ସରକାରୀ ଯୋଜନା ବଢ଼ାଇ ପାରୁନି ଚାଷୀଙ୍କ ଆୟ । ଓଡ଼ିଶା ଚାଷୀଙ୍କ ମାସିକ ଆୟ ୫ ହଜାରରୁ ସାମାନ୍ୟ ଅଧିକ ।
- କେତେ ଆୟ କରୁଛନ୍ତି ଓଡ଼ିଶା ଚାଷୀ?
- ଆସିଲା କେନ୍ଦ୍ର ସରକାରଙ୍କ ରିପୋର୍ଟ
Kanak News is now on WhatsApp
Join and get latest news updates delivered to you via WhatsApp
ସାରା ଦେଶରେ ଚାଷୀ ଆନ୍ଦୋଳନ ଚାଲିଛି, ଚାଷୀଙ୍କୁ ନେଇ ରାଜନୀତି ଜୋରଦାର ହେଉଛି, ହେଲେ ଚାଷୀଙ୍କ ଆୟ ସେପରି ବଢ଼ୁନି । କେନ୍ଦ୍ର ପରିସଂଖ୍ୟାନ ଓ ଯୋଜନା କ୍ରିୟାନ୍ୱୟ ମନ୍ତ୍ରାଳୟର ରିପୋର୍ଟରୁ ଏହି ତଥ୍ୟ ଆସିଛି । ଓଡିଶା ଚାଷୀଙ୍କର ମାସିକ ଆୟ ମାତ୍ର ୫୧୧୨ ଟଙ୍କା । ଓଡିଶା ଚାଷୀଙ୍କ ଆୟ ଦେଶରେ ଦ୍ୱିତୀୟ ସର୍ବନିମ୍ନ ଆୟ ।
ନଜର ପକାନ୍ତ, ଓଡ଼ିଶା ଚାଷୀଙ୍କ ମାସିକ ଆୟ ଉପରେ –
- ଚାଷୀ ପରିବାରର ହାରାହାରି ଆୟ ୫,୧୧୨ ଟଙ୍କା
- ଫସଲରୁ ଆୟ ୧,୫୫୯ ଟଙ୍କା
- ମଜୁରୀରୁ ମିଳୁଛି ୨,୬୪୯ ଟଙ୍କା
- ଭାଗ ଚାଷରୁ ୨୯ ଟଙ୍କା ମିଳୁଛି
- ପଶୁ ସମ୍ପଦରୁ ୪୧୬ ଟଙ୍କା ମିଳୁଛି
- ଅଣକୃଷି କାର୍ଯ୍ୟରୁ ଚାଷୀ ପରିବାରକୁ ମିଳୁଛି ୪୪୯ ଟଙ୍କା
ରୋଜଗାର ବଢ଼ୁନି, ହେଲେ ଚାଷୀଙ୍କ ଉପରେ ଋଣଭାର ବଢ଼ିବାରେ ଲାଗିଛି । ରିପୋର୍ଟ ଅନୁସାରେ ଓଡ଼ିଶାର ୬୧.୨ ପ୍ରତିଶତ ଚାଷୀ ଋଣଗ୍ରସ୍ତ ଅଛନ୍ତି ଏବଂ ଚାଷୀଙ୍କ ମୁଣ୍ଡ ପିଛା ଋଣ ଭାର ହେଉଛି ୩୨ ହଜାର ୭୨୧ ଟଙ୍କା । ଏହି ରିପୋର୍ଟ, ଆଉ ଏକ ତଥ୍ୟ ଅନେକଙ୍କୁ ଆଶ୍ଚର୍ଯ୍ୟ କରିଛି । ୨୦୧୮-୧୯ରେ ଜଣେ ଚାଷୀ, ଦିନକୁ ଚାଷ କାମରୁ ମାତ୍ର ୨୭ ଟଙ୍କା ରୋଜଗାର କରିବାକୁ ସକ୍ଷମ ହେଉଛି ।