କନକ ନ୍ୟୁଜ ଖବର ପ୍ରସାରଣର ପ୍ରଭାବ । ସ୍ୱାଭିମାନ ଅଂଚଳରେ ପାଇଖାନା ଦୁର୍ନୀତିର ଆରମ୍ଭ ହେଲା ତଦନ୍ତ : ଗ୍ରାଉଣ୍ଡ ଜିରୋରେ ସ୍ଥିତି ଅନୁଧ୍ୟାନ କରୁଛନ୍ତି ଜିଲ୍ଲା ପ୍ରଶାସନର ଟିମ
କନକ ବ୍ୟୁରୋ : ମାଲକାନଗିରି ଜିଲ୍ଲାର ସ୍ୱାଭିମାନ ଅଂଚଳରେ ପାଇଖାନା ମହାଦୁର୍ନୀତିରେ କନକ ନ୍ୟୁଜର ମହାପ୍ରଭାବ । ପାଇଖାନା ମହା ଦୁର୍ନୀତି ନେଇ ଖବର ପ୍ରସାର ପରେ ଏବେ ଗ୍ରାଉଣ୍ଡ ଜିରୋ ରେ ପହଁଚି ତଦନ୍ତ ଆରମ୍ଭ କରିଛି ଜିଲ୍ଲା ପ୍ରଶାସନ । ଉପଜିଲ୍ଲାପାଳଙ୍କ ସମେତ ଗ୍ରାମ୍ୟ ଜଳ ଓ ପରିମଳ ବିଭାଗର ନିର୍ବାହୀ ଯନ୍ତ୍ରୀଙ୍କୁ ନେଇ ଏକ ୩ ଜଣିଆ ସ୍ୱତନ୍ତ୍ର ଟିମ ଗଠନ କରାଯାଇ ସ୍ୱାଭିମାନ ଅଂଚଳର ବିଭିନ୍ନ ଗାଁ ଗାଁ ରେ ତଦନ୍ତ କରୁଛି ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ମାଲକାନଗିରି ଜିଲ୍ଲାପାଳ ମନୀଷ ଅଗ୍ରଓାଲଙ୍କ ଗସ୍ତ ସମୟରେ ମଧ୍ୟ ଯୋଡାମ୍ବା ପଂଚାୟତବାସୀ ପାଇଖାନା ଦୁର୍ନୀତି ନେଇ ଜିଲ୍ଲାପାଳଙ୍କୁ ଜଣାଇ ଥିଲେ । ଜିଲ୍ଲାପାଳଙ୍କ ଗସ୍ତକୁ ଆଖି ଆଗରେ ରଖି ପାଇଖାନା ଗୁଡିକର ମରାମତି କରା ଯାଇଥିବା ଖୋଦ ଜିଲ୍ଲାପାଳ ଦେଖିବାକୁ ପାଇ ଥିଲେ । ଏଥି ସହ ପାଇଖାନା ନିର୍ମାଣ ରେ ଏବେ ବି ନିମ୍ନମାନ ର ସାମଗ୍ରୀ ବ୍ୟବହାର କରା ଯାଉଥିବା ଦେଖିବାକୁ ମିଳିଛି । ତେବେ ତଦନ୍ତ ରିପୋର୍ଟ ଆସିବା ପରେ ପାଇଖାନା ଚୋରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲାପାଳ କହିଛନ୍ତି ।