ଅଧା ପନ୍ତରିଆ ହୋଇ ପଡ଼ି ରହିଛି ପୋଲ । ଏପଟେ ବର୍ଷା ଧୋଇଦେଲା ଅସ୍ଥାୟୀ ବ୍ରିଜ : ଗଂଜାମ ବଡ଼ଗଡ଼ରୁ ବ୍ରହ୍ମପୁର ଯୋଗାଯୋଗ ବିଚ୍ଛିନ୍ନ
କନକ ବ୍ୟୁରୋ : ଅଧା ପନ୍ତରିଆ ହୋଇ ପଡ଼ି ରହିଛି ନିର୍ମାଣଧିନ ନୂଆ ପୋଲ । ଏପଟେ ବର୍ଷା ଧୋଇଦେଲା ଲୋକଙ୍କ ଗମନାଗମନ ପାଇଁ ହୋଇଥିବା ଅସ୍ଥାୟୀ ମାଟି ପୋଲ । ଗଂଜାମ ଜିଲ୍ଲା ଶୋରଡା ଅଂଚଳରେ ଦୁଇ ଦିନ ଧରି ଲଘୁଚାପ ଜନିତ ଲଗାଣ ବର୍ଷା ଲାଗି ରହିଛି । ବର୍ଷା ଯୋଗୁଁ ବିଭିନ୍ନ ନଦୀ ନାଳରେ ଜଳସ୍ତର ବୃଦ୍ଧି ପାଇବାରେ ଲାଗିଛି । ଆଜି ବର୍ଷାର ପରିମାଣ ବଢିବାରୁ ୨ଟି ଅସ୍ଥାୟୀ ପୋଲ ଭାସି ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୋରଡା ବ୍ଲକ ବଡଗଡ ଠାରୁ ବ୍ରହ୍ମପୁରକୁ ସଂଯୋଗ କରୁଥିବା ରାସ୍ତାର ଉପରେ ଥିବା ଅସ୍ଥାୟୀ ପୋଲ ଭାସି ଯିବାରୁ ବଡଗଡ ଠାରୁ ବ୍ରହ୍ମପୁରକୁ ଯୋଗା ଯୋଗ ବିଚ୍ଛିନ୍ନ ହୋଇଛି । ପୋଲ ଧୋଇଯିବାରୁ ବଡଗଡ, ଶେରଗଡ, ଧରାକୋଟ, ଦିଗପହଣ୍ଡି, ବ୍ରହ୍ମପୁରକୁ ଯୋଗାଯୋଗ ଠପ୍ ହୋଇଯାଇଛି । ସେହିପରି ଧରାକୋଟ ବ୍ଲକ ନିକଟରେ ମଧ୍ୟ ବ୍ରିଜ ନିର୍ମାଣ କାମ ଚାଲିଥିବାରୁ ଅସ୍ଥାୟୀ ରାସ୍ତରେ ଲୋକେ ଯା’ଆସ କରୁଥିଲେ । ପ୍ରବଳ ବର୍ଷାରେ ପୋଲ ଭାସିଯିବା ପରେ ୫୦ଟି ଗାଁର ଲୋକେ ପ୍ରଭାବିତ ହୋଇଛନ୍ତି ।