ଋଣ ଟଙ୍କା ସୁଝିବା ଲାଗି ନିଜର ହତ୍ୟା ପାଇଁ ସୁପାରୀ ଦେଲେ ବେପାରୀ । ଜାଣନ୍ତୁ କେଉଁଠି ଘଟିଛି ଏପରି ଘଟଣା !
କନକ ବ୍ୟୁରୋ : ଆର୍ଥିକ ସଂକଟ ମଣିଷକୁ ଅନେକ କିଛି କରିବାକୁ ବାଧ୍ୟ କରିଦିଏ । ପାଖରେ ଟଙ୍କା ନଥିଲେ ମଣିଷକୁ ଅବସାଦ ବେଳେ ବେଳେ ଗ୍ରାସ କରିଦିଏ । ପରିସ୍ଥିତିରେ ପଡି ମଣିଷ ବହୁତ କିଛି ଚିନ୍ତା କରେ, କେବଳ ଯେ, ଚିନ୍ତା କରେ ତାହା ନୁହେଁ ବରଂ ଅନେକ କିଛି କରିବସେ ।ଟଙ୍କା ଅଭାବରୁ ଜଣେ ବ୍ୟବସାୟୀ ନିଜର ହତ୍ୟା ଯୋଜନା ଘଟଣା ସାମ୍ନାକୁ ଆସିଛି । ନିଜ ହତ୍ୟା ପାଇଁ ସୁପାରୀ କିଲରକୁ ସୁପାରୀ ଦେଇଥିବା ଜଣାଯାଇଛି । ତାଙ୍କର ମୃତ୍ୟୁ ପରେ ପରିବାରକୁ ମୋଟା ଅଙ୍କର ଟଙ୍କା ମିଳିବ ଓ ତାଙ୍କର ଋଣ ସବୁ ସୁଝିଯିବ ବୋଲି ଭାବି ବ୍ୟବସାୟୀ ଜଣକ ଜାଣିଶୁଣି ନିଜର ହତ୍ୟା କରାଇଲେ । କିନ୍ତୁ ହତ୍ୟା ପରେ ସେ ଭାବିଥିବା ପରି କୌଣସି ଘଟଣା ଘଟିଲା ନାହିଁ ।
Kanak News is now on WhatsApp
Join and get latest news updates delivered to you via WhatsApp
ନିଜର ହତ୍ୟା ପାଇଁ ବ୍ୟବସାୟୀ ଜଣକ ସୁପାରୀ କିଲରକୁ କେତେ ଟଙ୍କା କେତେ ଟଙ୍କା ଦେଇଥିଲେ?ତାହାର ତଦନ୍ତ ଚାଲିଛି, କିନ୍ତୁ ସେନେଇ କୌଣସି ସ୍ପଷ୍ଟ ସୂଚନା ପୋଲିସର ହସ୍ତଗତ ହୋଇନାହିଁ ।
ବ୍ୟୟସାୟୀ ଜଣଙ୍କୁ ଏକ ଗଛରୁ ଝୁଲନ୍ତା ଅବସ୍ଥାରେ ପୋଲିସ ଉଦ୍ଧାର କରିଥିଲା । ଶବ ଉଦ୍ଧାର ସମୟରେ ମୃତ ବ୍ୟବସାୟୀଙ୍କ ହାତ ବନ୍ଧାଯାଇଥିବା ନେଇ ପୋଲିସ ସୂଚନା ଦେଇଛି । ମୃତ ବ୍ୟକ୍ତି ନିଜର ସ୍ତ୍ରୀ ୨ ପିଲାଙ୍କ ସହ ଘର ଭଡାରେ ରହିଥିଲେ । ବ୍ୟବସାୟ ମଧ୍ୟ ଭଲରେ ଚାଲୁଥିଲା । କିନ୍ତୁ ହଠାତ ବ୍ୟବସାୟୀ ଜଣକ କେଉଁ ଆଡେ ପଳାଇଥିଲେ । ପରିଜନ ସଦସ୍ୟ ବହୁ ଖୋଜାଖୋଜି ପରେ ପୋଲିସର ସାହାଯ୍ୟ ନେଇଥିଲେ । ପରେ ପୋଲିସ ଶବ ପାଇବା ପରେ ତଦନ୍ତ ଆରମ୍ଭ କରିଥିଲା । ତେବେ ଏହାରି ମଧ୍ୟରେ ହତ୍ୟାକାରୀ ମଧ୍ୟ ନିଜ ଦୋଷ ଶିକାର କରିସାରିଛନ୍ତି ।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଯେ, ବ୍ୟବସାୟୀ ଜଣକ ନିଜ ହତ୍ୟା ସମ୍ପର୍କରେ ଜଣେ ନାବାଳକ ସହ ଲଗାତାର ଆଲୋଚନା କରୁଥିଲେ । ପରେ ନାବାଳକ ଜଣକ ଅନ୍ୟ ୨ ହତ୍ୟାକାରୀଙ୍କ ସହ ମିଶି ବ୍ୟବସାୟୀଙ୍କୁ ହତ୍ୟା କରିଥିଲେ ।
ତେବେ ବ୍ୟବସାୟୀ ଜଣକ ପାଖାପାଖି ୧ କୋଟିରୁ ଅଧିକ ଟଙ୍କା ଋଣ କରିଥିଲେ । ନିକଟ ଅତିତରେ ୬ ଲକ୍ଷ ଟଙ୍କା ଋଣ ନେଇଥିବା ମଧ୍ୟ ସୂଚନା ମିଳୁଛି । ଏହାସହ ଅନଲାଇନ ଠକେଇର ସେ ଶିକାର ମଧ୍ୟ ହୋଇଥିଲେ । ନିଜର ମୃତ୍ୟୁ ପରେ ମିଳିବାକୁ ଥିବା ସମସ୍ତ ଟଙ୍କା ତାଙ୍କର ସୁଝିଯିବ ବୋଲି ଚିନ୍ତା କରି ଏପରି ପଦକ୍ଷେପ ନେଇଥିବା ପୋଲିସ କହିଛି ।
ବ୍ୟୁରୋ ରିପୋର୍ଟ, କନକ ନ୍ୟୁଜ୍