କରୋନା ସଂକ୍ରମଣ କମିବା ସହ ବଢୁଛି ସୁସ୍ଥ ହାର : ରାଜ୍ୟରେ ୧୦ ଲକ୍ଷ ଟପିଲା ସୁସ୍ଥସଂଖ୍ୟା
କନକ ବ୍ୟୁରୋ : ୧୦ ଲକ୍ଷ ଟପିଲା ରାଜ୍ୟରେ କରୋନା ସୁସ୍ଥ ରୋଗୀଙ୍କ ସଂଖ୍ୟା । ରାଜ୍ୟରେ କରେନା ଆରମ୍ଭ ହେବା ଦିନ ଠାରୁ ସୁସ୍ଥ ହୋଇଥିବା ରୋଗୀଙ୍କ ସଂଖ୍ୟା ଏଥିରେ ରହିଛି । ଏନେଇ ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ଟୁଇଟ କରି ସୁଚନା ଦିଆଯାଇଛି । ସ୍ୱାସ୍ଥ୍ୟକର୍ମୀଙ୍କ ନିରନ୍ତର ପ୍ରୟାସ ଯୋଗୁଁ ରାଜ୍ୟରେ କରୋନା ସୁସ୍ଥହାର ଏକ ମାଇଲଖୁଂଟ ପାର କରିଛି ବୋଲି ଟୁଇଟ କରି କହିଛି ସ୍ୱାସ୍ଥ୍ୟ ବିଭାଗ । ଗତକାଲି ୬୮୯ ଜଣ ସୁସ୍ଥ ହୋଇଥିବା ବେଳେ ଏହାକୁ ମିଶାଇ ରାଜ୍ୟରେ ମୋଟ ସୁସ୍ଥ ସଂଖ୍ୟା ୧୦ ଲକ୍ଷ ୫୪୮ରେ ପହଂଚିଛି ।
Kanak News is now on WhatsApp
Join and get latest news updates delivered to you via WhatsApp
Happy to share that today we have reached the milestone of recovery of over 10 lakh #COVID19 patients!
Due to the dedication of our Healthcare Workers, Odisha continues to maintain one of the highest recovery rates in the country! #OdishaCares @CMO_Odisha
— H & FW Dept Odisha (@HFWOdisha) September 11, 2021
ରୋଗୀଙ୍କ ସୁସ୍ଥ ହାର ୯୮ ପ୍ରତିଶତ ରହିଛି । ଏବେ ରାଜ୍ୟରେ ୭ହଜାର ୨୦ଜଣ ସକ୍ରିୟ ସଂକ୍ରମିତ ଅଛନ୍ତି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ଆକ୍ରାନ୍ତ ଚିକିତ୍ସତ ହେଉଥିବା ବେଳେ କନ୍ଧମାଳରୁ ସର୍ବନିମ୍ନ ରୋଗୀ ଚିକିତ୍ସିତ ହେଉଛନ୍ତି । ରାଜ୍ୟରେ ୧୮ ବର୍ଷରୁ କମ୍ ବୟସର ପିଲାଙ୍କ ସଂଖ୍ୟା ଲଗାତର ଭାବେ ଶହେ ଉପରେ ରହୁଛି । ୨୪ଘଂଟାରେ ରାଜ୍ୟରେ ୬୩୦ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଶୂନରୁ ୧୮ ବର୍ଷ ଭିତରେ ୧୧୬ ପିଲାଙ୍କୁ କରୋନା ହୋଇଛି । ପିଲାଙ୍କ ପାଇଁ କୌଣସି ଟିକା ଆସିନଥିବା ବେଳେ ସାମ୍ଭବ୍ୟ ତୃତୀୟ ଲହରକୁ ପିଲାଙ୍କ ପାଇଁ ବିପଦ ହୋଇପାରେ ବୋଲି ଆଶଙ୍କା କରାଯାଉଛି ।