କନକ ବ୍ୟୁରୋ : ଜୱାଦ ପ୍ରଭାବରେ ରାଜ୍ୟରେ ବିଭିନ୍ନ ସ୍ଥାନରେ ବର୍ଷା ଜାରି ରହିଛି । ପୁରୀ ସମେତ ଗଞ୍ଜାମ, ଗଜପତି ଓ ଜଗତସିଂହପୁର ଜିଲ୍ଲା ପାଇଁ ଜାରି ହୋଇଛି ରେଡ ୱାର୍ଣ୍ଣିଂ । ଗୋଟିଏ ୨ଟି ସ୍ଥାନରେ ହୋଇପାରେ ଅତ୍ୟନ୍ତ ପ୍ରବଳ ବର୍ଷା । ଏହି ଜିଲ୍ଲା ଗୁଡିକ ଉପରେ ସ୍ୱତନ୍ତ୍ର ନଜର ରଖାଯାଇଛି
Kanak News is now on WhatsApp
Join and get latest news updates delivered to you via WhatsApp
ସେପଟେ, ପୁରୀ ନିକଟରେ ଆସନ୍ତାକାଲି ବାତ୍ୟା ‘ଜୱାଦ’ ଲ୍ୟାଣ୍ଡଫଲ କରିପାରେ । ଏହାପରେ ସତର୍କତାମୂଳକ ପଦକ୍ଷେପ ସ୍ୱରୂପ ୧୯ ଜିଲ୍ଲାରେ ଆଜି ସ୍କୁଲ ଛୁଟି ପାଇଁ ଘାଷଣା ହୋଇଛି । ଏ ନେଇ ୧୯ଟି ଜିଲ୍ଲାର ଶିକ୍ଷା ଅଧିକାରୀଙ୍କୁ ନିର୍ଦ୍ଦେଶନାମା ଜାରି କରିଛି ସ୍କୁଲ ଓ ଗଣଶିକ୍ଷା ବିଭାଗ ।
ସେହି ଜିଲ୍ଲାଗୁଡିକ ହେଲା ଗଂଜାମ, ଗଜପତି, ପୁରୀ, ନୟାଗଡ, ଖୋର୍ଦ୍ଧା, ଜଗତସିଂହପୁର, କେନ୍ଦ୍ରାପଡା, କୋରାପୁଟ, ରାୟଗଡା, କଟକ, କନ୍ଧମାଳ, କେନ୍ଦୁଝର, ଅନୁଗୁଳ, ଢେଙ୍କାନାଳ, ବାଲେଶ୍ୱର, ଭଦ୍ରକ, ଯାଜପୁର, ମାଲକାନଗିରି ଓ ମୟୁରଭଞ୍ଜ । ବାତ୍ୟାକୁ ଯୋଗୁଁ ଏହି ଜିଲ୍ଲାଗୁଡିକରେ ପ୍ରବଳରୁ ଅତି ପ୍ରବଳ ବର୍ଷା ହେବା ସମ୍ଭାବନା ରହିଛି । ଏହାକୁ ଦୃଷ୍ଟିରେ ରଖି ଏହି ଜିଲ୍ଲାର ସ୍କୁଲଗୁଡିକୁ ବନ୍ଦ ରଖିବାକୁ ସରକାର ନିଷ୍ପତି ନେଇଛନ୍ତି । ଉଭୟ ସରକାରୀ ଓ ବେସରକାରୀ ସ୍କୁଲ ବନ୍ଦ ରହିବ । ତେବେ ନିର୍ଧାରିତ ପରୀକ୍ଷା ଥିଲେ , ଜିଲ୍ଲା ପ୍ରଶାସନର ତଦାରଖରେ କରାଯାଇପାରେ ବୋଲି ସ୍କୁଲ ଓ ଗଣିଶିକ୍ଷା ବିଭାଗ ନିର୍ଦ୍ଦେଶ ଦେଇଛି ।