ମାଟିରେ ମିଶିବାକୁ ବସିଛି ଶୁକପାଇକା ନଦୀ ମୁହାଁଣ : ମୁହାଁଣ ଯୋଗୁଁ ଜୀବିକା ହରାଇଲେ ସ୍ଥାନୀୟ ଲୋକ ; ଜବାବ ତଲବ ପରେ ସ୍ଥିତି ସମୀକ୍ଷା କଲେ କଟକ ଜିଲ୍ଲାପାଳ
କନକ ବ୍ୟୁରୋ : ମାଟିରେ ମିଶିଯିବାକୁ ବସିଛି ନଦୀ ମୁହାଁଣ । ଦୀର୍ଘଦିନ ଧରି ମୁହାଣ ବନ୍ଦ ଯୋଗୁଁ ଜୀବିକା ହରାଇଛନ୍ତି ସ୍ଥାନୀୟ ଲୋକେ । କଟକ କିଶନନଗର ତହସିଲ ଅନ୍ତର୍ଗତ ମହାନଦୀର ଶାଖାନଦୀ ଶୁକପାଇକା ମୁହାଁଣ ଦୀର୍ଘଦିନ ଧରି ଅବରୋଧ ଯୋଗୁଁ ବନ୍ଦ ହୋଇଯାଇଛି । ମୁହାଁଣ ବନ୍ଦ ହେବା ଫଳରେ ନଦୀରେ ଦଳ ମାଡିଯାଇଛି । ନଦୀ ଅବବାହିକା ପୋତି ହୋଇଯିବାରୁ ଜମି ମାଫିଆ ଏହି ଜାଗାକୁ ଜବରଦଖଲ କରିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଶୁକପାଇକାର ପୁନରୁଦ୍ଧାର ପାଇଁ ବିଭିନ୍ନ ସମୟରେ ଦାବି ଉଠାଇଛନ୍ତି ସ୍ଥାନୀୟ ଲୋକେ । ରାଜ୍ୟ ମାନବାଧିକାର କମିଶନ ନିକଟରେ ମାମଲା ବି ରୁଜୁ ହୋଇଛି । ଆବେଦନକୁ ଗ୍ରହଣ କରି କମିଶନ ରାଜ୍ୟ ପରିବେଶ ବିଭାଗ, କିଶନନଗର ତହସିଲଦାର ଓ କଟକ ଜିଲ୍ଲାପାଳଙ୍କୁ ଜବାବ ତଲବ କରିଛନ୍ତି । ପୂର୍ବରୁ ଶୁକପାଇକାର ପୁନରୁଦ୍ଧାର ପାଇଁ ଅଂଚଳବାସୀ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ଦେଇଥିଲେ । ଏହାପରେ କଟକ ଜିଲ୍ଲାପାଳ ଏହି ଅଂଚଳ ପରିଦର୍ଶନ କରି ସ୍ଥିତି ସମୀକ୍ଷା କରିଥିଲେ । ତେବେ ସ୍ଥାନୀୟ ତହସିଲଦାର କହିଛନ୍ତି, ଲୋକଙ୍କ ସମସ୍ୟା ବୁଝି ଏ ସମ୍ପର୍କରେ ପଦକ୍ଷେପ ନିଆଯିବ ।