ଆକାଉଣ୍ଟଧାରୀଙ୍କ ଅଜାଣତରେ ଆକାଉଣ୍ଟରେ ଡିପୋଜିଟ୍ ହେଉଥିଲା ଟଙ୍କା । ଏବେ ପ୍ରଶ୍ନ, ଆକାଉଣ୍ଟକୁ କେମିତି ଆସିଲା ଏତେ ଟଙ୍କା?
କନକ ବ୍ୟୁରୋ: କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା କେନ୍ତିଆ ଗ୍ରାମର ଗୋବିନ୍ଦ ସ୍ୱାଇଁ । ଆର୍ଥିକ ଅବସ୍ଥା ଭଲ ନୁହେଁ । ଏକ କ୍ୟାବିନ ପକାଇ ଛୋଟ ଇଲେକଟ୍ରିକ୍ ଦୋକାନଟିଏ କରି ଗୁଜରାଣ ମେଣ୍ଟାନ୍ତି । ମହାକାଳପଡ଼ା ବ୍ଳକ ରାମନଗର ଷ୍ଟେବ୍ୟାଙ୍କ ଶାଖାରେ ତାଙ୍କର ଏକ ଆକାଉଣ୍ଟ ଥିବା ବେଳେ ଏବେ ତାଙ୍କ ଆକାଉଣ୍ଟ ଫ୍ରିଜ୍ ହୋଇଯାଇଛି । କାରଣ ଏହି ଖାତାରେ ବିଭିନ୍ନ ସମୟରେ ୧୨ ଲକ୍ଷରୁ ଅଧିକ ଟଙ୍କା ଡିପୋଜିଟ୍ ଓ ଜମା ହୋଇଛି । ତେବେ ଏହା ଜାଣିବା ପରେ ଗୋବିନ୍ଦଙ୍କ ନିଦ ହଜିଯାଇଛି ।
Kanak News is now on WhatsApp
Join and get latest news updates delivered to you via WhatsApp
କର୍ଣ୍ଣାଟକ ମହୀଶୂର ପୋଲିସ୍ ବ୍ୟାଙ୍କ ଅଧିକାରୀଙ୍କୁ ଏକ ନୋଟିସ୍ ପଠାଇଥିଲା । ଏଥିରେ ଦର୍ଶାଯାଇଥିଲା ଯେ, ଗୋବିନ୍ଦଙ୍କ ଆକାଉଣ୍ଟରୁ ସାଇବର ଠକେଇରେ ଟଙ୍କା କାରବାର ହୋଇଛି । ଏହାପରେ ବ୍ୟାଙ୍କ କର୍ତ୍ତୃପକ୍ଷ ତାଙ୍କ ଆକାଉଣ୍ଟକୁ ଫ୍ରିଜ୍ କରିଦେଇଛନ୍ତି । ଗୋବିନ୍ଦ ମହାକାଳପଡ଼ା ଥାନାରେ ଏତଲା ଦେଇଛନ୍ତି । ତେବେ ଗୋବିନ୍ଦଙ୍କ ଆକାଉଣ୍ଟକୁ କେମିତି ଏତେ ଟଙ୍କା ଆସୁଥିଲା, କିଏ ପଠାଉଥିଲା, କେଉଁଠିକୁ ଯାଉଥିଲା, ଏସବୁ ତଦନ୍ତ ପରେ ହିଁ ଜଣାପଡ଼ିବ ।