ଅସହାୟ କାର୍ତ୍ତିକଙ୍କୁ ମିଳିଲା ସହାୟତାର ହାତ : କନକ ନ୍ୟୁଜରେ ଖବର ପ୍ରସାରଣ ପରେ ମିଳିଲା ସହାୟତା
କନକ ବ୍ୟୁରୋ : କନକ ନ୍ୟୁଜରେ ଖବର ପ୍ରସାରଣ ପରେ ଅସହାୟ କାର୍ତ୍ତିକଙ୍କୁ ବଢିଲା ସହାୟତାର ହାତ । ଦୁର୍ଘଟଣାରେ ଗୋଟିଏ ଗୋଡ ଅଚଳ ହେବାପରେ ଅର୍ଥ ଅଭାବରୁ ହୋଇ ପାରୁନି ଚିକିତ୍ସା । ଦିନେ ରୋଜଗାର କରି ପରିବାର ଚଳାଉ ଥିବା ରୋଜଗାରିଆ ପୁଅ ଆଜି ବାପା ମା’ଙ୍କ ଉପରେ ବୋଝ ପାଲଟି ଯାଇଛନ୍ତି । କନକ ନ୍ୟୁଜରେ ଏହି ଖବର ପ୍ରସାରଣ ପରେ ଚାରି ଆଡୁ ବଢୁଛି ସହାୟତାର ହାତ । ଜିଲ୍ଲା ପ୍ରଶାସନ ପକ୍ଷରୁ ୧୦ ହଜାର ଟଙ୍କାର ଆର୍ଥୀକ ସହାୟତା ଯୋଗାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
କଟକ ସହରର ସାହାର୍ଯ୍ୟ ହୋପ୍ ଅଫ୍ ଲାଇଫ୍ ନାମକ ଏକ ସ୍ୱେଛାସେବି ଅନୁଷ୍ଠାନ କାର୍ତ୍ତିକଙ୍କ ଘରେ ପହଁଚି ରାସନ ସାମଗ୍ରୀ ଦେବା ସହିତ ଆର୍ଥୀକ ସହାୟତା ମଧ୍ୟ ପ୍ରଦାନ କରିଛନ୍ତି । ଖାଲି ଏତିକି ନୁହେଁ କାର୍ତ୍ତିକଙ୍କ ଚିକିତ୍ସା ବ୍ୟବସ୍ଥା କରିବା ପାଇଁ ମଧ୍ୟ ପ୍ରତିଶ୍ରୁତି ଦେଇଛନ୍ତି । କାର୍ତ୍ତିକଙ୍କ ଚିକିତ୍ସା ପାଇଁ ପ୍ରାୟ ୩ ଲକ୍ଷ ଟଙ୍କା ଆବଶ୍ୟକ ରହିଛି । ତେଣୁ ଆହୁରି ଆର୍ଥିକ ସହାୟତାର ଆବଶ୍ୟକତା ରହିଛି ।