ରାଜ୍ୟରେ ହଜାରେ ତଳକୁ ଖସିଲା କରୋନା ଆକ୍ରାନ୍ତଙ୍କ ସଂଖ୍ୟା : ସାଢେ ୩ ମାସରେ ଖସିଲା ସଂକ୍ରମଣ; କମୁନି ମୃତ୍ୟୁସଂଖ୍ୟା, ୨୪ ଘଂଟାରେ ୧୩ ମୃତ
କନକ ବ୍ୟୁରୋ : ମହାମାରୀ ସହ ଲଢ଼େଇ ଭିତରେ ସାମ୍ନାକୁ ଆସୁଛି ଆଶ୍ୱସ୍ତିକର ଖବର । ୩ ମାସ ୨୦ ଦିନ ପରେ ରାଜ୍ୟରେ ହଜାରେ ତଳକୁ ଖସିଲା ସଂକ୍ରମଣ ସଂଖ୍ୟା । ଯାହା ରାଜ୍ୟବାସୀଙ୍କ ପାଇଁ ଭଲ ଖବର । ଗତ ୨୪ ଘଂଟାରେ ରାଜ୍ୟରୁ ଚିହ୍ନଟ ହୋଇଛନ୍ତି ୯୮୭ ନୂଆ ଆକ୍ରାନ୍ତ । ସଂଗରୋଧରୁ ୫୭୨ ଜଣ ଥିବା ବେଳେ ସ୍ଥାନୀୟ ଅଂଚଳରୁ ୪୧୫ ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ଖୋର୍ଦ୍ଧା ଜିଲ୍ଲାରୁ ମଧ୍ୟ କମୁଛି ଆକ୍ରାନ୍ତଙ୍କ ସଂଖ୍ୟା ।
Kanak News is now on WhatsApp
Join and get latest news updates delivered to you via WhatsApp
ଗତ ୨୪ ଘଂଟାରେ ୮୬ ଜଣ ସଂକ୍ରମିତ ଖୋର୍ଦ୍ଧା ଜିଲ୍ଲାରୁ ଚିହ୍ନଟ ହୋଇଥିବା ବେଳେ ସୁନ୍ଦରଗଡ଼ରୁ ୧୦୭ଜଣ, ଅନୁଗୁଳରୁ ୮୬, କଟକରୁ ୮୫,ମୟୂରଭଂଜରୁ ୮୪ କେନ୍ଦ୍ରପଡ଼ାରୁ ୬୦ ଜଣ ଆକ୍ରାନ୍ତଙ୍କ ରିପୋର୍ଟ ପଜିଟିଭ ଆସିଛି । ବାକି ସମସ୍ତ ଜିଲ୍ଲାରେ ନୂଆ ଆକ୍ରାନ୍ତଙ୍କ ସଂଖ୍ୟା ୫୦ରୁ କମ୍ ରହିଛି । ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୩୭ ହଜାର ୮୦କୁ ବୃଦ୍ଧି ପାଇଛି । ସୁସ୍ଥ ହେଲେଣି ୨ ଲକ୍ଷ ୮୯ ହଜାର ୬୮୯ଜଣ । ରାଜ୍ୟରେ ଏବେ ୧୨ ହଜାର ୫୮୪ଟି ସକ୍ରିୟ ମାମଲା ରହିଛି । ସେହିପରି ଗତ ୨୪ ଘଂଟାରେ ୧୩ ଜଣଙ୍କ ମୃତ୍ୟୁ ହୋଇଥିବା ବେଳେ ମୋଟ ମୃତ୍ୟୁ ସଂଖ୍ୟା ୧୪ଶହ ୫୪ରେ ପହଂଚିଛି ।