ରହସ୍ୟମୟ ହେଉଛି ରୂପେଶଙ୍କ କାହାଣୀ । ଖେଳନା ବନ୍ଧୁକ ଧରି ଆକ୍ରମଣ କରି ଫଶିଗଲେ । ପଢନ୍ତୁ, କେମିତି ଥିଲା ସେଦିନର ପୂରା ଘଟଣା…
କନକ ବ୍ୟୁରୋ: ରାଜଧାନୀରେ ରହସ୍ୟମୟୀ ଛୁରାମାଡ ଘଟଣାରେ ନୂଆ ନୂଆ ରୋଚକ ତଥ୍ୟ ସାମ୍ନାକୁ ଆସୁଛି । ଯୁବତୀ ବେଶରେ ଆସିଥିବା ରୂପେଶ ପଣ୍ଡାଙ୍କୁ ଘରେ ଥିବା ମାଆ ଓ ଝିଅ କେମିତି ମୁକାବିଲା କଲେ ତାହା ଶୁଣିଲେ ଆପଣ ଆଶ୍ଚର୍ଯ୍ୟ ହେବେ । ରୂପେଶ ନିଜ ସହ ଏକ ନକଲି ବନ୍ଧୁକ ଆଣିଥିଲେ । ଏହି ବନ୍ଧୁକ ସେ ଘର ଭିିତରେ ଫୁଟାଇ କୁଆଡେ ଡରାଇବାକୁ ଚେଷ୍ଟା କରିଥିଲେ ଏବଂ ଏହି ବନ୍ଧୁକ ଫୁଟିବା ପରେ ଏହା ନକଲି ବନ୍ଧୁକ ବୋଲି ଜଣାପଡି ଯାଇଥିଲା । ଏହାଛଡା ସେ ଜଣେ ଯୁବତୀ ବୋଲି ମାଆ ଓ ଝିଅ ଧରିନେଇଥିଲେ ଏବଂ ମୁକାବିଲା କରିବାକୁ ସାହସ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ରାଜଧାନୀର ରହସ୍ୟମୟ ଛୁରୀ ମାଡ ପଛରେ ଲୁଟ ଉଦ୍ଦେଶ୍ୟ ଥାଇପାରେ ବୋଲି ପୁଲିସ ସନ୍ଦେହ କରୁଛି, କିନ୍ତୁ ବିଶେଷ କିଛି ସୁରାକ ପାଇ ନାହିଁ । ଏନେଇ ଅଭିଯୁକ୍ତ ରୁପେଶ ପଣ୍ଡାକୁ ପୁଲିସ ଅଟକ ରଖି ପଚରା ଉଚରା କରୁଛି । ସେପଟେ ଯୁବତୀ ପୁଲିସ ଆଗରେ ବୟାନ ଦେଇ କହିଛନ୍ତି, ରୁପେଶ ଖେଳଣା ବନ୍ଧୁକ ଧରିଥିବା ଜାଣିବା ପରେ ହିଁ ପ୍ରତି ଆକ୍ରମଣ କରିବାକୁ ସାହାସ ପାଇଥିଲେ । ଯୁବତୀଙ୍କ କହିବା ଅନୁସାରେ ରୁପେଶ ଘରେ ପଶିବା ମାତ୍ରେ ଛୁରୀ ଚଲାଇଥିଲା । ଧସ୍ତାଧସ୍ତି ଭିତରେ ତା ହାତରୁ ଛୁରୀ ଛଡେଇ ନେବାରୁ ସେ ବନ୍ଧୁକ ଧରି ଡରାଇଥିଲା । ଅଧିକ ଭୟଭୀତ କରିବାକୁ ଗୁଳି ଫୁଟାଇଥିଲା । ଆଉ ତାହା ହିଁ ରୁପେଶକୁ ମହଙ୍ଗା ପଡିଲା ।
ରୁପେଶ ମାଆ-ଝିଅଙ୍କୁ ଡରାଇବାକୁ ଯାଇ ଗୁଳି କରିଥିଲା । ଗୁଳି ଶବ୍ଦରୁ ଖେଳଣା ବନ୍ଧୁକ ବୋଲି ଜାଣିଥିଲେ ମାଆ-ଝିଅ । ଏହାପରେ ଦୁହେଁ ମିଶି ରୁପେଶକୁ ଆକ୍ରମଣ କରିବା ସହ ଚିକ୍ରାର କରିବାରୁ ପାଖ ପଡୋଶୀ ଆସିଥିଲେ ଓ ରୁପେଶ ଧରାପଡିଥିଲା । ଚର୍ଚ୍ଚା ହେଉଛି, ରୁପେଶ ଯଦି ବନ୍ଧୁକର ଗୁଳି କରିନଥାନ୍ତା, ହୁଏତ ମାଆ-ଝିଅ ଆକ୍ରମଣ କରିବାକୁ ସାହାସ କରିପାରିନଥାନ୍ତେ । ସେପଟେ ଲୁଟ ଉଦ୍ଦେଶ୍ୟ ନେଇ ରୁପେଶ ପଡୋଶୀଙ୍କ ଘରେ ପଶିଥିବା ପୁଲିସ ସନ୍ଦେହ କରୁଛି । ସେମାନଙ୍କ କଲ ଡିଟେଲ୍ସ ଯାଞ୍ଚ କରି ପୂର୍ବରୁ ଯୁବତୀଙ୍କ ସହ ରୁପେଶର ସଂପର୍କ ଥିବା ପ୍ରମାଣ ପୁଲିସ ପାଇନଥିବା କୁହାଯାଉଛି । ଅନ୍ୟପଟେ ରୁପେଶ ଦେଇଥିବା ବୟାନ ଅନୁସାରେ ଆଖପାଖ ଅଂଚଳର ସିସିଟିଭି ଫୁଟେଜ ଯାଂଚ ପରେ ବି ପୁଲିସ ହାତରେ କିଛି ଲାଗିନଥିବା କୁହାଯାଉଛି ।
ଭୁବନେଶ୍ୱର ଶୈଳଶ୍ରୀବିହାର ଅଂଚଳରେ ହୋଇଥିବା ରହସ୍ୟମୟ ଛୁରା ମାଡ ଘଟଣାର ୨ ଦିନ ପରେ ବି ପୁଲିସ ରହସ୍ୟ ଭେଦ କରିପାରି ନାହିଁ । ଏବେ ବି ଅନେକ ଦିଗ ସନ୍ଦେହ ଘେରରେ…
- କାହିଁକି ରୁପେଶ ମ୍ୟାକ୍ସି ପିନ୍ଧି ପଡୋଶୀଙ୍କ ଘରେ ପଶିଥିଲା?
- ଯଦି ଉଦ୍ଦେଶ୍ୟ ଲୁଟ ଥିଲା, ଦିନ ୧୨ଟାରେ କାହିଁକି ଘରେ ପଶିଲା?
- ପୁଲିସ କବଳରୁ ବଂଚିବାକୁ ମନଗଢା କାହାଣୀ କହୁଛି କି ରୂପେଶ?