ରାଜ୍ୟ ସରକାର ମାନେ ଜିଏସଟି ନେଇ ଯେଉଁ କ୍ଷତି ସହୂୁଛନ୍ତି ତାର ଭରଣା କିଭଳି କରାଯିବ ତାହା ଜିଏସଟି ପରିଷଦ ନିଷ୍ପତ୍ତି କରିବ,  ଏପଟେ ଖୋଲାବାଜାରରୁ ଋଣ କରି ଏହାର ଭରଣା କରିବାକୁ ଅର୍ଥମନ୍ତ୍ରୀ ଚାହୁଁଥିବା ବେଳେ ଏହାକୁ ବିରୋଧ କରିଛନ୍ତି ଅଣ-ବିଜେପି ଶାସିତ ୬ ଟି ରାଜ୍ୟର ମୁଖ୍ୟମନ୍ତ୍ରୀ 

248

କନକ ବ୍ୟୁରୋ : ରାଜ୍ୟମାନେ ଜିଏସଟିକୁ ନେଇ ସହୁଥିବା କ୍ଷତି ଉପରେ ମତ ରଖିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀଥାରମଣ । ମୌସୁମୀ ଅଧବେସନରେ ଏନେଇ ମତ ରଖି ସେ କହିଛନ୍ତି କି ଏହି ସମସ୍ୟାର ସମାଧାନ କରିବ ଜିଏସଟି କାଉଁସିଲ । କେଉଁଠୁ ଋଣ ଆଣି ଏହାର ଭରଣା କରାଯିବ ତାହା ସ୍ଥିର କରିବ ଜିଏସଟି କାଉଁସିଲ ।

() କେନ୍ଦ୍ରୀୟ ଅର୍ଥମନ୍ତ୍ରୀ ନିର୍ମଳା ସୀତାରମଣ ମୌସୁମୀ ଅଧିବେସନରେ କହିଛନ୍ତି କି ରାଜ୍ୟମାନେ ବସ୍ତୁ ଓ ସେବାକର (ଜିଏସଟି) ଉପରେ ସହୁଥିବା କ୍ଷତିକୁ ନେଇ କେନ୍ଦ୍ରସରକାର ତାଙ୍କ ଦାୟିତ୍ୱରୁ ପଛକୁ ହଟିନାହାନ୍ତି । ବିରୋଧିମାନେ ଲଗାଉଥିବା ଦୋଷ ଉପରେ ସେ କହିଛନ୍ତି କି ରାଜ୍ୟସରକାର ମାନେ ସହୁଥିବା କ୍ଷତି ଉପରେ ଜିଏସଟି ପରିଷଦ ବିଚାର କରି କିଛି ନା କିଛି ରାସ୍ତା ବାହାର କରିବ । ଏହା ସହ ସେ ସଫା ସଫା କହିଛନ୍ତି କି କନସୁଲଟେଡ ଫଣ୍ଡରୁ ଏହି କ୍ଷତିର ଭରଣା କରିବାକୁ କୌଣସି ପ୍ରାବଧାନ ନାହିଁ ।

ରାଜ୍ୟମାନେ ସହୁଥିବା ଜିଏସଟି କ୍ଷତିର ଭରଣା ସେସ୍ ଫଣ୍ଡରୁ ହେବା ଆବଶ୍ୟକ 

ସୀତାରମଣ ଆହୁରି କହିଛନ୍ତି କି ଜିଏସଟି କ୍ଷତିପୂରଣ ମାମଲାକୁ ନେଇ ସେ ଜିଏସଟି ପରିଷଦରେ ଚର୍ଚ୍ଚା କରିବେ । ଏନେଇ ରାଜ୍ୟସରକାରଙ୍କର ହେଉଥିବା ରାଜସ୍ୱ କ୍ଷତିକୁ କିଭଳି ଭାବେ ଋଣ କରି ଭରଣା କରାଯାଇପାରିବ ସେ ନେଇ ସେ ଆଲୋଚନା କରିବେ । ଏହା ସହ ସେ କହିଛନ୍ତି କି ବିଶେଷ ଭାବେ ଏଭଳି କ୍ଷତିର ଭରଣା ସେସ୍ ଫଣ୍ଡରୁ କରାଯିବାର ଆବଶ୍ୟକ ରହିଛି । ଏହାସହ ଲୋକସଭାରେ ୨୦୨୦-୨୧ ଆର୍ଥିକ ବର୍ଷ ପାଇଁ ବିନିଯୋଗ ବିଧେୟକକୁ ମଞ୍ଜୁର କରିଛନ୍ତି । ଏହା ପାଇଁ ୨,୩୫,୮୫୨ କୋଟି ଟଙ୍କାର ଅତିରିକ୍ତ ଖର୍ଚ୍ଚ ଲାଗି ମଞ୍ଜୁରୀ ମାଗିଛନ୍ତି । ଏହାସହ ତଳ ସଦନରେ  ୨୦୧୬-୧୭ ଆର୍ଥିକ ବର୍ଷ ପାଇଁ ମଗାଯାଇଥିବା ଅତିରିକ୍ତ ଅନୁଦାନକୁ ମଞ୍ଜୁର କରିଛନ୍ତି ।

