ଜିଲ୍ଲାପାଳଙ୍କ କାର୍ଯ୍ୟାଳୟରେ ଅଭାବନୀୟ ଦୃଶ୍ୟ: ଗାଈ ଫେରାଇବା ପାଇଁ ଜିଲ୍ଲାପାଳଙ୍କ ଗାଡି ଆଗରେ ଶୋଇ ଗୁହାରୀ ଜଣାଇଲେ ବୃଦ୍ଧା
କନକ ବ୍ୟୁରୋ: ସୋନପୁରରୁ ଆସିଥିବା ଏହି ଖବର, ସାରାରାଜ୍ୟରେ ଆଲୋଡନ ସୃଷ୍ଟି କରିଛି । ସମସ୍ତଙ୍କୁ ବ୍ୟତିବ୍ୟସ୍ତ କରି ପକାଇଛି । ସ୍ୱାଧୀନତାର ୭୫ ବର୍ଷ ପରେ ବି ରାଜ୍ୟରେ ଏଭଳି ଦୃଶ୍ୟ ଦେଖିଲେ ଭାବିବା ପାଇଁ ବାଧ୍ୟ କରୁଛି । ସାଧାରଣ ଲୋକଙ୍କ ସମସ୍ୟା ସମାଧାନ କରିବାରେ କେତେ ପାରିବାର ଆମ ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
ଜିଲ୍ଲାପାଳଙ୍କ ଗାଡି ଆଗରେ ତଳେ ଲୋଟି ଗାଈ ପାଇଁ ଗୁହାରୀ କରୁଥିବା ମହିଳା ଜଣଙ୍କ ହେଉଛନ୍ତି ତରାସ ବାଘ । ସେ ବିନିକା ଅଂଚଳର ହୋଇଥିଲେ ବି ଦୀର୍ଘ ବର୍ଷ ହେବ ସୋନପୁରର ହସ୍ପିଟାଲ ବାରଣ୍ଡା ତାଙ୍କ ଠିକଣା ପାଲଟିଯାଇଛି । ତାଙ୍କର ବନ୍ଧୁ ପାଲଟି ଯାଇଥିଲେ ୪ଟି ଗାଈ । ତରାସ ମାଗି ଯାଚି ଯାହା ଆଣନ୍ତି ତାକୁ ନିଜେ ଖାଇବା ସହ ଗାଈମାନଙ୍କୁ ଦେଇଥାନ୍ତି । ହେଲେ ପ୍ରାୟ ତିନି ମାସ ତଳେ ଗାଈଗୁଡିକ ନିଖୋଜ ହୋଇଯାଇଥିଲେ । ଖୋଜାଖୋଜି ପରେ ସ୍ଥାନୀୟ କାଞ୍ଜିଆହୁଦାରେ ଗାଈକୁ ରଖାଯାଇଥିବା ଖବର ପାଇଥିଲେ । ତାପରେ ଗାଈଙ୍କୁ ଫେରାଇ ଦେବାକୁ ପ୍ରଶାସନିକ ଅଧିକାରୀଙ୍କ ସମେତ ଜିଲ୍ଲାପାଳଙ୍କୁ ଭେଟି ଗୁହାରୀ ହୋଇଥିଲେ । ହେଲେ , କିଛି ଫଳ ମିଳିନଥିଲା । ଶେଷରେ ଏମିିତି କରିବାକୁ ବାଧ୍ୟ ହୋଇଥିଲେ ତରାସ ।
ନିରାଶ୍ରୟ ବୃଦ୍ଧାଙ୍କ ଏଭଳି ଆଚରଣ ଦେଖି ଗାଡିରୁ ଓହ୍ଲାଇ ଆସି ତାଙ୍କୁ ବୁଝାଇବାକୁ ଚେଷ୍ଟା କରିଥିଲେ ଜିଲ୍ଲାପାଳ ସୁନୀଲ ନରୱେଣ । ଗାଈ ଫେରାଇ ଦେବାକୁ ପ୍ରତିଶ୍ରୁତି ବି ଦେଇଥିଲେ । ବୃଦ୍ଧା ମହିଳା ଜଣଙ୍କ କାଞ୍ଜିଆହୁଦାରେ ଦୁଇଟି ଗାଈକୁ ଚିହ୍ନିବା ପରେ ଫେରାଇ ଦେଇଛନ୍ତି କର୍ତୁପକ୍ଷ । କିନ୍ତୁ ଆଉ ଦୁଇଟି ଗାଈକୁ ଚିହ୍ନଟ କରିପାରି ନାହାଁନ୍ତି ।