ମୃତ୍ୟୁ ଲୁଚାଇଥିଲା ହସ୍ପିଟାଲ ! ଫେସବୁକ୍ ଲାଇଭରେ କାନ୍ଦି କାନ୍ଦି ହାଇଟେକ୍ ହସ୍ପିଟାଲ ନାଁରେ ଅଭିଯୋଗ କଲେ ଝିଅ
ଚିକିତ୍ସା ଆଳରେ ହସ୍ପିଟାଲ କର୍ତୃପକ୍ଷ ଟଙ୍କା ଅଦାୟ କରୁଥିବା ଅଭିଯୋଗ; ହସ୍ପିଟାଲ କର୍ତୃପକ୍ଷଙ୍କ ଖଣ୍ଡନ
କନକ ବ୍ୟୁରୋ : ରୋଗୀ ମୃତ୍ୟୁକୁ ନେଇ ରାଜଧାନୀର ହାଇଟେକ୍ ହସ୍ପିଟାଲରେ ଉତେଜନା । ୩ ଦିନ ହେବ ବାପାଙ୍କ ମୃତ୍ୟୁକୁ ଲୁଚାଇ ରଖିଥିବାଫେସବୁକ୍ ଲାଇଭରେ କାନ୍ଦି କାନ୍ଦି ଅଭିଯୋଗ କଲେ ଝିଅ । ଚିକିତ୍ସା ଆଳରେ ହସ୍ପିଟାଲ କର୍ତ୍ତୃପକ୍ଷ ଅର୍ଥ ଆଦାୟ କରୁଥିବା ସଂଗୀନ ଅଭିଯୋଗ କରିଛନ୍ତି ମୃତକଙ୍କ ଝିଅ ଅର୍ପିତା ମହାକୁଡ । ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି । ଅସୁସ୍ଥ ଯୋଗୁ ବାଲିଆପଟା ବସ୍ତିର ସଂଜୀବ ମହାକୁଡଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ତିନି ଦିନ ହେବ ଚିକିତ୍ସା କରାଯାଉଥିଲେ ବି ତାଙ୍କ ସ୍ୱାସ୍ଥ୍ୟାବସ୍ଥାରେ କୌଣସି ଉନ୍ନତି ନହେବାରୁ ପରିବାର ଲୋକେ ସନ୍ଦେହ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତିନି ଦିନ ହେବ ମୃତ୍ୟୁ ହୋଇଥିଲେ ବି କାହିଁକି ଲୁଚାଇ ରଖିଥିଲେ ବୋଲି ପରିବାର ଲୋକେ ପ୍ରଶ୍ନ କରିଥିଲେ । ଅନ୍ୟପଟେ ପରିବାର ଲୋକଙ୍କ ଅଭିଯୋଗକୁ ଅସ୍ୱୀକାର କରିଛନ୍ତି ହସ୍ପିଟାଲ କର୍ତୃପକ୍ଷ । ସଂଜୀବଙ୍କୁ କୋଭିଡ୍ ହୋଇଥିଲା । ତାଙ୍କୁ କୋଭିଡ୍ ଆଇସ୍ରିୁରେ ଭର୍ତ୍ତି କରାଯାଇଥିଲା । ୧୩ ତାରିଖରେ ତାଙ୍କର ମୃତ୍ୟୁ ହୋଇଥିବା ହାଇଟେକ୍ ହସ୍ପିଟାଲର କଚିଫ୍ ଅପରେଟିଂ ଅଫିସର ଜ୍ୟୋତିମୟ ପଣ୍ଡା ସୂଚନା ଦେଇଛନ୍ତି । କୋଭିଡ୍ ନିୟମ ଅନୁସାରେ ପରିବାର ଲୋକ କୋଭିଡ୍ ଫର୍ମରେ ଅନୁମତି ଦେବା ପରେ ମୃତଦେହ ବିଏମସିକୁ ପଠାଯିବ ବୋଲି ସେ ସୂଚନା ଦେଇଛନ୍ତି ।