ଅଭିଯୋଗ ଶୁଣିଲେନି ଅଧିକାରୀ, ଅଫିସ ଜାଳିଦେଲେ ଯୁବକ । ସମ୍ବଲପୁର ରେଙ୍ଗାଲି ତହସିଲରେ ନିଆଁ ଲଗାଇ ଦେଲେ ଠେଲକୋଲି ଘିଚାମୁରା ଗାଁର ରାଜିବ କିଷାନ
କନକ ବ୍ୟୁରୋ : ତହସିଲ ଅଫିସରେ ନିଆଁ ଲଗାଇଦେଲେ ଯୁବକ । ବାରମ୍ବାର ଅଭିଯୋଗ ପରେ କୌଣସି ପଦକ୍ଷେପ ନ ନିଆଯିବାରୁ ଏପରି ଚରମ ନିଷ୍ପତି ନେଇଛନ୍ତି ଠେଲକୋଲି ଘିଚିମୁରା ଗାଁର ରାଜୀବ କିଶାନ । ତହସିଲ ଅଫିସରେ ନିଆଁ ଲାଗିବା ପରେ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ପୋଡିଯାଇଛି । କମ୍ପ୍ୟୁଟର ଓ ଆସବାବ ପତ୍ର ପୋଡି ଯାଇଥିବା ବେଳେ ନିଆଁକୁ ଆୟତ କରିବା ପାଇଁ ନାକେଦମ୍ ହୋଇ ପଡିଥିଲେ ଅଗ୍ନଶମ ବିଭାଗ । ତହସିଲ ଅଫିସରେ ନିଆଁ ଲଗାଇବା ପୂର୍ବରୁ ନିଜ ଫେସବୁକ୍ ପେଜରେ ଲାଇଭ କରି ନିଆଁ ଲଗାଇବାର କାରଣ କହିଥିଲେ ରାଜୀବ ।
Kanak News is now on WhatsApp
Join and get latest news updates delivered to you via WhatsApp
ରାଜୀବଙ୍କ ଅଭିଯୋଗ, ତାଙ୍କ ଜମିକୁ କିଛି ଲୋକ ଜାଲ କାଗଜପତ୍ର କରି ବିକି ଦେଇଥିବା ବେଳେ ରେଙ୍ଗଲି ତହସିଲ ଅଫିସରେ ବାରମ୍ବାର ଅଭିଯୋଗ ପରେ ବି କିଛି ଫଳ ମିଳିନଥିଲା । ନାଟକୀୟ ଢ଼ଙ୍ଗରେ ରେଙ୍ଗଲି ତହସିଲ ଅଫିସରେ ଏକ ଅଟୋ ରିକ୍ସାରେ ପହଁଚିଥିଲେ ରାଜୀବ । ଆଉ ଅଟୋ ଭିତରେ ଗୋଟିଏ ଡ୍ରମରେ ଡିଜେଲ ନେଇ ଆସିଥିଲେ । କେଉଁମାନେ ତାଙ୍କ ଜମିକୁ ବିକ୍ରି କରି ଦେଇଛନ୍ତି, ଏକ ବ୍ୟାନରରେ ସେମାନଙ୍କ ନାଁ ଲେଖିଥିଲେ । କେହି କିଛି ବୁଝିବା ପୂର୍ବରୁ ଅଫିସରେ ଡିଜେଲ ଢ଼ାଳି ନିଆଁ ଲଗାଇ ଦେଇଥିଲେ ରାଜୀବ ।