ଧରାପଡିଲା ମାଓବାଦୀଙ୍କ କାରନାମା : ଲମତାପୁଟ ବ୍ଲକର ସୀମାନ୍ତ ଜଙ୍ଗଲରୁ ମାଟି ତଳୁ ଉଦ୍ଧାର ହେଲା ବିପୁଳ ପରିମାଣର ବିସ୍ଫୋରକ ସାମଗ୍ରୀ ; ପୋଲିସକୁ ଟାର୍ଗେଟ କରି ରଖାଯାଇଥିବା ସନ୍ଦେହ,ଡ୍ରମ୍ ଭିତରେ ପୋତା ଯାଇଥିଲା ବିସ୍ଫୋରକ
କନକ ବ୍ୟୁରୋ : ମାଟିତଳୁ ଉଦ୍ଧାର ହେଲା ବିସ୍ପୋରକ ସାମଗ୍ରୀ । କୋରାପୁଟ ଜିଲ୍ଲା ଲମତାପୁଟ ବ୍ଲକ ସୀମାନ୍ତ ଜଙ୍ଗଲରୁ ବିସ୍ପୋରକ ଜବତ କରାଯାଇଛି । ମାଓବାଦୀଙ୍କ ଦ୍ୱାରା ମାଟିତଳେ ଡ଼୍ରମ ମଧ୍ୟରେ ପୋତା ଯାଇଥିଲା ଏହି ବିସ୍ପୋରକ ସାମଗ୍ରୀ । କୋରାପୁଟ ଡିଭିଏଫ ଓ ଯବାନଙ୍କ ଦ୍ୱାରା ଏହା ଉଦ୍ଧାର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏଥିରେ ୫୦୦ଟି ଜିଲେଟିନ, ମାଓ ପୁସ୍ତିକା, ମାଓ ନେତାଙ୍କ ଫୋଟୋ, ୩ଟି କ୍ୟାମେରା ଫ୍ଲାସ, ବିଦ୍ୟୁତ ତାର, ସ୍ଲିଂଟର ଜବତ ହୋଇଛି । ଆନ୍ଧ୍ର ଓଡ଼ିଶା ବର୍ଡ଼ର ଜୋନାଲ କମିଟି ମାଓବାଦୀମାନଙ୍କ ଦ୍ୱାରା ପୋତା ଯାଇଥିବା କହିଛନ୍ତି ଏସପି । ପୁଲିସକୁ ଆକ୍ରମଣ କରିବା ଉର୍ଦ୍ଦେଶ୍ୟରେ ମାଓବାଦୀମାନେ ଏହାକୁ ଲୁଚାଇ ରଖିଥିଲେ ।
କମ୍ବି ଅପରେସନ ବେଳେ ଏହାକୁ ଜବତ କରାଯାଇଛି । ପୁଲିସ ଓ ବିଏସଏଫ ପକ୍ଷରୁ ଆନୁଷ୍ଠାନିକ ଭାବେ ଏନେଇ ସୂଚନା ଦିଆଯାଇଛି । ବିସ୍ପୋରକ ଜବତ ହୋଇଥିବା ନେଇ କୋରାପୁଟ ଏସପି ମୁକେଶ କୁମାର ଭାମୁ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।