କୋରାପୁଟ ଜିଲ୍ଲାରେ ଦିନକୁ ଦିନ ବଢୁଛି ଅପରିଚିତଙ୍କ ସଂଖ୍ୟା: ବିଭିନ୍ନ ସାହି ଓ ବସ୍ତି ଅଂଚଳରେ ବସବାସ କରୁଛନ୍ତି ଅଜଣା ଲୋକ
କନକ ବ୍ୟୁରୋ: କୋରାପୁଟ ଜିଲ୍ଲା ହେଡକ୍ୱାଟରରେ ଦିନକୁ ଦିନ ବଢିବାରେ ଲାଗିଛି ଅପରିଚିତଙ୍କ ସଂଖ୍ୟା । ବିଭିନ୍ନ ସାହି ଓ ବସ୍ତି ଅଂଚଳରେ ଗତ କିଛି ମାସ ହେବ ଅନେକ ଅପରିଚିତ ଲୋକ ଆସି ବସବାସ କରୁଥିବା ଦେଖିବାକୁ ମିଳୁଛି । ଯାହାକୁ ନେଇ ସ୍ଥାନୀୟ ବାସୀନ୍ଦା ସନ୍ଦେହ ପ୍ରକଟ କରିବା ସହ ପୋଲିସର ହସ୍ତକ୍ଷେପ ଦାବି କରିଛନ୍ତି
Kanak News is now on WhatsApp
Join and get latest news updates delivered to you via WhatsApp
କୋରାପୁଟ ସହର । ବିଗତ କିଛି ମାସ ହେବ କୋରାପୁଟ ସହରକୁ ଆସିଛନ୍ତି ବହୁ ଅପରିଚିତ ବ୍ୟକ୍ତି । କିଏ କେଉଁଠୁ, କାହିଁକି ଆସିଛନ୍ତି, ତାହା ଜଣାପଡୁନଥିବା ବେଳେ ଏଠାରେ ବସବାସ କରୁଥିବା ଦେଖିବାକୁ ମିଳୁଛି । କିଛି ଲୋକ ବ୍ୟବସାୟ ପାଇଁ ରାଜ୍ୟ ବାହାରୁ ଆସି ଅସ୍ଥାୟୀ ଭାବେ ରହୁଛନ୍ତି । ସେମାନଙ୍କର ପରିଚୟ, ଠିକଣା କିଛି ପୋଲିସ ପାଖରେ ନଥିବା ସହରବାସୀ ଅଭିଯୋଗ କରୁଛନ୍ତି ।
ଅପରିଚତଙ୍କ ସଂଖ୍ୟା ବଢୁଥିବାରୁ ସହରବାସୀଙ୍କ ଧନ, ଜୀବନ ସୁରକ୍ଷା ନେଇ ଚିନ୍ତା ବଢୁଛି । ସହରବାସୀଙ୍କ ସୁରକ୍ଷା ଓ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣର୍ ଦିଗ ପ୍ରତି ପୁଲିସର ନଜର ରଖିଛି । ବିଭିନ୍ନ ହୋଟେଲ , ଲଜ, ଡର୍ମିଟୋରୀରେ ରହୁଥିବା ଏବଂ ବିଦେଶରୁ ଆସୁଥିବା ଅତିଥିଙ୍କ ବଷୟରେ ତଥ୍ୟ ସଂଗ୍ରହ କରାଯାଉଛି ବୋଲି କୋରାପୁଟ ଏସ୍ଡିପିଓ ଗୁଣନିଧି ମଲିକ କହିଛନ୍ତି । କୋଟାପୁରଟି ଏକ ଛୋଟ ସହର ଟିଏ ହୋଇଥିବାରୁ ଏଠାରେ ରହୁଥିବା ବାହାର ଲୋକଙ୍କୁ ସହଜରେ ବାରି ହୋଇପଡୁଛନ୍ତି ।