କଟକ ନରସିଂହପୁର ଉପକଣ୍ଠ ଅଂଚଳରେ ଏବେ ବି ନେଟୱର୍କ ଅପହଂଚ : ଅନଲାଇନ ପାଠପଢା ପାଇପାରୁନାହାନ୍ତି ଛାତ୍ରଛାତ୍ରୀ; ଘରଛାତ କିମ୍ବା ପାହାଡ ଉପରେ ଭରସା
କନକ ବ୍ୟୁରୋ : ଦୀପତଳ ଅନ୍ଧାର । କଟକ ନରସିଂହପୁର ଉପକଣ୍ଠ କାକୁଡିଆରେ ମୋବାଇଲ ନେଟୱର୍କ ଅପହଂଚ । ନେଟୱର୍କ ନଥିବାରୁ ଅନଲାଇନ ଶିକ୍ଷାରୁ ବଂଚିତ ହୋଇଛନ୍ତି ଛାତ୍ରଛାତ୍ରୀ । ଫଳରେ ଛାତ୍ରଛାତ୍ର ଅନଲାଇନ କ୍ଲାସ ପାଇଁ ଘରଛାତ କିମ୍ବା ଜଙ୍ଗଲ ପାହାଡ ଉପରେ ଭରସା କରୁଛନ୍ତି । ନରସିଂହପୁର ବ୍ଲକର କାକୁଡିଆ ଅଂଚଳରେ ଏବେ ବି ମୋବାଇଲ ସେବା ଅପହଂଚ ହୋଇ ରହିଛି । ଅନେକଙ୍କ କ୍ଷେତ୍ରରେ ଦାମୀ ମୋବାଇଲ କିଣିବା ସମ୍ଭବ ହେଉନାହିଁ । ଆଉ କିଛି ସାଙ୍ଗମାନଙ୍କ ମୋବାଇଲରେ ମିଶି ପାଠ ପଢୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କାକୁଡିଆ ଜଗନ୍ନାଥ ସାହିର ଉପର ସାହିକୁ ଆଦୌ କୌଣସି ନେଟୱର୍କ ନଥିବାରୁ ସ୍କୁଲ ଓ କଲେଜରେ ପଢୁଥିବା ପ୍ରାୟ ୩୦ ଜଣ ଛାତ୍ରଛାତ୍ରୀ ନିକଟସ୍ଥ ପାହାଡ ଓ ଜଙ୍ଗଲକୁ ଯାଇ ପାଠ ପଢୁଛନ୍ତି । ବିଶେଷକରି ଅନଲାଇନ କ୍ଲାସ ଖରାବେଳେ ହେଉଥିବାରୁ ଛାତ୍ରଛାତ୍ର ଅସୁବିଧାର ସମ୍ମୁଖୀନ ହୋଇଛନ୍ତି ।