ଭାରତୀୟ ବଜାରରୁ ହଜି ଯିବ ହାର୍ଲି- ଡେଭିଡସନ ବାଇକ୍ । କେଉଁଠି କରିବେ ସର୍ଭିସ୍ ଓ ମେଣ୍ଟେନାନ୍ସ ଆସନ୍ତୁ ଦେଖିବା ଏହି ରିପୋର୍ଟ
କନକ ବ୍ୟୁରୋ : ବିଶ୍ୱର ପ୍ରସିଦ୍ଧ ବାଇକ ନିର୍ମାତା କମ୍ପାନୀ ହାର୍ଲି ଡେଭିଡସନ ଗତକାଲି ଠାରୁ ଭାରତୀୟ ବଜାରରେ ତା’ର ଉତ୍ପାଦନ ଓ ବିକ୍ରୟ ବନ୍ଦ କରିବା ପାଇଁ ଘୋଷଣା କରିଛି । କମ୍ପାନୀ ରିୱାଇର ନାମକ ପୁନଗଠନ ପ୍ରକ୍ରିୟା ଅଧିନରେ ଏଭଳି ନିଷ୍ପତ୍ତି ନେଇଛି । ଅଗଷ୍ଟ ମାସରେ ଏହି ବାଇକ ନିର୍ମାତା କମ୍ପାନୀ ଅର୍ନ୍ତଜାତୀୟ ବଜାରରେ କ୍ଷତିରେ ଚାଲୁଥିବାର ସୂଚନା ମିଳିଥିଲା । ଫଳରେ କମ୍ପାନୀ ବର୍ତମାନ ୟୁ,ଏସ୍ ମାର୍କେଟ ଉପରେ ଫୋକସ କରିବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଖରାପ ବିକ୍ରୟ ରେକର୍ଡ ଏବଂ କରୋନା ମହାମାରୀ କାରଣରୁ ଚାହିଦା ହ୍ରାସ ହେତୁ କମ୍ପାନୀକୁ ଏଭଳି ନିଷ୍ପତ୍ତି ନେବାକୁ ପଡିଛି ବୋଲି ଜଣାପଡିଛି । ଗତ ଆର୍ଥିକ ବର୍ଷରେ ଭାରତୀୟ ବଜାରରେ କମ୍ପାନୀ ମୋଟ ୨,୫୦୦ ହାର୍ଲି ଡେଭିଡସନ – ୟୁନିଟ୍ ବିକ୍ରି କରିଥିଲା । ଏହା ଭାରତୀୟ ବଜାରରେ କମ୍ପାନୀର ସବୁଠାରୁ ଖରାପ ପ୍ରଦର୍ଶନ ଥିଲା । ହେଲେ କମ୍ପାନୀ ବନ୍ଧ ହେବା ପରେ ଭାରତୀୟ୍ର ବଜାର ପାଇଁ କାମ କରୁଥିବା ୭୦ ହଜାର କର୍ମଚାରୀଙ୍କୀ ଭାଗ୍ୟ ଓ ଭବିଷ୍ୟତ ଏବେ ଅନ୍ଧାର ଭିତରକୁ ଠେଲି ହୋଇ ଯାଉଥିବା ବେଳେ କର୍ମଚାରୀଙ୍କ ପାଇଁ କିଭଳି ବ୍ୟବସ୍ଥା କରାଯିବ ସେ ନେଇ କମ୍ପାନୀ ପକ୍ଷରୁ କିଛି ସ୍ପଷ୍ଟ ହୋଇନାହିଁ ।
