କରୋନା କଟକଣା ଭିତରେ ଆଜିିଠାରୁ ଆରମ୍ଭ ହେବାକୁ ଯାଉଛି ବିଧାନସଭାର ମୌସୁମୀ ଅଧିବେଶନ : ରହିଛି ୮ଟି କାର୍ଯ୍ୟ ଦିବସ, ବିଲ ଆକାରରେ ଗୃହରେ ଆସିବ ସରକାରଙ୍କ ୧୨ଟି ଅଧ୍ୟାଦେଶ
କନକ ବ୍ୟୁରୋ : କରୋନା କଟକଣା ଭିତରେ ଦିନକୁ ମାତ୍ର ସାଢ଼େ ୪ ଘଂଟା ଚାଲିବ ବିଧାନସଭାର ମୌସୁମୀ ଅଧିବେଶନ । ବିଧାନସଭା ଅକ୍ଟୋବର ୭ ତାରିଖ ପର୍ଯ୍ୟନ୍ତ ଚାଲିବ । ୮ଟି କାର୍ଯ୍ୟଦିବସ ରହିଥିବା ବେଳେ ୭ଟି କାର୍ଯ୍ୟଦିବସରେ ବିଭିନ୍ନ ବିଲ୍ ପାରିତ ହେବା ପାଇଁ ରହିଛି । ସରକାରଙ୍କ ପକ୍ଷରୁ ଜାରି କରାଯାଇଥିବା ୧୨ଟି ଅଧ୍ୟାଦେଶକୁ ବିଲ୍ ଆକାରରେ ଗୃହରେ ଆଗତ କରାଯିବ । ବିଧାୟକ ଦଳ ବୈଠକରେ ରଣନୀତି ପ୍ରସ୍ତୁତ କରିଛନ୍ତି ବିରୋଧୀ ଓ ଶାସକ ଦଳ । ବିଶେଷ କରି କରୋନା ଚିକତ୍ସା ଓ ପରିଚାଳନାରେ ବିଫଳତାର ଅଭିଯୋଗ ଆଣି ସରକାରଙ୍କୁ ଘେରିବାକୁ ତୟାର ହୋଇଛି ବିରୋଧୀ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ ଆରୁଖ କହିଛନ୍ତି, ରାଜ୍ୟର ସ୍ୱାର୍ଥ ସମ୍ବଳିତ ଯଦି କୌଣସି ବିଷୟ ଆଲୋଚନା ପାଇଁ ଅଣାଯାଏ, ସେ ସଂପର୍କରେ ଆଲୋଚନା ପାଇଁ ସରକାର ପ୍ରସ୍ତୁତ ଅଛନ୍ତି ।
ବିଧାନସଭାର ମୌସୁମୀ ଅଧିବେଶନ ଆରମ୍ଭ ହେବା ପୂର୍ବରୁ ଚିନ୍ତା ବଢାଇଛି ବିଧାୟକଙ୍କୁ କରୋନା ଖବର । ଅଧିବେଶନ ପାଇଁ କରାଯାଇଥିବା ଦୁଇ ଦିନିଆ କୋଭିଡ ପରୀକ୍ଷାରେ ୧୮୪ ଜଣ ପଜିଟିଭ ଚିହ୍ନଟ ହୋଇଛନ୍ତି । ଏହାମଧ୍ୟରେ ରହିଛନ୍ତି ୧୪ ଜଣ ବିଧାୟକ ।