ସିଲ ହେବ ଅପରାଜିତାଙ୍କ ଅଫିସ । ୧୫ ଦିନ ଲାଗି ଅଫିସ ସିଲ କରିବାକୁ ନୋଟିସ ଦେଲା କମିଶନରେଟ ପୋଲିସ
କନକ ବ୍ୟୁରୋ : କନକ ବ୍ୟୁରୋ : ଭୁବନେଶ୍ୱର ସାଂସଦଙ୍କୁ ମହଙ୍ଗା ପଡ଼ିଛି କୋଭିଡ୍ ନିୟମ ଉଲଂଘନ । ଅପରାଜିତା ଷଡଙ୍ଗୀଙ୍କ ଜନ୍ମଦିନ ଉତ୍ସବ ପାଳନର ଭିଡିଓ ଆଧାରରେ କାର୍ଯ୍ୟାନୁଷ୍ଠାନ ପାଇଁ ଆଗକୁ ଆସିଛି ଭୁବନେଶ୍ୱର ମହାନଗର ନିଗମ କର୍ତୃପକ୍ଷ । ସାଂସଦଙ୍କ ଭୁବନେଶ୍ୱର କାର୍ଯ୍ୟାଳୟରେ ପହଂଚିଛି ବିଏମ୍ସି ଟିମ୍ । ବିଏମସିର ଜୋନଲ ଡେପୁଟୀ କମିଶନରଙ୍କ ତତ୍ୱାବଧାନରେ ଟିମ୍ ଯାଇ ସାଂସଦଙ୍କ କାର୍ଯ୍ୟାଳୟରେ ପହଂଚିଛି ।
Kanak News is now on WhatsApp
Join and get latest news updates delivered to you via WhatsApp
ବିଏମସି ପକ୍ଷରୁ ଦିଆଯାଇଥିବା ସୂଚନା ଅନୁସାରେ କୋଭିଡ୍ ନିୟମ ଉଲଂଘନ କାରଣରୁ ଜନ୍ମଦିନ ଉତ୍ସବ ପାଳନ ହୋଇଥିବା ସ୍ଥାନକୁ ସିଲ୍ କରିବ । ୧୫ ଦିନ ପାଇଁ ସିଲ୍ କରିବା ସହ ସେହି ସ୍ଥାନକୁ ବିଶୋଧନ କରାଯିବ ବୋଲି ସୂଚନା ଦିଆଯାଇଛି । ସେହିପରି ପରବର୍ତୀ ସମୟରେ ଏହି ଉତ୍ସବରେ ସାମିଲ ହୋଇଥିବା ସମସ୍ତଙ୍କ କୋଭିଡ୍ ଟେଷ୍ଟ କରାଯିବ । ଆଉ ଯେଉଁମାନଙ୍କର ରିପୋର୍ଟ ପଜିଟିଭ୍ ଆସିବ ତାଙ୍କୁ କୋଭିଡ୍ କେୟାର ସେଂଟର କିମ୍ବା ଘରୋଇ ସଙ୍ଗରୋଧରେ ରଖିବା ଦିଗରେ ପଦକ୍ଷେପ ନିଆଯିବ ବୋଲି ବିଏମସି ପକ୍ଷରୁ ସୂଚନା ଦିଆଯାଇଛି ।