କନକ ବ୍ୟୁରୋ: ବ୍ୟାସନଗରରେ ନିର୍ବାହୀ ଅଧିକାରୀଙ୍କ ଉପରକୁ ପୌରାଧ୍ୟକ୍ଷ ଫାଇଲ ଫିଙ୍ଗିବା ଘଟଣା ବିବାଦ ବଢିବାରେ ଲାଗିଛି । ନିର୍ବାହୀ ଅଧିକାରୀ ଅଶୋକ ରାଉତଙ୍କ ଉପରକୁ ପୌରାଧ୍ୟକ୍ଷା ସଙ୍ଗୀତା ପିଙ୍ଗୁଆ ଫାଇଲ ଫିଙ୍ଗିବା ଘଟଣା ସୋସିଆଲ ମିଡିଆରେ ଭାଇରାଲ ହୋଇଥିଲା । ଏବେ ଏହି ମାମଲା ଥାନାକୁ ଯାଇଛି । ପୂରା ଘଟଣାର ତଦନ୍ତ କରି ନ୍ୟାୟପ୍ରଦାନ କରିବାକୁ ଅନୁରୋଧ କରିଛନ୍ତି ନିର୍ବାହୀ ଅଧିକାରୀ । ନିର୍ବାହୀ ଅଧିକାର ଅଭିଯୋଗ କରିଛନ୍ତି, ଭିଡିଓ ଭାଇରାଲ ହେବା ପରେ ତାଙ୍କ ସମ୍ମାନ ହାନି ହେବା ସହ ମାନସିକ ଆଘାତ ଲାଗିଥିବା ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିବାଦ ଥାନାରେ ପହଞ୍ଚିବା ପରେ ନରମିଛନ୍ତି ସଙ୍ଗୀତା ପିଙ୍ଗୁଆ । ସେ କହିଛନ୍ତି ମିଳିମିଶି କାମ କରିବେ । ବିକାଶକୁ ଆଗକୁ ନେବାକୁ ହେବ । ୮ନମ୍ବର ୱାର୍ଡରେ ଜିଓ ଟାୱାର ସ୍ଥାପନକୁ ନେଇ ଉତକ୍ଷିପ୍ତ ହୋଇଥିଲେ ପୌର ଅଧ୍ୟକ୍ଷା ସଙ୍ଗୀତା ପିଙ୍ଗୁଆ । ଘଟଣା ନେଇ ଉଭୟ ପୌରଧ୍ୟକ୍ଷା ଓ ପୌରଅଧିକାରୀ ଆଲୋଚନା ସମୟରେ ହଠାତ ରାଗିଯାଇଥିଲେ ସଙ୍ଗୀତା । ଗାଳିଗୁଲଜ କରିବା ସହିତ ପୌରଅଧିକାରୀଙ୍କ ଉପରକୁ ଫାଇଲ ଫୋପାଡିଥିଲେ । ଏହାକୁ ନେଇ ସହରରେ ଚର୍ଚ୍ଚା ଜୋର ଧରିଛି । ।
ଇତିମଧ୍ୟରେ ନିର୍ବାହୀ ଅଧିକାରୀ ଅଶୋକ ରାଉତଙ୍କ ଖଣ୍ଡପଡା ବଦଳି ହୋଇଥିବା ଜଣାପଡିଛି । ଘଟଣାକୁ ନେଇ ରାଜନୀତି ବି ଜୋର ଧରିଛି ପୌରାଧ୍ୟକ୍ଷାଙ୍କୁ ଗିରଫ ସହ ବହିଷ୍କାର ଦାବିରେ କଳିଙ୍ଗନଗର ଅତିରିକ୍ତ ଜିଲ୍ଲାପାଳଙ୍କୁ ଦାବିପତ୍ର ଦେଇଛି ବିଜେପି । ଯାଜପୁର ରୋଡ ଥାନାରେ ବି ଅଭିଯୋଗ କରାଯାଇଛି ।