କନକ ବ୍ୟୁରୋ: ଆଇସକ୍ରିମ୍ ଖାଇବାକୁ ପ୍ରାୟ ସମସ୍ତଙ୍କୁ ଭଲ ଲାଗିଥାଏ.. ଆଉ ଖରା ଦିନେ ଏହାର ମଜା ଟିକେ ନିଆରା । ଖରା ଗରମରେ ଲୋକେ ଆଇସକ୍ରିମ ଖାଇ ଗରମରୁ ଆସ୍ୱସ୍ତି ପାଇଥାଆନ୍ତି । ସେଥିପାଇଁ ଅନ୍ୟ ସିଜିନ୍ ଅପେକ୍ଷା ଖରା ସିଜିନ୍ରେ ଏହାର ଚାହିଦା ଅଧିକ ରହିଥାଏ । ତେବେ ଆଠଗଡ଼ ଗୁରୁଡ଼ିଝାଟିଆ ଅଂଚଳରେ ଥିବା ଏକ ଆଇସକ୍ରିମ୍ କାରଖାନା ଏବେ ୧୦ଟି ପରିବାରକୁ ରୋଜଗାରକ୍ଷମ କରାଇଛି । ୨୦୦୨ ମସିହାରେ ମାତ୍ର ୨ଲକ୍ଷ ଟଙ୍କା ବ୍ୟୟରେ ଆରମ୍ଭ ହୋଇଥିବା ଏହି ଆଇସକ୍ରିମ୍ କାରଖାନା ଏବେ ୧୦ ଲକ୍ଷ ଟଙ୍କାରେ ପହଂଚିଛି ।
Kanak News is now on WhatsApp
Join and get latest news updates delivered to you via WhatsApp
ଗୁରୁଡ଼ିଝାଟିଆ ପଂଚାୟତ ଅଧିନରେ ଥିବା ଛୋଟିଆମ୍ବ ଗାଁର ଦିନେଶ ସାହୁ ଏହି କାରଖାନା ଆରମ୍ଭ କରିଥିବା ବେଳେ ଏଥିରେ ତାଙ୍କୁ ସାହାଯ୍ୟ କରୁଛନ୍ତି ତାଙ୍କ ସ୍ତ୍ରୀ କାବେରୀ ସାହୁ । ଘର କାମ କରିବା ସହିତ ଆଇସକ୍ରିମ୍ କାରଖାନା ବୁଝାସୁଝାରେ ସ୍ୱାମୀଙ୍କୁ ସହାୟତା କରନ୍ତି କାବେରୀ ।
ରାତି ପାହିଲେ ଦିନେଶଙ୍କ ଆଇସକ୍ରିମ୍ ଫ୍ୟାକ୍ଟ୍ରିରେ ବେପାରୀଙ୍କ ଗହଳି ଦେଖିବାକୁ ମିଳିଥାଏ । ଫ୍ୟାକ୍ଟିି୍ରରୁ ଆଇସକ୍ରିମ୍ ନେଇ ସ୍ଥାନୀୟ ଅଂଚଳରେ ବ୍ୟବସାୟ କରି ବେଶ ଦୁଇ ପଇସା ରୋଜଗାର କରନ୍ତି ବ୍ୟବସାୟୀ । ପାଖାପାଖି ୧୦ଟି ଗାଡ଼ିରେ ବେପାର କରିବା ପାଇଁ ବେପାରୀ ମାନେ ଆଇସକ୍ରିମ୍ ଲୋଡ଼ କରି ନେଇଥାଆନ୍ତି । କୋନ, ଚକୋବାର, ଜୁଶ୍, ଦହି, କପ୍ ଭଳି ବିଭିନ୍ନ ପ୍ରକାରର ଆଇସକ୍ରିମ୍ ଏଠାରେ ମିଳିଥାଏ । ଅମୁଲ, ଦହି, ଚିନି, କଦଳୀ ନଡ଼ିଆ ଆଦି ବିଭିନ୍ନ ପ୍ରକାର ଉପକରଣ ମିଶ୍ରଣ କରି ଏହାକୁ ପ୍ରସ୍ତୁତ କରାଯାଉଥିବା ବେଳ ଏହାର ସ୍ୱାଦ ବେଶ ଭଲ ରହିଥାଏ । ତେଣ ୁ ବେପାର ମଧ୍ୟ ଭଲ ହେଉଥିବା କୁହନ୍ତି ବ୍ୟବସାୟୀ ।
ଦିନ ଯାକ ମୁଲ ମଜୁରୀ ଲାଗିବା ଅପେକ୍ଷା ୨ରୁ ୩ଘଂଟା ସମୟ ନେଇ ୫୦୦ରୁ ୬୦୦ ଟଙ୍କା ରୋଜଗାର ହେଉଥିବା କୁହନ୍ତି ଆଇସକ୍ରିମ୍ ବେପାର କରୁଥିବା କର୍ମଚାରୀ । ଯାହା ଦ୍ୱାରା ତାଙ୍କର ପରିବାର ମଧ୍ୟ ଭଲରେ ପ୍ରତିପୋଷଣ ହୋଇପାରୁଛି । ରୋଜଗାର କରିବା ପାଇଁ ଅନ୍ୟ ଉପରେ ନିର୍ଭର ନକରି ନିଜେ ଆଇସକ୍ରିମ୍ ବ୍ୟବସାୟ କରି ପରିବାର ପ୍ରତିପୋଷଣ କରୁଥିବାରୁ ବେଶ ଖୁସି ପ୍ରକାଶ କରିଛନ୍ତି ।