କାହିଁକି କରୁଥିଲେ କ୍ୟାଟରିଂ ଚାକିରି କରୁଥିଲେ ଟିମ ଇଣ୍ଡିଆର ଦ୍ରୁତତମ ବୋଲର ମହମ୍ମଦ ସିରାଜ? କହିଲେ କେମିତି କଟିଥିଲା ପିଲାଦିନ...

କନକ ବ୍ୟୁରୋ: ଚର୍ଚ୍ଚାରେ ଟିମ ଇଣ୍ଡିଆର ଦ୍ରୁତତମ ବୋଲର ମହମ୍ମଦ ସିରାଜଙ୍କ ଭିଡିଓ । ଏହି ଭିଡିଓ ଜୀବନ ସଂଘର୍ଷ କଥା ନିଜେ ବଖାଣିଛନ୍ତି ସିରାଜ । କେମିତି କଟିଥିଲା ତାଙ୍କ ପିଲାଦିନ, କାହିଁକି କରିବାକୁ ପଡିଥିଲା କ୍ୟାଟରିଂ ଚାକିରି । ସେହି ସବୁ ସଂଘର୍ଷ କଥାର ଭିଡିଓରେ ଦେଖିବାକୁ ମିିଳିଛି । ସିରାଜଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ବିସିସିଆଇ ଏହି ଭିଡିଓ ନିଜ ଅଫିସିଆଲ ପେଜରେ ପୋଷ୍ଟ କରି ଶୁଭେଚ୍ଛା ଜଣାଇଛି ।

ମହମ୍ମଦ ସିରାଜ । ଟିମ ଇଣ୍ଡିଆର ଅନ୍ୟତମ ଦ୍ରୁତ ବୋଲର । ଫେବ୍ରୁଆରୀ ୧୩ରେ ସିରାଜ ନିଜ ଜନ୍ମଦିନ ପାଳୁଛନ୍ତି । ଏହି ଅବସରରେ ବିସିସିଆଇ ଦ୍ରୁତ ବୋଲରଙ୍କୁ ନିଆରା ଅନ୍ଦାଜରେ ଜନ୍ମଦିନ ଶୁଭେଚ୍ଛା ଜଣାଇବା ସହ ଏକ ଭିଡିଓ ଜାରି କରିଛି । ଭିଡିଓରେ ରହିଛି ସିରାଜଙ୍କ ଜୀବନର କିଛି ଜଣା, ଅଜଣା କଥା ।

ଜାରି ହୋଇଥିବା ଭିଡିଓରେ ସିରାଜ ନିଜ ସହର ହାଇଦ୍ରାବାଦ ସହ ନିଜ ବ୍ୟକ୍ତିଗତ ଜୀବନକୁ ନେଇ ଅନେକ କଥା କହିଛନ୍ତି, ଯାହା ହୁଏତ ତାଙ୍କ ପ୍ରଂଶସକ ପୂର୍ବରୁ କେବେ ଜାଣନଥିବେ । କେମିତି କଟିଥିଲା ପିଲାଦିନ, କେମିତି ଥିଲା ସଂଘର୍ଷଭରା ଜୀବନ ସେସେବୁ ନିଜେ ସିରାଜ ବଖାଣିଛନ୍ତି । ଘରର ଆୟ ବେଶ କମଥିଲା । ବାପା ଜଣେ ମାତ୍ର ରୋଜଗାର କରୁଥିଲେ । ତେଣୁ ଘରର ଦାୟିତ୍ୱ ପିଲାଦିନରୁ ହିଁ ବୁଝିବା ସହ ଅଳ୍ପବହୁତ ସମ୍ଭାଳିଥିଲେ ସିରାଜ ତେଣୁ କ୍ୟାଟରିଂ କାମ ମଧ୍ୟ କରିଥିଲେ... ଆପଣ ଜାଣିଛନ୍ତି ସିରାଜ ଜଣେ ଚା ପ୍ରେମୀ । ହାଇଦ୍ରାବାଦରେ ସିରାଜଙ୍କ ମନପସନ୍ଦର ଚା ଦୋକାନ ଅଛି । କ୍ରିକେଟରୁ ଟିକେ ବିରତି ପାଇଲେ ଚା ପିଇବାକୁ ସେଠାକୁ ପହଁଚିଯାଆନ୍ତି । ଏଥିସହ ସେ କହିଛନ୍ତି ଦୁନିଆର ସବୁଠୁ ଖୁସି,ଶାନ୍ତି ତାଙ୍କୁ ଇଦଗାହ ଗ୍ରାଉଣ୍ଡ ମିଳେ ଯେଉଁଠି ସେ ଛୋଟବେଳୁ ସମୟ କାଟିଥିଲେ ।

୧୯୯୪ ମାର୍ଚ୍ଚ ୧୩ ତାରିଖରେ ହାଇଦ୍ରାବାଦରେ ଜନ୍ମଗ୍ରହଣ କରିଥିଲେ ସିରାଜ । ତାଙ୍କ ବାପା ଅଟୋ ଚାଳକ ଥିଲେ ଓ ମା ଜଣେ ଗୃହିଣୀ । ଯେଉଁ ସମୟରେ ସିରାଜ ଟେଷ୍ଟ ଡେବ୍ୟୁ କରିଥିଲେ ଠିକ ତା ପୂର୍ବରୁ ବାପାଙ୍କ ନିଧନ ହୋଇଥିଲା । ବାପାଙ୍କ କଥା କହୁ କହୁ ଭାବବିହ୍ୱଳ ହୋଇପଡିଥିଲେ ମହମ୍ମଦ ସିରାଜ । ତେବେ ପ୍ରଶଂସକଙ୍କୁ ସେ ଏକଥା ମଧ୍ୟ କହିଛନ୍ତି ଯିଏ କଠିନ ପରିଶ୍ରମ କରେ, ଲକ୍ଷ୍ୟ ଉପରେ କଡ଼ା ନଜର ରଖେ ଦିନେ ନା ଦିନେ ସଫଳତା ସ୍ୱାଦ ଚାଖିଥାଏ । ଯଦି ତାଙ୍କ କ୍ରିକେଟ କ୍ୟାରିୟର ଉପରେ ନଜର ପକାଇବା ୨୦୧୭ରେ ଟି-୨୦ କ୍ରିକେଟ ଖେଳି ଅର୍ନ୍ତଜାତୀୟ ଡେବ୍ୟୁ କରିଥିଲେ । ଏବେ ସୁଦ୍ଧା ୨୭ ଟେଷ୍ଟ, ୪୧ ୱାନଡେ, ୧୦ଟି ଟି-୨୦ ମ୍ୟାଚ ଖେଳିସାରିଛନ୍ତିି । ବର୍ତମାନ ଆରସିବିର ଅନ୍ୟତମ ଦାମୀ ଖେଳାଳୀ ହେଉଛନ୍ତି ମହମ୍ମଦ ସିରାଜ ।