ସୁନାବେଡାରେ ଓଡିଶା-ଆନ୍ଧ୍ର ସୀମା ବିବାଦ ପ୍ରସଙ୍ଗ : ଦୀର୍ଘ ୧୦ଦିନ ପରେ ରାସ୍ତାରୁ ହଟିଲା ଅବରୋଧ
କନକ ବ୍ୟୁରୋ : ଦୀର୍ଘ ୧୦ ଦିନ ପରେ ଶେଷରେ ଓଡିଶା ସୀମାନ୍ତ ସମ୍ବାଇର ସୁନାବେଡା ରାସ୍ତାରୁ ହଟିଲା ରାସ୍ତା ଅବରୋଧ । ଉଭୟ ରାଜ୍ୟର ଅଧିକାରୀ ଘଟଣାସ୍ଥଳରେ ପଂହଚି ଲୋକଙ୍କ ସହ ଆଲୋଚନା କରିଥିଲେ । ସୀମା ନିର୍ଦ୍ଧାରଣ ନେଇ ଆନ୍ଧ୍ର ଅଧିକାରୀ ଓଡିଶା ଅଧିକାରୀଙ୍କଠାରୁ ସୀମା ନେଇ ପ୍ରମାଣ ମାଗିବା ସହ ଗୁଗୁଲ ମ୍ୟାପକୁ ପ୍ରମାଣ ବୋଲି କହିଥିଲେ । ଓଡିଶା ଅଧିକାରୀ ଏ ନେଇ ୧୯୬୫ ମସିହାର ରାଜସ୍ୱ ମ୍ୟାପ ଦେଖାଇଥିଲେ । କିନ୍ତୁ ଏହାକୁ ଆନ୍ଧ୍ର ଅଧିକାରୀ ମାନିନଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ମିଳିତ ସର୍ଭେ ପାଇଁ କୋରାପୁଟ ଜିଲ୍ଲାପାଳ ବିଶାଖାପାଟଣା ଜିଲ୍ଲାପାଳଙ୍କୁ ଚିଠି ଲେଖିଥିବା କହିବା ପରେ ପରବର୍ତୀ ନିଷ୍ପତ୍ତି ଯାଏଁ ରାସ୍ତା ହଟାଇବାକୁ ରାଜି ହୋଇଥିଲେ ଆନ୍ଧ୍ର ସୀମାର ଅଧିକାରୀ । ରାସ୍ତା ଅବରୋଧ ହଟିଥିଲେ ବି ସୀମା ବିବାଦର ସାମାଧାନ ହୋଇନାହିଁ । ସୀମା ବିବାଦକୁ ନେଇ ଏଭଳି ପରିସ୍ଥିତି ସୃଷ୍ଟି ହୋଇଥିଲା । ୧୦ ଦିନ ହେଲା ପଟାଙ୍ଗିର ସୁନାବେଢା ଗାଁକୁ ଆନ୍ଧ୍ରରେ ପଶିବାକୁ ମନାକରୁଥିଲେ ଆନ୍ଧ୍ର୍ର ଲୋକେ । ଏହାକୁ ନେଇ ଆନ୍ଧ୍ର ସୀମାର ଲୋକେ ରାସ୍ତା ଅବରୋଧ କରିଥିଲେ ।