ଭାରତୀୟ ବଜାରରେ କମ୍ପାନୀର ସ୍ଥିତିକୁ ଅନୁଧ୍ୟାନ କଲେ ଚଳିତ ଆର୍ଥିକ ବର୍ଷରେ କମ୍ପାନୀ ଭାରତୀୟ ବଜାରରେ ୨୨ ପ୍ରତିଶତ କମ୍ କାରବାର କରିଥିଲା । ଏହି ବର୍ଷ କମ୍ପାନୀ ମୋଟ ୨,୬୭୬ ୟୁନିଟ ବିକ୍ରି କରିଥିଲା । ହେଲେ ପୂର୍ବ ଆର୍ଥିକ ବର୍ଷରେ କମ୍ପାନୀ ୩.୪୧୩ ୟୁନିଟ୍ ବିକ୍ରି କରିଥିଲା । ଭାରତରେ ବିକ୍ରି ହୋଇଥିବା ମୋଟ ୟୁନିଟରୁ ୬୫ ପ୍ରତିଶତ ବାଇକ ୭୫୦ ସିସି ଅଧିନରେ ଥିଲା । ଅନ୍ୟପଟେ ହାର୍ଲି – ଡେଭିଡସନ୍ ଓଟ୍ରୋମେଟିକ୍ ବ୍ରାଣ୍ଡରେ ଯୋଗ ଦେଇଛି । ଯାହା ଆସନ୍ତା ୩ ରୁ ୪ ବର୍ଷ ମଧ୍ୟରେ ଭାରତୀୟ ବଜାରରେ ତା’ର ଉତ୍ପାଦ ଛାଡିବ ବୋଲି ନିଷତପତ୍ତି ନିଆଯାଇଥିବା ଜଣାପଡିଛି । ଏହି ତାଲିକାରେ ଜେନେରାଲ ମୋଟର୍ସ, ଫେଏଟ୍, ସାଙ୍ଗୟଙ୍ଗ, ସ୍କାନିଆ, ମ୍ୟାନ୍ ଓ ୟୁଏମ ମୋଟରସାଇକେଲ ସାମିଲ ରହିଛି ।
ମାତ୍ର କିଛି ବର୍ଷ ପୂବେ ହାର୍ଲି- ୩୫୦ ସିସି ଇଞ୍ଜିନ ବାଇକ ତିଆରି କରିବାକୁ ଏକ ଚାଇନିଜ୍ କମ୍ପାନୀ କିୟାଙ୍ଗଙ୍ଗ ସହିତ ଏକ ବୁଝାମଣା କରିଥିଲା । ବୁଝାମଣା ମୁତାବକ ୨୦୨୦/୨୧ ଆର୍ଥିକ ବର୍ଷରେ ଏହି ବାଇକ ଭାରତୀୟ ବଜାରକୁ ଆସିବାର ଥିଲା । ହେଲେ ଏନେଇ ଏବେ କିଛି ସୂଚନା ମିଳିପାରି ନାହିଁ । ସେପଟେ ହାର୍ଲି ଡେଭିଡସନ ସହ ପ୍ରତିଦ୍ୱନ୍ଦିତା କରୁଥିବା ବ୍ରାଣ୍ଡଗୁଡିକ ହେଉଛି ଟ୍ରିୟାଥଲନ୍ , ବେନେଲି, କାୱାସିକ୍, ଦୁକାଟା, ଏପ୍ରିଲିଆ, ୟାମହା, ସୁଜୁକି, ଓ ହୋଣ୍ଡା ବାଇକ । ଗୋଟିଏ ପଟେ ଏହି ବାଇକ ନିର୍ମାତା ଭାରତୀୟ ବଜାର ଛାଡୁଥିବା ବେଳେ ଏହି ବାଇକ କିଣିଥିବା ଗ୍ରାହକ ମାନେ ଏବେ ଚିନ୍ତାରେ । କାରଣ ବାଇକର ସର୍ଭିସ ଓ ମେଣ୍ଟେନାନ୍ସ କିଭଳି ଓ କେଉଁଠି ହେବ ସେ ନେଇ ସେମାନଙ୍କର ଚିନ୍ତା ବଢିଛି । ଏପଟେ କମ୍ପାନୀ କହିଛି କି ଭାରତୀୟ ବଜାରରେ ତା’ର ଉତ୍ପାଦ ଓ ବିକ୍ରି ବନ୍ଦ କରାଗଲେ ବି ସର୍ଭିସ ଓ ମେଣ୍ଟେନାନ୍ସ ଚାଲୁ ରହିବ ।