ଓସ୍କାର ଆୱାର୍ଡ ପାଇଁ ଭାରତରୁ ଯିବ ମାଲାୟଲମ ଫିଲ୍ମ ଜଲିକାଟୁ : ବଲିଉଡ, ମରାଠୀ ଫିଲ୍ମକୁ ପଛରେ ପକାଇ ଜଲିକାଟୁ ହେଲା ମନୋନୀତ
ପୂର୍ବରୁ ୬୩ତମ ଲଣ୍ଡନ ଫିଲ୍ମ ଫେଷ୍ଟିଭାଲରେ ଡ୍ରାମା ଥିଲର ମୁଭି ଜଲିକାଟୁ ହୋଇଛି ପ୍ରଦର୍ଶିତ
କନକ ବ୍ୟୁରୋ : ୯୩ ଓସ୍କାର ଆୱାର୍ଡ ପାଇଁ ମାଲାୟଲମ ଫିଲ୍ମ ଜଲିକାଟୁ ଭାରତ ପକ୍ଷରୁ ମନୋନୀତ ହୋଇଛି । ଓସ୍କାରରେ ବେଷ୍ଟ ଇଂଟରନେସନାଲ ଫିଚର ଫିଲ୍ମ ଶ୍ରେଣୀରେ ଏହି ଫିଲ୍ମକୁ ଭାରତ ପକ୍ଷରୁ ପଠାଯିବ । ଓସ୍କାର ଯିବା ପାଇଁ ଏକାଧିକ ଫିଲ୍ମ ଦୌଡରେ ରହିଥିଲେ ବି ବାଜି ମାରିନେଇଛି ମାଲାୟଲମ ଫିଲ୍ମ ଜଲିକାଟୁ । ବଲିଉଡ ମୁଭି ଶକୁନ୍ତଳା ଦେବୀ, ଶିକାରା, ଗୁଂଜନ ସକସେନା, ଭୌସଁଲେ, ଗୁଲାବୋ ସିତାବୋ, ସିରିୟସ ମ୍ୟାନ, ବୁଲବୁଲ, କାମୟାବ, ଦ ପିଙ୍କ ସ୍କାଏ ସମେତ ମରାଠୀ ଫିଲ୍ମ ବିରଟସ୍ପାଇଟ ଓ ଡିସାଇପଲ ଫିଲ୍ମ ଓସ୍କାର ଦୌଡରେ ରହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ମାଲାୟଲମ ମୁଭି ଜଲିକାଟୁ ଏକ ଡ୍ରାମା, ଥ୍ରିଲର ହୋଇଥିବା ବେଳେ ଦେଶ ବିଦେଶରେ ଏହି ଫିଲ୍ମ ଉଚ୍ଚ ପ୍ରଶଂସିତ ହୋଇଛି । ୬୩ତମ ବିଏଫଆଇ ଲଣ୍ଡନ ଫିଲ୍ମ ଫେଷ୍ଟିଭାଲରେ ୭୮ ଦେଶର ୨୨୯ଟି ଫିଲ୍ମ ପ୍ରଦର୍ଶିତ ହୋଇଥିଲା । ଲଣ୍ଡନ ଫିଲ୍ମ ଫେଷ୍ଟିଭାଲର ଜଲିକାଟୁର ସ୍କ୍ରିନିଂ ହୋଇଥିଲା । ଜଲିକାଟୁ ଫିଲ୍ମରେ ମଣିଷ ଓ ପଶୁଙ୍କ ମଧ୍ୟରେ ଥିବା ସଂପର୍କ ଓ ଭାବପ୍ରବଣତାକୁ ନିଖୁଣ ଭାବେ ପ୍ରଦର୍ଶିତ କରାଯାଇଛି । ପୂର୍ବରୁ ଓସ୍କାର ଆୱାର୍ଡରେ ଭାରତୀୟ ଫିଲ୍ମ ମଦର ଇଣ୍ଡିଆ, ଲଗାନ ଓ ସଲାମ ବମ୍ବେକୁ ବିଦେଶ ଭାଷା ଫିଲ୍ମରେ ମନୋନୀତ ହୋଇଥିଲେ ମଧ୍ୟ ଓସ୍କାର ଜିତିବାରେ ବିଫଳ ହୋଇଥିଲେ ।