ବିଧାନସଭାରେ ବିରୋଧୀଙ୍କର ଘଣ୍ଟମାଡ । ବାଚସ୍ପତିଙ୍କ ଉପରକୁ ପ୍ଲାକାର୍ଡ ଫିଙ୍ଗିଲେ ବିରୋଧୀ । ଆସନ୍ତାକାଲି ଯାଏଁ ଗୃହ ମୁଲତବୀ
କନକ ବ୍ୟୁରୋ: ପୁଣି ବିଧାନସଭାରେ ବିରୋଧୀଙ୍କ ହୋହଲ୍ଲା । ବାଚସ୍ପତିଙ୍କ ଉପରକୁ ପ୍ଲାକାର୍ଡ ଫିଙ୍ଗିଲେ ବିରୋଧୀ । ଅପରାହ୍ନରେ ମନ୍ତ୍ରୀ ପ୍ରତାପ ଜେନା ବିଧାନସଭାରେ ପଞ୍ଚାୟତିରାଜ ବିଭାଗର ଖର୍ଚ୍ଚ ଦାବି ଉପସ୍ଥାପିତ କରୁଥିବାବେଳେ ବିରୋଧୀମାନେ ମନ୍ତ୍ରୀଙ୍କ ଆଗରେ ହୋହଲ୍ଲା କରିଛନ୍ତି । ଖାଲି ସେତିକି ନୁହେଁ ବିଜେପି ବିଧାୟକମାନେ ବିଧାନସଭା ଭିତରେ ଘଣ୍ଟ ବାଡେଇ ହଟ୍ଟଗୋଳ କରିଥିଲାବେଳେ, କଂଗ୍ରେସ ବିଧାୟକ ମଧ୍ୟ ଗୃହ ଭିତରେ ହୋ ହଲ୍ଲା କରିଛନ୍ତି । ବିଧାନସଭାରେ ଆଜି ବିରୋଧୀ କଂଗ୍ରେସ ଓ ବିଜେପି ସଦସ୍ୟମାନେ ଘଣ୍ଟମାଡ କରିଛନ୍ତି । ବିରୋଧୀମାନେ ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ଉପରକୁ ପ୍ଲାକାର୍ଡ ମଧ୍ୟ ଫୋଫାଡିଛନ୍ତି । ଏହାପରେ ବାଚସ୍ପତି ଆସନ୍ତାକାଲି ପର୍ଯ୍ୟନ୍ତ ଗୃହକୁ ମୁଲତବୀ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅପରାହ୍ନରେ ବିଧାନସଭାରେ ଘଣ୍ଟମାଡ କରି ବିରୋଧୀଙ୍କ ହୋହଲ୍ଲା
ଘଣ୍ଟମାଡ ସହ ପ୍ଲାକାର୍ଡ ପ୍ରଦର୍ଶନ କଲେ ବିଜେପି ସଦସ୍ୟ
ଗୃହ ମଧ୍ୟଭାଗକୁ ଆସି କଂଗ୍ରେସ ସଦସ୍ୟଙ୍କ ହୋହଲ୍ଲା#Odisha #KanakNews pic.twitter.com/FmiwTgKgb4— Kanak News (@kanak_news) December 9, 2021