କୌଣସି ରାଜ୍ୟର ଅନୁଦାନ ଅଟକାଇ ନାହାନ୍ତି କେନ୍ଦ୍ରସରକାର

ବିରୋଧୀମାନଙ୍କ ପ୍ରଶ୍ନର ଉତ୍ତର ଦେଇ ଅର୍ଥମନ୍ତ୍ରୀ ସୀଥାରମଣ କହିଛନ୍ତି ବିରୋଧୀ ମାନେ ବିରୋଧୀ ମାନେ ଲୋକଙ୍କୁ ଭୂଆଁ ବୁଲାଉଛନ୍ତି । କୋଭିଡ-୧୯ ଭଳି ମୁସ୍କିଲ ସମୟରେ ବି କେନ୍ଦ୍ରସରକାର କୌଣସି ରାଜ୍ୟର ଅନୁଦାନକୁ ବନ୍ଦ କରିନାହାନ୍ତି । ରାଜ୍ୟମାନେ ସହିଥିବା ଜିଏସଟି କ୍ଷତି ପୂରଣ କରିବାରେ କେନ୍ଦ୍ରସରକାର ପଛକୁ ହଟି ନାହାନ୍ତି । ଏହାସହ କରୋନା ମହାମାରୀ ବେଳେ ସରକାର ସହୁଥିବା ଟ୍ୟାକ୍ସ କ୍ଷତି ଭରଣା କରିବାକୁ କୌଣସି ସାମଗ୍ରୀ ଉପରେ କର ବଢାଇ ନାହାନ୍ତି । ଅନ୍ୟପଟେ କରୋନା ମହାମାରୀ ପାଇଁ ରାଜ୍ୟରେ ଜିଏସଟି ରାଜସ୍ୱ ଆଦାୟ ୨.୩୫ ଲକ୍ଷ କୋଟି ଟଙ୍କା କମିପାରେ ବୋଲି ସେ ଅନୁମାନ କରିଛନ୍ତି ।

ପ୍ରବାସୀ ଶ୍ରମିକଙ୍କ ରୋଜଗାର ଓ ସୁରକ୍ଷା ସମେତ ଶ୍ରମ ସୁଧାର ସହିତ ଜଡିତ ୩ ଟି ବିଲ ଉପସ୍ଥାପନା 

କେନ୍ଦ୍ରସରକାର ଏହା ମାନିଛନ୍ତି କି ରାଜ୍ୟମାନଙ୍କରେ ଜିଏସଟିରୁ ହେଉଥିବା ଆମଦାନୀ କରୋନା ମହାମାରୀ ପାଇଁ ୧.୩୮ ଲକ୍ଷ କୋଟି ଟଙ୍କା କମ ହୋଇପାରେ । କହିରଖୁ କି ଅଣ ବିଜେପି ଶାସିତ ୬ ଟି ରାଜ୍ୟର ମୁଖ୍ୟମନ୍ତ୍ରୀ କେନ୍ଦ୍ରସରକାରଙ୍କୁ ଚିଠି ଲେଖିଥିଲେ । କେନ୍ଦ୍ରସରକାର ଋଣ କରି ରାଜ୍ୟମାନେ ସହୁଥିବା କ୍ଷତିକୁ ଭରଣା କରିବାକୁ ଚାହୁଁଥିବା ବେଳେ ସେମାନେ ଚିଠି ମାଧ୍ୟମରେ ଏହାକୁ ବିରୋଧ କରିଥିଲେ । ଏମାନଙ୍କ ମଧ୍ୟରେ ଥିଲେ ପଶ୍ଚିମବଙ୍ଗ, କେରଳ, ଦିଲ୍ଲୀ, ତେଲାଙ୍ଗାନା, ଛତିଶଗଡ ଓ ତାମିଲନାଡୁର ମୁଖ୍ୟମନ୍ତ୍ରୀ  । ସେମାନେ ଚଠିରେ ଉଲ୍ଲେଖ କରିଥିଲେ କି କେନ୍ଦ୍ରସରକାର ଯଦି ଖୋଲାବଜାରରୁ ଋଣ କରି ଏହି କ୍ଷତିର ଭରଣା କରନ୍ତି ତାହେଲେ ଏହା ରାଜ୍ୟସରକାର ମାନଙ୍କ ପାଇଁ ଅଧିକ ବୋଝ ହୋଇଯିବ  । ଏହା ଉପରେ ଅର୍ଥମନ୍ତ୍ରୀ କହିଥିଲେ କି ଏବେ କରୋନା ମହାମାରୀ ପାଇଁ କେନ୍ଦ୍ର ପାଉଥିବା ଟ୍ୟାକ୍ସର ୨୯.୧ ପ୍ରତିଶତ ହ୍ରାସ ହୋଇଛି । ହେଲେ କେନ୍ଦ୍ରସରକାର ରାଜ୍ୟମାନଙ୍କୁ ସେମାନଙ୍କ ଅନୁଦାନ ରାଶି ଦେଇଚାଲିଛନ୍ତି ।