କନକ ବ୍ୟୁରୋ: ଝାଡ଼ଖଣ୍ଡ ପଶ୍ଚିମ ସିଂହଭୂମ ଜିଲ୍ଲା ତାଲାବୁରୁ ଓ କେନ୍ଦୋପୋସି ରେଳ ଷ୍ଟେସନ ମଧ୍ୟରେ ରେଳ ଲାଇନରୁ ୪ଟି ମୃତହେଦ ଉଦ୍ଧାର ଘଟଣାର ପର୍ଦ୍ଦାଫାଶ । ତେନ୍ଦୁଳି ଗଛ ପାଇଁ ହୋଇଥିଲା ହତ୍ୟାକାଣ୍ଡ । ୫ ଅଭିଯୁକ୍ତଙ୍କୁ ଗିରଫ କରିବା ପରେ ହତ୍ୟକାଣ୍ଡ ଘଟଣାର ପର୍ଦ୍ଦାଫାଶ କରିଛି ପୋଲିସ । ଗିରଫ ୫ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ଗୋଟିଏ ପରିବାରର ତିନି ଜଣଙ୍କୁ ହତ୍ୟା କରାଯାଇଥିବା ବେଳେ ଅନ୍ୟ ଜଣଙ୍କ ମୃତଦେହ ଚିହ୍ନଟ କରାଯାଇପାରିନାହିଁ । ପୋଲିସ କହିଛି ତେନ୍ତୁଳି ଗଛକୁ ନେଇ ଦୁଇ ପରିବାର ମଧ୍ୟରେ ବିବାଦ ରହିଥିଲା । ଆଉ ଏହି ବିବାଦ ଯୋଗୁ ହତ୍ୟାକାଣ୍ଡ ହୋଇଛି । ପୋଲିସ କହିଛି, ହତ୍ୟାକାଣ୍ଡ ଘଟଣାର ସମାଧାନ ପାଇଁ ମୃତକଙ୍କ ଝିଅ ବଡ଼ ଲିଙ୍କ ଭାବେ ଉଭା ହୋଇଥିଲା । ୧୫ ବର୍ଷର ଝିଅ ହିଁ ପୋଲିସକୁ ହତ୍ୟାକାରୀ ପାଖରେ ପହଂଚାଇବାରେ ସାହାଯ୍ୟ କରିଥିଲା । ହତ୍ୟା ସମୟରେ ଝିଅ କୌଣସି ପ୍ରକାରେ ଖସି ଯିବାରେ ସଫଳ ହୋଇଥିଲା । ଗତ ସପ୍ତାହରେ ରେଳ ଲାଇନରୁ ୪ଟି ମୃତହେଦ ଉଦ୍ଧାର କରାଯାଇଥିଲା । ଦୁଇଟି ମୃତଦେହ ଅଖାରେ ସିଲ ହୋଇ ରହିଥିଲା । ମୃତକଙ୍କ ମଧ୍ୟରେ ଦୁଇ ଜଣ ଶିଶୁ ଅଛନ୍ତି । ଜଣଙ୍କ ବୟସ ୮ ମାସ ହୋଇଥିବା ବେଳେ ଅନ୍ୟ ଜଣେ ଅଢ଼େଇ ବର୍ଷର ଶିଶୁକନ୍ୟା ।
ଓଡ଼ିଶା ସୀମା ଝାଡ଼ଖଣ୍ଡ ତାଲାବୁର ରେଳ ଧାରଣାରୁ ୪ ମୃତଦେହ ଉଦ୍ଧାର ଘଟଣାର ପର୍ଦ୍ଦାଫାଶ: ତେନ୍ତୁଳି ଗଛ ପାଇଁ ଦୁଇ ପରିବାର ମଧ୍ୟରେ ଲାଗି ରହିଥିଲା ବିବାଦ
![ଓଡ଼ିଶା ସୀମା ଝାଡ଼ଖଣ୍ଡ ତାଲାବୁର ରେଳ ଧାରଣାରୁ ୪ ମୃତଦେହ ଉଦ୍ଧାର ଘଟଣାର ପର୍ଦ୍ଦାଫାଶ: ତେନ୍ତୁଳି ଗଛ ପାଇଁ ଦୁଇ ପରିବାର ମଧ୍ୟରେ ଲାଗି ରହିଥିଲା ବିବାଦ](https://img-cdn.thepublive.com/fit-in/1280x720/filters:format(webp)/kanak/media/post_attachments/wp-content/uploads/2024/02/26-19.jpg)