କଟକ ସହରରେ ଡରାଉଛି ଜଣ୍ଡିସ । ଦୁଇ ଦିନରେ ୧୧ ରୋଗୀ ଚିହ୍ନଟ । ଗତକାଲି ସଂଗ୍ରହ ହୋଇଥିବା ନମୁନା ମଧ୍ୟରୁ ୬ଟି ପଜିଟିଭ୍

କନକ ବ୍ୟୁରୋ : କଟକ ସହରରେ ବଢୁଛି ଜଷ୍ଟିସ୍ ରୋଗୀଙ୍କ ସଂଖ୍ୟା । ଦୁଇ ଦିନ ଭିତରେ ୧୧ ଜଣ ରୋଗୀ ଚିହ୍ନଟ ହୋଇଛନ୍ତି । ଗତକାଲି ସଂଗ୍ରହ ହୋଇଥିବା ନମୁନା ମଧ୍ୟରୁ ୬ଟି ପଜିଟିଭ୍ ଆସିଛି । ଆଜି ମଧ୍ୟ କିଛି ନମୁନା ସଂଗ୍ରହ କରାଯିବ ବୋଲି ମହାନଗର ନିଗମ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି ।

ସ୍ଥିତି ନିୟନ୍ତ୍ରଣକୁ ଆସିବା ଯାଏଁ ସ୍ୱାସ୍ଥ୍ୟ କର୍ମୀ ଓ ଆଶା କର୍ମୀ ଘର ଘର ବୁଲି ସଚେତନ କରିବେ । ପିଇବା ପାଣିରେ ହାଲୋଜେନ୍ ବଟିକା ବ୍ୟବହାର ଓ ପାଣି ଫୁଟାଇ ପିଇବା ନେଇ ସଚେତନ କରିବେ । ପାନୀୟ ଜଳ ଯୋଗାଣକାରୀ ସଂସ୍ଥା ୱାଟକୋ ପକ୍ଷରୁ ପାଣି ପାଇପ ମରାମତି କାର୍ଯ୍ୟ ଜାରି ରହିଥିବା ବେଳେ ଆବଶ୍ୟକ ସ୍ଥଳେ ଲୋକଙ୍କୁ ଅସ୍ଥାୟୀ ପାଣି ଟାଙ୍କି ଦ୍ୱାରା ପଇବା ପାଣି ଯୋଗାଇ ଦିଆଯାଉଛି ।