୨ ଝିଅଙ୍କୁ ବିଷ ଦେଇ ନିଜେ ବିଷ ପିଇଦେଲା ମାଆ । ପଢନ୍ତୁ, କାହିଁକି ଏପରି ଚରମ ନିଷ୍ପତ୍ତି ନେଲା ଜଣେ ମା’
କନକ ବ୍ୟୁରୋ: ଆର୍ଥିକ ଅନାଟନ ଭିତରେ ଜଣେ ମାଆ ନେଇଛି ଚରମ ନିଷ୍ପତ୍ତି । ନିଜେ ବିଷ ପିଇବା ସହ ଦୁଇ ଝିଅଙ୍କୁ ବିଷ ପିଆଇ ଦେଇଛି ମାଆ ଆଉ ଜୀବନ ଯନ୍ତ୍ରଣା ଭିତରେ ମା’ର ମୃତ୍ୟୁ ହୋଇଥିବା ବେଳେ ଦୁଇ କୁନି ଝିଅ ଏବେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ମୟୂରଭଞ୍ଜ ଜିଲ୍ଲା ଶରତ ଥାନାରୁ ଆସିଛି ଏଭଳି ଅଭାବନୀୟ ଘଟଣା ।
Kanak News is now on WhatsApp
Join and get latest news updates delivered to you via WhatsApp
ତେବେ ବାରିପଦା ମୁଖ୍ୟ ଚିକିତ୍ସାଳୟରେ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜରେ ଚିକିତ୍ସିତ ହେଉଛନ୍ତି ଦୁଇ କୁନି ଝିଅ । ଆଉ ଏହି ନିଷ୍ପାପ ଶିଶୁଙ୍କୁ ତାଙ୍କ ଜନ୍ମକଲା ମାଆ ବିଷ ପିଆଇ ଦେଇଛି ଆଉ ନିଜେ ବିଷ ପିଇ ମୃତ୍ୟୁ ବରଣ କରିଛି । ଆର୍ଥିକ ଅନଟନ ଭିତରେ ଝିଅଙ୍କ ମୁହଁରେ ଦାନା ଦେଇ ନପାରି ଏଭଳି ଚରମ ନିଷ୍ପତ୍ତି ନେଇଛନ୍ତି ଲାବଣ୍ୟଦେଇପୁର ଗାଁର ପୂର୍ଣ୍ଣିମା ସିଂ ।
ପୂର୍ଣ୍ଣିମାଙ୍କ ସ୍ୱାମୀ ଗୁଜୁରାଟରେ ଦାଦନ ଖଟି ପରିବାର ଚଳାଉଥିଲେ । ହେଲେ ସେ ଏବେ କରୋନା ଯୋଗୁଁ ଘରକୁ ଫେରି ଆସିଛନ୍ତି । ଗାଁରେ ବି କାମ ଧନ୍ଦା ନାହିଁ । ତେଣୁ ଆର୍ଥିକ ଅନଟନ ଲାଗି ରହିଛି, ପିଲାଙ୍କୁ ଦାନା ଗଣ୍ଡାଏ ଦେବା କଷ୍ଟକର ହୋଇପଡିଛି । ତେଣୁ ପିଲାଙ୍କୁ ଖାଇବାକୁ ଦେଇ ନପାରିବାରୁ ଜୀବନରୁ ମାରି ଦେବାକୁ ନିଷ୍ପତ୍ତି ନେଇଥିଲେ ପୂର୍ଣ୍ଣିମା । ତେବେ ଶରତ ଥାନା ପୁଲିସ ଏହି ଘଟଣାର ତଦନ୍ତ କରୁଛି ।
ଲାବଣ୍ୟଦେଇପୁର ଗାଁର ତୁରାମ ସିଂଙ୍କ ସ୍ତ୍ରୀ ପୂର୍ଣ୍ଣିମା ଗତ ବୁଧବାର ଦିନ ଦୁଇ ଝିଅଙ୍କୁ ବିଷ ପିଆଇ ନିଜେ ବିଷ ପିଇଥିଲେ । ମାଆ-ଝିଅଙ୍କୁ ଚିକିତ୍ସା ପାଇଁ ପ୍ରଥମେ ଉଦଳା ଏବଂ ପରେ ବାରିପଦା ପିଆରଏମେ ମେଡିକାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧିନ ଅବସ୍ଥାରେ ପୂର୍ଣ୍ଣିମାଙ୍କର ମୃତ୍ୟୁ ହୋଇଥିବା ବେଳେ ଝିଅ ଦୁଇ ଜଣଙ୍କ ଚିକିତ୍ସା ଜାରି ରହିଛି । ଏମାନଙ୍କ ଜୀବନ ପ୍ରତି ବିପଦ ନଥିବା ଡାକ୍ତର କହିଛନ୍ତି ।