୪୫ ବୁଥରେ ଚାଲିଛି ସାନି ମତଦାନ : ପ୍ରଥମ ଓ ଦ୍ୱିତୀୟ ପର୍ଯ୍ୟାୟରେ ହୋଇଥିଲା ଅନିୟମିତତା; କଡ଼ା ସୁରକ୍ଷା ମଧ୍ୟରେ ପଡ଼ୁଛି ଭୋଟ୍
କାଲି ଶେଷ ପର୍ଯ୍ୟାୟ ଭୋଟିଂ, ବୁଥକୁ ଯାଉଛନ୍ତି ପୁଲିଂ ଅଧିକାରୀ
କନକ ବ୍ୟୁରୋ : ବିଭିନ୍ନ କାରଣରୁ ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ଭୋଟଦାନ ହୋଇପାରିନଥିବା ୪୫ଟି ବୁଥରେ ଆଜି ସାନି ମତଦାନ ହେଉଛି । ସକାଳ ୯ଟାରୁ ୩ଟା ମଧ୍ୟରେ ଏହି ଭୋଟଦାନ ହେବ । ଏହି ବୁଥଗୁଡିକରେ ଗଣ୍ଡଗୋଳ ଓ ଅନିୟମିତତା ଅଭିଯୋଗ ଆସିବା ପରେ ସାନି ମତଦାନ ପାଇଁ ନିଷ୍ପତ୍ତି ନେଇଥିଲେ ରାଜ୍ୟ ନିର୍ବାଚନ କମିଶନ । ପ୍ରଥମ ଫେଜରେ ବାତିଲ ହୋଇଥିଲା ଯାଜପୁର ବ୍ଲକର ୯ଟି, ଭଦ୍ରକ ବ୍ଲକର ୪ଟି, ବନ୍ତ ବ୍ଲକର ଗୋଟିଏ, ଗଁଦିଆ ବ୍ଲକର ୪ଟି, କୃଷ୍ଣପ୍ରସାଦ ବ୍ଲକର ଗୋଟିଏ ଓ କଣାସ ବ୍ଲକର ୩ଟି ମତଦାନ କେନ୍ଦ୍ରରେ ଭୋଟ ହେଉଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଦ୍ୱିତୀୟ ଫେଜରେ ଭୋଟଦାନ ହେଉଥିବା ମତଦାନ କେନ୍ଦ୍ରଗୁଡିକ ମଧ୍ୟରେ ରହିଛି ଯାଜପୁର ଜିଲ୍ଲା ଦଶରଥପୁର ବ୍ଲକର ୧୦ଟି ଓ ଜଗତସିଂହପୁର ବ୍ଲକର ୩ଟି ବୁଥ । ସେପଟେ ଆସନ୍ତାକାଲି ପଂଚମ ତଥା ଶେଷ ପର୍ଯ୍ୟାୟ ପଂଚାୟତ ଭୋଟ ହେବ । ଏହି ଫେଜରେ ୨୫ ଜିଲ୍ଲାରେ ୪୮ଟି ବ୍ଲକର ୧୩୧ ଜିଲ୍ଲାପରିଷଦ ଜୋନରେ ଭୋଟଗ୍ରହଣ ହେବ । ୯୭୫ ଗ୍ରାମ ପଂଚାୟତର ୧୩ ହଜାର ୫୧୪ ବୁଥରେ ଭୋଟ ପଡିବ । ୪୧ ଲକ୍ଷ ୮୮ ହଜାରରୁ ଅଧିକ ଭୋଟର ସେମାନଙ୍କ ମତାଧିକାର ସାବ୍ୟସ୍ତ କରିବେ । ଶେଷ ପର୍ଯ୍ୟାୟରେ ଜିତାପଟ ପାଇଁ ପ୍ରାର୍ଥୀ, ଦଳ ଓ କର୍ମୀ ପୁରା ଦମ ଲଗାଇଦେଇଛନ୍ତି ।
ସେପଟେ, ହିଂସାକାଣ୍ଡ, ବୁଥ ଜବର ଦଖଲ, ବାଲାଟ ପେପର ଲୁଟ ଘଟଣାରେ ଯାଜପୁର ଜିଲ୍ଲାରେ ବାତିଲ ହୋଇଥିବା ବେଳେ ଆଜି ୨୪ଟି ବୁଥରେ ସାନି ମତଦାନ ହେଉଛି । ପ୍ରଥମ ପର୍ଯ୍ୟାୟ ମତଦାନ ଯାଜପୁର ଓ ଧର୍ମଶାଳା ବ୍ଲକ, ଦ୍ୱିତୀୟ ପର୍ଯ୍ୟାୟରେ ଦଶରଥପୁର, ବଡ଼ଚଣା, ତୃତୀୟ ପର୍ଯ୍ୟାୟରେ ବିଂଝାରପୁର ଓ କୋରେଇ ବ୍ଲକ ଅଂଚଳରେ ଦେଖା ଦେଇଥିଲା ନିର୍ବାଚନୀ ହିଂସା । ଏହି ସବୁ ବୁଥ ଗୁଡ଼ିକରେ ପୁନଃ ମତଦାନ ନିମନ୍ତେ ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତାବ ଯାଇଥିଲା । ଯାହାକୁ ଆଧାର କରି ନିର୍ବାଚନ କମିଶନ ଆଜି ସାନି ମତଦାନ କରୁଛି ।
ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକର ଅଲଣ୍ଡା ପଂଚାୟତର ୮ ନମ୍ବର ବୁଥରେ ଚାଲିଛି ପୁନଃମତଦାନ । ଅଲଣ୍ଡାପାଟଣା ପଂଚାତୟତର ଉଚ ବିଦ୍ୟାଳୟରେ ୱାଡ ନମ୍ବର ୮ରେ ସକାଳ ୯ଟାରୁ ଭୋଟ ଦେଉଛନ୍ତି ଭୋଟର । କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ମାଜିଷ୍ଟ୍ରେଟଙ୍କ ଉପସ୍ଥିତିରେ ୩ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି । ପୋଲିସ ଓ ତହସିଲଦାର ଏବଂ ବିଡିଓ ବୁଥ ଉପରେ ନଜର ରଖିଛନ୍ତି । ପ୍ରଥମ ପର୍ଯ୍ୟାୟରେ ଏଠାରେ ଦେଖା ଦେଇଥିଲା ନିର୍ବାଚନୀ ହିଂସା । ଯାହାକୁ ନଜରରେ ରଖି ଆଜି ପୁନଃ ମତଦାନ କରାଯାଉଛି ।