ରାସ୍ତାରେ ଚାଲିଲେ ମଦ ମାଫିଆ । ଗାଁରେ ମଦ ବିକ୍ରି ବନ୍ଦ କରିବାକୁ ବାରମ୍ବାର ମନା କଲା ପରେ ବି କାର୍ଯ୍ୟାନୁଷ୍ଠାନ ଗ୍ରହଣ କଲା ନାହିଁ ପୋଲିସ, ଆଇନକୁ ହାତକୁ ନେଲେ ଗ୍ରାମବାସୀ
କନକ ବ୍ୟୁରୋ : ମଦ ମାଫିଆଙ୍କୁ ରାସ୍ତାରେ ଚଲାଇଲେ ମହିଳା । ଏମିତି ଏକ ଚିତ୍ର ଭଦ୍ରକ ଜିଲ୍ଲା ତିହିଡି ଥାନା କୋହ୍ଲକମାରିଆ ଗାଁରୁ ଆସିଛି । ଗାଁରେ ମଦ ବିକ୍ରି ବନ୍ଦ କରିବା ପାଇଁ ବାରମ୍ବାର ପୁଲିସକୁ ଲିଖିତ ଅଭିଯୋଗ କରିଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ହୋଇନଥିଲା । ଏଥିରେ ଅସନ୍ତୁଷ୍ଟ ଗ୍ରାମବାସୀ ଏବେ ଆଇନକୁ ହାତକୁ ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗାଁକୁ ମଦ ବିକ୍ରି କରିବାକୁ ଆସିଥିବା ମାଫିଆଙ୍କୁ କାବୁ କରି ବେକରେ ମଦ ପେଟି ଝୁଲାଇ ମହିଳାମାନେ ରାସ୍ତାରେ ଏଭଳି ଚଲାଇ ଚଲାଇ ନେଇଛନ୍ତି । ଝାଡୁରେ ପିଟିବା ସହ ତିହିଡି ଥାନାକୁ ଆଣି ପୁଲିସ ଜିମା ଦେଇଛନ୍ତି । ଏପରିକି ଜବତ ମଦକୁ ଥାନା ସମ୍ମୁଖରେ ଢାଳି ଦେଇଛନ୍ତି । ଏହି ଘଟଣା ଏବେ ଚର୍ଚାର ବିଷୟ ପାଲଟିଥିବା ବେଳେ ମଦ ମାଫିଆ ଗୋରା ସାହାକୁ ଗିରଫ କରି ତିହିଡି ପୁଲିସ ତଦନ୍ତ ଆରମ୍ଭ କରିଛି ।