ୱେବ ପୋର୍ଟାଲ ମାଲିକ ଅଟକ: ଦୂତୀ ଚାନ୍ଦଙ୍କ ବିରୋଧରେ ଅଶାଳୀନ ଟିପଣୀ ପଡିଲା ମହଙ୍ଗା
କନକ ବ୍ୟୁରୋ: ଦୂତୀ ଚାନ୍ଦଙ୍କ ଅଭିଯୋଗ ପରେ ୱେବ୍ ପୋର୍ଟାଲର ସଂପାଦକ ସୁଧାଂଶୁ ରାଉତଙ୍କୁ ଉଠାଇ ଆଣିଲା ପୁଲିସ । ଭୁବନେଶ୍ୱର ମହିଳା ଥାନାରେ ସୁଧାଂଶୁଙ୍କୁ କରାଯାଇଛି ମାରାଥନ ଜେରା । ଦୂତୀ ଅଭିଯୋଗ କରିଥିଲେ, ଆଲମ୍ପିକ୍ ଖେଳିବାକୁ ଯାଇଥିବା ବେଳେ ୱେବ୍ ପୋର୍ଟାଲରେ ଦୂତୀଙ୍କ ବିରୋଧରେ ଅଶାଳୀନ ମନ୍ତବ୍ୟ ଦେବା ସହ ବିବାଦୀୟ ଖବର ପ୍ରସାରଣ କରିଥିଲେ ସୁଧାଂଶୁ ।
Kanak News is now on WhatsApp
Join and get latest news updates delivered to you via WhatsApp
ମହିଳା ଥାନାରେ ଏତଲା ଦେଇ ଦୂତୀ ଅଭିଯୋଗ କରିଥିଲେ, ୱେବପୋର୍ଟାଲ ସଂପାଦକ ସୁଧାଂଶୁ ରାଉତ ଏବଂ ସଂପୃକ୍ତ ୱେବ ପୋର୍ଟାଲର ପ୍ରତିନିଧି ସ୍ମୃତିରଂଜନ ବେହେରା ତାଙ୍କୁ ଟଙ୍କା ମାଗିଥିଲେ ଓ ସେ ମନା କରିବାରୁ ବଦନାମ କରିବାକୁ ଅଶ୍ଳୀଳ ଭାଷାରେ ଖବର ପ୍ରସାରଣ କରିଥିଲେ । ଫଳରେ ଅଲମ୍ପିକ୍ସ ବେଳେ ସେ ମାନସିକ ଚାପରେ ଥିଲେ । ପୁଲିସର କାର୍ଯାନୁଷ୍ଠାନ ପରେ ଦୂତୀ କହିଛନ୍ତି, ତାଙ୍କୁ ନ୍ୟାୟ ମିଳିବ ।
ସୁଧାଂଶୁ ଓ ତାଙ୍କ ସହଯୋଗୀଙ୍କ ବିରୋଧରେ ଆଇପିସିର ଧାରା ୩୫୪-ଏ ଅର୍ଥାତ୍ ଯୌନ ନିର୍ଯାତନା, ଆଇପିସିର ଧାରା ୫୦୬ ଅର୍ଥାତ ଅପରାଧିକ ଧମକ, ଆଇପିସିର ଧାରା ୧୨୦-ବି ଅର୍ଥାତ ଅପରାଧିକ ଷଡଯନ୍ତ୍ର, ଧାରା ୩୮୫ ଅର୍ଥାତ୍ ଭୟଭୀତ କରି ବଟି ଆଦାୟ କରିବା, ଧାରା ୫୦୯ ଅର୍ଥାତ୍ ଜଣେ ମହିଳାଙ୍କ ଇଜ୍ଜତ୍ ଉପରେ ଆଂଚ ଆଣିବା ପରି କାର୍ଯ୍ୟ କରିବା, ୨୯୨-୨ ଅର୍ଥାତ୍ ଅଶ୍ଳୀଳ ଭାଷାରେ ଖବର ପ୍ରସାରଣ କରିବା ଭଳି ସଂଗୀନ ଧାରାରେ ମାମଲା ରୁଜୁ କରିଛି ପୁଲିସ ।
ସୁଧାଂଶୁଙ୍କ ବିରୋଧରେ ମାମଲା
୩୫୪-ଏ ଯୌନ ନିର୍ଯାତନା
୫୦୬ ଅପରାଧିକ ଧମକ
୧୨୦ (ବି) ଅପରାଧିକ ଷଡଯନ୍ତ୍ର
୩୮୫ ଭୟଭୀତ କରି ବଟି ଆଦାୟ କରିବା
୫୦୯ ମହିଳାଙ୍କ ଇଜ୍ଜତ୍ ଉପରେ ଆଂଚ ଆଣିବା
୨୯୨(୨) ଅଶ୍ଳୀଳ ଭାଷାରେ ଖବର ପ୍ରସାରଣ କରିବା