ତୃତୀୟ ଲହର ନେଇ ଏନଆଇଡିଏମ ବଜାଇଲା ସତର୍କ ଘଣ୍ଟି । ସେପ୍ଟେମ୍ବରରେ ତୃତୀୟ ଲହର, ଅକ୍ଟୋବରରେ ପିକ୍ । ଦୈନିକ ସଂକ୍ରମଣ ଛୁଇଁପାରେ ୪ ଲକ୍ଷ
- କରୋନାର ତୃତୀୟ ଲହର ନେଇ ସତର୍କ ସୂଚନା
- ଅକ୍ଟୋବରରେ ଶୀର୍ଷକୁ ଛୁଇଁପାରେ ସଂକ୍ରମଣ
- ଛୋଟ ପିଲା ଅଧିକ ଆକ୍ରାନ୍ତ ହେବା ସମ୍ଭାବନା
Kanak News is now on WhatsApp
Join and get latest news updates delivered to you via WhatsApp
ସମ୍ଭାବ୍ୟ ତୃତୀୟ ଲହର ନେଇ କେନ୍ଦ୍ର ସରକାରଙ୍କୁ ସତର୍କ କରାଇ ଦେଇଛନ୍ତି ବିଶେଷଜ୍ଞ ଦଳ । ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଡିଜାଷ୍ଟର ମ୍ୟାନେଜମେଣ୍ଟ ବା ଏନଆଇଡିଏମ୍ ଦ୍ୱାରା ଗଠିତ ଏକ ବିଶେଷଜ୍ଞ ଟିମ୍ ଏହି ରିପୋର୍ଟ ଦେଇଛି । ତୃତୀୟ ଲହରରେ ଅଧିକ ଛୋଟ ପିଲା ସଂକ୍ରମିତ ହେବା ଆଶଙ୍କା ଥିବାରୁ ମୁକାବିଲା ପାଇଁ ଚିକିତ୍ସା ସୁବିଧା ପ୍ରସ୍ତୁତ ରଖିବାକୁ ପରାମର୍ଶ ଦେଇଛି କମିଟି ।
- ଆବଶ୍ୟକ ସଂଖ୍ୟକ ଡାକ୍ତର, ସ୍ୱାସ୍ଥ୍ୟ କର୍ମଚାରୀ, ଭେଣ୍ଟିଲେଟର, ଆମ୍ବୁଲାନ୍ସ ପ୍ରସ୍ତୁତ ରଖ
- ବହୁ ରୋଗରେ ପୀଡିତ ଶିଶୁ, ଦିବ୍ୟାଙ୍ଗ ଶିଶୁଙ୍କୁ ପ୍ରାଥମିକତା ଭିତ୍ତିରେ ଟିକାକରଣ
- କରୋନା ୱାର୍ଡକୁ ଶିଶୁଙ୍କ ଚିକିତ୍ସା ପାଇଁ ଉପଯୋଗୀ କରିବା
ତୃତୀୟ ଲହର ଅକ୍ଟୋବରରେ ଆରମ୍ଭ ହୋଇ ମାସ ଶେଷରେ ସଂକ୍ରମଣ ଶୀର୍ଷକୁ ଛୁଇଁପାରେ ବୋଲି ଏହି କମିଟି ପୂର୍ବାନୁମାନ କରିଛି । ତେବେ ତୃତୀୟ ଲହର ମୁକାବିଲା ପାଇଁ ଓଡିଶା ପ୍ରସ୍ତୁତ ବୋଲି କହିଛନ୍ତି ଡିଏମଇଟି ଓ ସ୍ୱାସ୍ଥ୍ୟ ନିର୍ଦ୍ଦେଶକ । ରାଜ୍ୟ ସରକାରଙ୍କ ଆକଳନ ଅନୁସାରେ ଯଦି ରାଜ୍ୟରେ ଦୈନିକ ସଂକ୍ରମଣ ୧୦ ହଜାର ଛୁଏଁ ତେବେ…
- ୨୦ ବର୍ଷରୁ କମ୍ ଆକ୍ରାନ୍ତଙ୍କ ସଂଖ୍ୟା ଦୈନିକ ୧୫୦୦ ରହିବ
- ୩୦୦ ଜଣଙ୍କୁ ଡାକ୍ତରଖାନରେ ଭର୍ତ୍ତି ହେବାକୁ ପଡିପାରେ
- ୧୫ ଜଣଙ୍କୁ ଆଇସିୟୁ କିମ୍ବା ଏଚଡିୟୁ ବେଡ୍ ଦରକାର ହୋଇପାରେ
- ୨୮୫ ଜଣ ୱାର୍ଡରେ ରହି ଚିକିତ୍ସିତ ହୋଇପାରିବେ
ରାଜ୍ୟରେ ଗତ ୨୪ ଘଣ୍ଟାରେ ୭୬୧ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ସେମାନଙ୍କ ମଧ୍ୟରୁ ୧୦୧ ଜଣ ହେଉଛନ୍ତି ଛୋଟ ପିଲା । ଏବେ ଦେଶରେ ୧୨ରୁ ୧୩ ପ୍ରତିଶତ ରହିଛି ଶିଶୁ ସଂକ୍ରମଣ ହାର । ଆଶ୍ୱସ୍ତିର କଥା ହେଉଛି, ସଂକ୍ରମଣର ପ୍ରଥମ ଦୁଇ ଲହର ବେଳେ ଖୁବ କମ ସଂଖ୍ୟକ ଶିଶୁ ହସ୍ପିଟାଲ ଯାଇଥିଲେ ଓ ଖୁବ୍ କମ ଶିଶୁଙ୍କୁ ଅକ୍ସିଜେନ ଆବଶ୍ୟକ ପଡିଥିଲା ।