ବହୁ ଚର୍ଚ୍ଚିତ କୃଷ୍ଣ ପ୍ରତିହାରୀ ହତ୍ୟା ମାମଲା । ଆଉ ଦୁଇ ଅଭିଯୁକ୍ତଙ୍କ ସିନ୍ ରିକ୍ରିଏସନ୍ ।

କନକ ବ୍ୟୁରୋ: ପୁରୀର ବହୁ ଚର୍ଚ୍ଚିତ କୃଷ୍ଣ ପ୍ରତିହାରୀ ମାମଲାରେ ଅହୁରି ଖୋଳତାଡ କରୁଛି ପୋଲଇସ୍ । ଆଜି ଆଉ ଅଭିଯୁକ୍ତଙ୍କୁ ନେଇ ଘଟଣାସ୍ଥଳକୁ ନେଇ ସିନ୍ ରିକ୍ରିଏନ୍ କରାଯାଇଛି । ଗତକାଲି ଘଟଣାର ମୁଖ୍ୟ ଅଭିଯୁକ୍ତ କୁନମୁନ୍ ଓ ଟୁଟୁକୁ ନେଇ ସିନ୍ ରିକ୍ରିଏସନ୍ କରାଯାଇଥିବାବେଳେ ଆଉ ଆଉ ୨ ଅଭିଯୁକ୍ତ ବାବା ମହାପାତ୍ର ଓ ହରି ପଣ୍ଡାକୁ ନେଇ ସିନ୍ ରିକ୍ରିଏସନ୍ କରାଇଛନ୍ତି ଆଡିସନାଲ ଏସପି ।

ପୁରୀ ବାରବାଟି ପଡିଆ ପାଖରେ କିପରି ଘଟଣା ଘଟିଥିଲା କିଏ କିପରି କୃଷ୍ଣ ପ୍ରତିହାରୀଙ୍କ ଉପରକୁ ଗୁଳିମାଡ କରିଥିଲା ସେସବୁର ଡେମୋ ଦେଖାଇଥିଲେ ଅଭିଯୁକ୍ତ । ପ୍ରଥମେ କୁନମୁନ୍ ଗୁଳିମାଡ କରିଥିବାବେଳେ ତା’ପରେ ଅନ୍ୟମାନେ କୃଷ୍ଣ ପ୍ରତିହାରୀଙ୍କ ଉପରକୁ ଗୁଳି କରିଥିବା ଜଣାପଡିଛି । ଏନେଇ ପୋଲିସ ଖୋଳତାଡ ଜାରି ରଖିବା ସହ ଆଗକୁ ମଧ୍ୟ ଅନେକ ତଥ୍ୟ ପଦାକୁ ଆସିବ ବୋଲି କୁହାଯାଉଛି । ଯଦ୍ଦାରା ଅଭିଯୁକ୍ତଙ୍କ ବିରୋଧରେ ଏକ ୱାଟରଟାଇଟ୍ କେସ୍ ଚାଲିପାରିବ ବୋଲି ଆଡିସନାଲ ଏସପି କହିଛନ୍ତତ ।

ସୂଚନା ମୁତାବକ, ଏହି ଘଟଣାରେ ଅଭିଯୁକ୍ତ ଥିବା ୪ଜଣଙ୍କୁ ପୋଲିସ ୩ ଦିନିଆ ରିମାଣ୍ଡରେ ଆଣି ଜେରା କରିବା ସହ ସିନ୍ ରିକ୍ରିଏସନ୍ ଜାରି ରଖିଛି । ଗତକାଲି ଦୁଇ ଅଭିଯୁକ୍ତଙ୍କ ସିନ ରିକ୍ରିଏସନ୍ ହୋଇଥିବାବେଳେ ଆଜି ଆଉ ଦୁଇ ଜଣଙ୍କର ଡୋମୋ କରାଇଛି ପୋଲିସ୍ କହିଛି ।