ିବା ପାଇଁ ବାଟ ମିଳୂୁନି । ସୁନା କିଣି ଥିଲା-ବାଲା ନିବେଶ କରିବାକୁ ଚାହୁଁଛି, ହେଲେ ନଥିଲା-ବାଲା ବିଶ୍ୱାସ ଭିତରେ ଛନ୍ଦି ହୋଇ ଧନତେରାସରେ ସୁନାଗହଣା ଦୋକାନ ଆଗରେ ଲାଇନ ଲଗାଉଛି ।