କନକ ନ୍ୟୁଜର ବଡ ପ୍ରଭାବ । ନ୍ୟାୟ ପାଇଲେ ରୁଣ ଆଣିଥିବା ବ୍ୟକ୍ତି
କନକ ବ୍ୟୁରୋ : କନକ ନ୍ୟୁଜର ବଡ଼ ପ୍ରଭାବ । ନ୍ୟାୟ ପାଇଲେ ଋଣ ଆଣିଥିବା ବ୍ୟକ୍ତି । ବିଳମ୍ବିତ ରାତିରେ ଘରେ ଛାଡିଲା ପୁଲିସ । ଘର ନିର୍ମାଣ ପାଇଁ କରଜ ଆଣିଥିବା ଟଙ୍କା ଶୁଝି ନପାରିବାରୁ ଘର ମାଲିକଙ୍କୁ ଘରୁ ବାହାର କରି ଘର ତାଲା ପକାଇଲେ ରୁଣ ଦେଇଥିବା ବ୍ୟକ୍ତି । ଉପାୟ ନପାଇ ଘର ଆଗ ରାସ୍ତାରେ ଖୋଲା ଆକାଶ ତଳେ ଭାଗ୍ୟକୁ ଆଦରି ପଡରହିଥିଲେ ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ ବରବାରିଆ ଗାଁର ସୁଧୀର ଜେନାଙ୍କ ପରିବାର । କାନ୍ଦି କାନ୍ଦି କହିଥିଲେ କିପରି ଋଣ ନେଇଥିବା ବ୍ୟକ୍ତି ତାଙ୍କ ଉପରେ ଜୁଲମ କରୁଛି ।
Kanak News is now on WhatsApp
Join and get latest news updates delivered to you via WhatsApp
ସୁଧୀର ଘର କରିବା ପାଇଁ ଗାଁର ସୁଶୀଲ ଜେନା ନାମଙ୍କ ଜଣେ ବ୍ୟକ୍ତିଙ୍କ ଠାରୁ ଦେଢ଼ ଲକ୍ଷ ଟଙ୍କା କରଜ ଆଣିଥିଲେ । ହେଲେ, ଶୁଝି ପାରିନଥିବାରୁ ସୁଧୀରଙ୍କ ଘରକୁ ତାଲା ପକାଇ ଦେଇଛନ୍ତି ସୁଶୀଲ । ସୁଧୀର ଏବେ ପାରାଲିସସ ଆକ୍ରାନ୍ତ ଥିବା ବେଳେ ପରିବାର ଲୋକେ ରାସ୍ତାକୁ ଆସିଯାଇଥିଲେ । ଏପରିକି ତଳସାରୀ ମେରାଇନ ପୁଲିସ ସେମାନଙ୍କୁ ସହାୟତା କରୁନଥିବା ଅଭିଯୋଗ ଆଣିଥିଲେ । ଖବର ବାଜିବା ପରେ ଗତକାଲି ପୁଲିସ ପୁରା ପରିବାରକୁ ସାଙ୍ଗରେ ନେଇଯାଇଥିଲା । ଅନ୍ୟତ୍ୟ ଥଇଥାନ କରିବାକୁ ଚେଷ୍ଟା କରି ବିଫଳ ହେବାରୁ ଶେଷରେ ରାତି ପ୍ରାୟ ଗୋଟାଏ ବେଳେ ପୁଲିସ ଆଣି ସେମାନଙ୍କୁ ଘରେ ଛାଡିଥିଲା ।