ଲଗାଣ ବର୍ଷାରେ ଧୋଇଗଲା ଭଞ୍ଜନଗରର ପଦ୍ମାନଦୀ ପୋଲ : ୧୦ ଗାଁକୁ ଯାତାୟତ ଠପ୍; ଜୀବନକୁ ବାଜିରେ ଲଗାଇ କରୁଛନ୍ତି ଯାତାୟାତ
କନକ ବ୍ୟୁରୋ : ଲଗାଣ ବର୍ଷାରେ ଧୋଇଗଲା ବ୍ରିଜ୍ କଲଭର୍ଟ । ୪୦ରୁ ଅଧିକା ଗାଁ ହେଲା ଜଳମଗ୍ନ । ୩ଦିନ ହେଲା ଲଘୁଚାପ ଜନିତ ବର୍ଷା ଯୋଗୁଁ ଗଂଜାମର ସୋରଡ଼ା ଅଂଚଳ ବେହାଲ ହୋଇପଡ଼ିଛି । ସୋରଡ଼ା ବ୍ରହ୍ମପୁର ଅଂଚଳ ନିକଟସ୍ଥ ଜରଉ ନଦୀରେ ନିର୍ମାଣଧୀନ ବ୍ରିଜର କଲଭର୍ଟ ଭାଙ୍ଗିଯିବାରୁ ୪୦ରୁ ଅଧିକା ଗାଁ ଜଳମଗ୍ନ ହୋଇଛି । ଏହା ସହ ଯୋଗା ଯୋଗ ବିଚ୍ଛିନ୍ନ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୋରଡ଼ା ବରଗଡ଼କୁ ସଂଯୋଗ କରୁଥିବା ଡ଼ୁମ୍ବୁଳା, ଖାରିଗୁଡ଼ା, ଗୁନାଖାଲ, ହରିପୁର, ମାଣିଆକାଠି, ଜାମଝୋଳି, ଲକ୍ଷ୍ମପୁର ଏବଂ ଧନପୁର ଆଦି ପ୍ରାୟ ୧୦ଟି ଗାଁ ବାହ୍ୟ ଜଗତରୁ ବିଚ୍ଛିନ୍ନ ହୋଇଛି । ଲଗାଣ ବର୍ଷା ଯୋଗୁଁ ବନ୍ୟା ପାଣିରେ ବଡ଼ ବଡ଼ ଗଛ ସବୁ ପୋଲରେ ଲାଗି ରହିଛି । ପାଣି ବଢୁଥିବା ବେଳେ ଲୋକଙ୍କ ସମସ୍ୟା ବଢି ବଢି ଚାଲିଛି । ଲୋକେ ତାଙ୍କର ଅତ୍ୟାବଶ୍ୟକୀୟ ସାମଗ୍ରୀ ପାଇଁ ସେହି ବିପଦପୁର୍ଣ୍ଣ ପୋଲ ଉପରେ ପାରି ହୋଇଯାଉଥିବାର ଦେଖିବାକୁ ମିଳିଛି ।
ସେପଟେ ଘଟଣା ସ୍ଥଳରେ ଭଂଜନଗର ଉପଜିଲ୍ଲାପାଳ ପହଂଚି ଘଟଣାର ଅନୁଧ୍ୟାନ କରିଛନ୍ତି । ଲୋକଙ୍କୁ ବିପଦପୁର୍ଣ୍ଣ ବ୍ରିଜ୍ ଉପରେ ଯାତାୟତ ନକରିବାକୁ ପରାମର୍ଶ ଦେଇଛନ୍ତି । ଲୋକଙ୍କ ପାଖରେ ଅତ୍ୟାବଶ୍ୟକୀୟ ସାମଗ୍ରୀ ନଥିବା ବେଳେ ସେମାନଙ୍କୁ ଶୁଖିଲା ଖାଦ୍ୟ ଯୋଗାଇଦେବା ପାଇଁ ପ୍ରଶାସନକୁ ଅନୁରୋଧ କରିଛନ୍ତି ବନ୍ୟାଂଚଳ ବାସିନ୍ଦା ।