ପତ୍ନୀଙ୍କୁ କଲ ଗାର୍ଲର ପରିଚୟ ଦେଇ ଜେଲ ଗଲେ ସ୍ୱାମୀ : ସୋସିଆଲ ମିଡିଆରେ ଅଶ୍ଲୀଳ ଫଟୋ ସହ ଦେଇଥିଲେ ଫୋନ ନମ୍ବର

ବ୍ରହ୍ମପୁର ସାଇବର ଥାନାରେ ଅଭିଯୋଗ ପରେ କେସିଙ୍ଗାରୁ ଧରାହେଲେ ଯୁବକ

4,517

କନକ ବ୍ୟୁରୋ : ପତ୍ନୀଙ୍କ ନାଁରେ  ନକଲି ଫେସବୁକ ଆକାଂଉଟ କରି ଫସିଲେ ଓ ଗିରଫ ହେଲେ । ବ୍ରହ୍ମପୁର ସାଇବର ଥାନା ପୁଲିସ କଳାହାଣ୍ଡି ଜିଲ୍ଲା କେସିଙ୍ଗାର ସ୍ୱାମୀ ଭାଗବତ ପ୍ରସାଦ ମିଶ୍ରଙ୍କୁ ଗିରଫ କରିଛି । ପତ୍ନୀଙ୍କୁ ବଦନାମ କରିବା ପାଇଁ  ତାଙ୍କୁ କଲଗାର୍ଲର ପରିଚୟ ଦେଇ ଅଶ୍ଲୀଳ ଫଟୋ ଛାଡିଥିଲେ । ବିଭିନ୍ନ ଲୋକଙ୍କ ସଂପୃକ୍ତ ମହିଳାଙ୍କୁ ଫୋନ କରି ହଇରାଣ ଆରମ୍ଭ କରିବା ପରେ ମାମଲା ଥାନାକୁ ଯାଇଥିଲା ।

ଶେଷରେ ଭଗବତ ମିଶ୍ର ଗିରଫ ହୋଇଛନ୍ତି । ଦଶପଲ୍ଲା ଅଚଂଳର ଜଣେ ଯୁବତୀଙ୍କ ସହ ଭାଗବତ ପ୍ରସାଦ ମିଶ୍ରଙ୍କ  ବାହାଘର ହୋଇଥିଲା । ଭାଗବତ ପୂର୍ବରୁ ବିବାହିତ ବୋଲି ଜାଣିବା ପରେ ସଂପୃକ୍ତ ଯୁବତୀ ସ୍ୱାମୀଙ୍କଠାରୁ ଅଲଗା ହୋଇ ଘରକୁ ଚାଲିଆସିଲେ । ଏହାର ପ୍ରତିଶୋଧ ନେବାକୁ  ପତ୍ନୀଙ୍କ ନକଲି ଆକାଂଉଟ ଖୋଲି କଲଗାର୍ଲର ପରିଚୟ ଦେଇଥିଲେ ସ୍ୱାମୀ । ଏପରିକି ସେ ମୋବାଇଲ ନମ୍ବର ବି ଦେଇଥିଲେ ।

ଘଟଣା ଜଣାପଡିବା ପରେ ସଂପୃକ୍ତ ଯୁବତୀ ସେପେଟମ୍ବର ୧୨ ତାରିଖରେ ବ୍ରହ୍ମପୁର ସାଇବର ଥାନାରେ ଅଭିଯୋଗ କରିଥିଲେ । ତଦନ୍ତ ପରେ ସ୍ୱାମୀ  ଏଭଳି କାଣ୍ଡ କରିଥିବା ପୁଲିସ ତଦନ୍ତରୁ ଜାଣିପାରିଥିଲା । ଭଗବତ ପ୍ରସାଦ ମିଶ୍ରଙ୍କୁ  କେସିଙ୍ଗାରୁ ଗିରଫ କରାଯାଇଛି । ବେଲ ନାମଞ୍ଜୁର ହେବା ପରେ ତାଙ୍କୁ ଜେଲ ପଠାଇଦିଆଯାଇଛି ।

Comments are closed.